<p>‘ಬಿಗಿಲ್’ ಚಿತ್ರದ ಬಳಿಕ ಕಾಲಿವುಡ್ ನಟ ‘ದಳಪತಿ’ ವಿಜಯ್ ಅಭಿನಯಿಸಿರುವ ಸಿನಿಮಾ ‘ಮಾಸ್ಟರ್’. ಇದಕ್ಕೆ ಲೋಕೇಶ್ ಕನಕರಾಜ್ ಆ್ಯಕ್ಷನ್ ಹೇಳಿದ್ದಾರೆ. ಕೋವಿಡ್–19 ಕಾಣಿಸಿಕೊಳ್ಳದಿದ್ದರೆ ಏಪ್ರಿಲ್ 9ರಂದು ಈ ಚಿತ್ರ ಥಿಯೇಟರ್ಗೆ ಅಪ್ಪಳಿಸಬೇಕಿತ್ತು. ಕೊರೊನಾ ಸೋಂಕು ಹೆಚ್ಚಳದ ಪರಿಣಾಮ ಬಿಡುಗಡೆಯ ದಿನಾಂಕ ಮುಂದಕ್ಕೆ ಹೋಗಿದೆ.</p>.<p>ಈ ನಡುವೆಯೇ ‘ಮಾಸ್ಟರ್’ ಸಿನಿಮಾ ಆಗಸ್ಟ್ 14ರಂದು ಅಮೆಜಾನ್ ಪ್ರೈಮ್ ವಿಡಿಯೊದಲ್ಲಿ ಬಿಡುಗಡೆಯಾಗಲಿದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು. ಈಗಾಗಲೇ ಸಾಕಷ್ಟು ವಿಳಂಬವಾಗಿರುವ ಈ ಚಿತ್ರ ಒಟಿಟಿಯಲ್ಲಿ ನೇರವಾಗಿ ಬಿಡುಗಡೆಯಾಗಲಿದೆ ಎಂದು ವಿಜಯ್ ಅಭಿಮಾನಿಗಳೂ ಸಂತಸದ ಅಲೆಯಲ್ಲಿ ತೇಲುತ್ತಿದ್ದರು. ಆದರೆ, ಚಿತ್ರದ ವಿತರಣೆಯ ಜವಾಬ್ದಾರಿ ಹೊತ್ತಿರುವ ಸೆವೆನ್ ಸ್ಟಾರ್ ಸ್ಟುಡಿಯೊದ ಲಲಿತ್ ಕುಮಾರ್ ಈ ಬಗ್ಗೆ ಟ್ವಿಟರ್ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ.</p>.<p>ಇಷ್ಟೆಲ್ಲಾ ರಾದ್ಧಾಂತಕ್ಕೆ ಕಾರಣವಾಗಿದ್ದು ಅಮೆಜಾನ್ ಪ್ರೈಮ್ನಲ್ಲಿ ಹಂಚಿಕೊಂಡಿರುವ ಕೊರಿಯನ್ ಸಿನಿಮಾದ ಪೋಸ್ಟರ್. ಅಂದಹಾಗೆ ಈ ಚಿತ್ರದ ಟೈಟಲ್ ಕೂಡ ‘ಮಾಸ್ಟರ್’ ಎಂದಿದೆ.</p>.<p>‘ಮಾಸ್ಟರ್ ಸಿನಿಮಾವನ್ನು ಚಿತ್ರಮಂದಿರದಲ್ಲಿಯೇ ಬಿಡುಗಡೆ ಮಾಡುತ್ತೇವೆ. ಅಮೆಜಾನ್ ಪ್ರೈಮ್ನ ಪೋಸ್ಟರ್ನಲ್ಲಿರುವುದು 2016ರಲ್ಲಿ ನಿರ್ಮಾಣವಾಗಿರುವ ಕೊರಿಯನ್ ‘ಮಾಸ್ಟರ್’ ಸಿನಿಮಾ. ಅದು ತಮಿಳು ಮಾಸ್ಟರ್ ಸಿನಿಮಾವಲ್ಲ’ ಎಂದು ಲಲಿತ್ ಕುಮಾರ್ ಹೇಳಿದ್ದಾರೆ.</p>.