ಪಾಡು ಹಾಡಾಗುತ್ತ... ಹಾಡು ತಾನಾಗುತ್ತ

ಬಿಳಿಯಂಗಿ, ಬಿಳಿ ಪೈಜಾಮಾ ಧರಿಸಿ ಬಂದ ಆ ತಂಡ, ನೀಲಿ ಬಣ್ಣದ ಕುರ್ತಾ ಧರಿಸಿದರು. ಹಳದಿ ಬಣ್ಣದ ಪೇಟ ಸುತ್ತಿಕೊಂಡರು. ನೋಡನೋಡುತ್ತಿದ್ದಂತೆ ಕೊರಳಿಗೆ ಕನ್ನಡಮ್ಮನ ಧ್ವಜದ ಪಟ್ಟಿಯೂ ಬಂದಿತು. ತಾಳ ಹಿಡಿದರಿಬ್ಬರು, ಡೋಲು ಸಿದ್ಧಪಡಿಸಿದರಿಬ್ಬರು. ಒಬ್ಬರು ದುಡಿಯನ್ನು, ಇನ್ನೊಬ್ಬರು ಚಪ್ಪಾಳೆ ತಟ್ಟಲು ಸಿದ್ಧರಾದರು. ಹತ್ನಿಮಿಷದಲ್ಲಿ ಇಡೀ ತಂಡ ಸಿದ್ಧವಾಯಿತು.

. ತಂಡದ ನಾಯಕರು ಇಮಾಮ್ ಸಾಬ್ ವಲ್ಲೇಪುರ, ಅವರ ಹಾಡಿಗೆ, ತಾಳಹಾಕುತ್ತಲೇ ಹೋಯ್ ಹೋಯ್ ಅಂತ ಜೋಷ್ ತುಂಬುವ ರಾಜಾಸಾಬ ಚೌಕದಾರ, ಚಪ್ಪಾಳೆ ತಟ್ಟುತ್ತ ಧ್ವನಿಗೂಡಿಸುವ ಅಬ್ದುಲ್ ಖಾದರ