<p>ಇತ್ತೀಚೆಗೆ ಸಂದರ್ಶನವೊಂದಲ್ಲಿ ಚಿತ್ರದ ನಿರ್ಮಾಪಕ ಕ್ಸೇವಿಯರ್ ಬ್ರಿಟ್ಟೊ, ‘ಒಟಿಟಿಯಲ್ಲಿ ಯಾವುದೇ ಕಾರಣಕ್ಕೂ ‘ಮಾಸ್ಟರ್’ ಸಿನಿಮಾವನ್ನು ಬಿಡುಗಡೆ ಮಾಡುವುದಿಲ್ಲ. ಥಿಯೇಟರ್ನಲ್ಲಿಯೇ ಬಿಡುಗಡೆ ಮಾಡುತ್ತೇವೆ’ ಎಂದು ಘೋಷಿಸಿದ್ದಾರೆ.</p>.<p>ಕೇಂದ್ರ ಸರ್ಕಾರ ಇನ್ನೂ ಸಿನಿಮಾಗಳ ಬಿಡುಗಡೆಗೆ ಅನುಮತಿ ನೀಡಿಲ್ಲ. ಅನುಮತಿ ನೀಡಿದ ಬಳಿಕವೂ ಹೊಸ ಮಾರ್ಗಸೂಚಿಗಳನ್ನು ಪ್ರಕಟಿಸಲಿದೆ. ಇದರ ಅನ್ವಯವೇ ಸಿನಿಮಾ ಬಿಡುಗಡೆಗೆ ಚಿತ್ರತಂಡ ನಿರ್ಧರಿಸಿದೆ.</p>.<p>ಆ್ಯಕ್ಷನ್ ಥ್ರಿಲ್ಲರ್ ಚಿತ್ರ ಇದು. ವಿಜಯ್ಗೆ ಮಾಳವಿಕಾ ಮೋಹನನ್ ನಾಯಕಿಯಾಗಿದ್ದಾರೆ. ವಿಜಯ್ ಸೇತುಪತಿ ಪ್ರಧಾನ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಅನಿರುದ್ಧ ರವಿಚಂದರ್ ಸಂಗೀತ ಸಂಯೋಜಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಬಿಗಿಲ್’ ಚಿತ್ರದ ಬಳಿಕ ಕಾಲಿವುಡ್ ನಟ ‘ದಳಪತಿ’ ವಿಜಯ್ ಅಭಿನಯಿಸಿರುವ ಸಿನಿಮಾ ‘ಮಾಸ್ಟರ್’. ಇದಕ್ಕೆ ಲೋಕೇಶ್ ಕನಕರಾಜ್ ಆ್ಯಕ್ಷನ್ ಹೇಳಿದ್ದಾರೆ. ಕೋವಿಡ್–19 ಕಾಣಿಸಿಕೊಳ್ಳದಿದ್ದರೆ ಏಪ್ರಿಲ್ 9ರಂದು ಈ ಚಿತ್ರ ಥಿಯೇಟರ್ಗೆ ಅಪ್ಪಳಿಸಬೇಕಿತ್ತು. ಕೊರೊನಾ ಸೋಂಕು ಹೆಚ್ಚಳದ ಪರಿಣಾಮ ಬಿಡುಗಡೆಯ ದಿನಾಂಕ ಮುಂದಕ್ಕೆ ಹೋಗಿದೆ.</p>.<p>ಈ ನಡುವೆಯೇ ‘ಮಾಸ್ಟರ್’ ಸಿನಿಮಾ ಆಗಸ್ಟ್ 14ರಂದು ಅಮೆಜಾನ್ ಪ್ರೈಮ್ ವಿಡಿಯೊದಲ್ಲಿ ಬಿಡುಗಡೆಯಾಗಲಿದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು. ಈಗಾಗಲೇ ಸಾಕಷ್ಟು ವಿಳಂಬವಾಗಿರುವ ಈ ಚಿತ್ರ ಒಟಿಟಿಯಲ್ಲಿ ನೇರವಾಗಿ ಬಿಡುಗಡೆಯಾಗಲಿದೆ ಎಂದು ವಿಜಯ್ ಅಭಿಮಾನಿಗಳೂ ಸಂತಸದ ಅಲೆಯಲ್ಲಿ ತೇಲುತ್ತಿದ್ದರು. ಆದರೆ, ಚಿತ್ರದ ವಿತರಣೆಯ ಜವಾಬ್ದಾರಿ ಹೊತ್ತಿರುವ ಸೆವೆನ್ ಸ್ಟಾರ್ ಸ್ಟುಡಿಯೊದ ಲಲಿತ್ ಕುಮಾರ್ ಈ ಬಗ್ಗೆ ಟ್ವಿಟರ್ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ.</p>.<p>ಇಷ್ಟೆಲ್ಲಾ ರಾದ್ಧಾಂತಕ್ಕೆ ಕಾರಣವಾಗಿದ್ದು ಅಮೆಜಾನ್ ಪ್ರೈಮ್ನಲ್ಲಿ ಹಂಚಿಕೊಂಡಿರುವ ಕೊರಿಯನ್ ಸಿನಿಮಾದ ಪೋಸ್ಟರ್. ಅಂದಹಾಗೆ ಈ ಚಿತ್ರದ ಟೈಟಲ್ ಕೂಡ ‘ಮಾಸ್ಟರ್’ ಎಂದಿದೆ.</p>.<p>‘ಮಾಸ್ಟರ್ ಸಿನಿಮಾವನ್ನು ಚಿತ್ರಮಂದಿರದಲ್ಲಿಯೇ ಬಿಡುಗಡೆ ಮಾಡುತ್ತೇವೆ. ಅಮೆಜಾನ್ ಪ್ರೈಮ್ನ ಪೋಸ್ಟರ್ನಲ್ಲಿರುವುದು 2016ರಲ್ಲಿ ನಿರ್ಮಾಣವಾಗಿರುವ ಕೊರಿಯನ್ ‘ಮಾಸ್ಟರ್’ ಸಿನಿಮಾ. ಅದು ತಮಿಳು ಮಾಸ್ಟರ್ ಸಿನಿಮಾವಲ್ಲ’ ಎಂದು ಲಲಿತ್ ಕುಮಾರ್ ಹೇಳಿದ್ದಾರೆ.</p>.<p>ಇತ್ತೀಚೆಗೆ ಸಂದರ್ಶನವೊಂದಲ್ಲಿ ಚಿತ್ರದ ನಿರ್ಮಾಪಕ ಕ್ಸೇವಿಯರ್ ಬ್ರಿಟ್ಟೊ, ‘ಒಟಿಟಿಯಲ್ಲಿ ಯಾವುದೇ ಕಾರಣಕ್ಕೂ ‘ಮಾಸ್ಟರ್’ ಸಿನಿಮಾವನ್ನು ಬಿಡುಗಡೆ ಮಾಡುವುದಿಲ್ಲ. ಥಿಯೇಟರ್ನಲ್ಲಿಯೇ ಬಿಡುಗಡೆ ಮಾಡುತ್ತೇವೆ’ ಎಂದು ಘೋಷಿಸಿದ್ದಾರೆ.</p>.<p>ಕೇಂದ್ರ ಸರ್ಕಾರ ಇನ್ನೂ ಸಿನಿಮಾಗಳ ಬಿಡುಗಡೆಗೆ ಅನುಮತಿ ನೀಡಿಲ್ಲ. ಅನುಮತಿ ನೀಡಿದ ಬಳಿಕವೂ ಹೊಸ ಮಾರ್ಗಸೂಚಿಗಳನ್ನು ಪ್ರಕಟಿಸಲಿದೆ. ಇದರ ಅನ್ವಯವೇ ಸಿನಿಮಾ ಬಿಡುಗಡೆಗೆ ಚಿತ್ರತಂಡ ನಿರ್ಧರಿಸಿದೆ.</p>.<p>ಆ್ಯಕ್ಷನ್ ಥ್ರಿಲ್ಲರ್ ಚಿತ್ರ ಇದು. ವಿಜಯ್ಗೆ ಮಾಳವಿಕಾ ಮೋಹನನ್ ನಾಯಕಿಯಾಗಿದ್ದಾರೆ. ವಿಜಯ್ ಸೇತುಪತಿ ಪ್ರಧಾನ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಅನಿರುದ್ಧ ರವಿಚಂದರ್ ಸಂಗೀತ ಸಂಯೋಜಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
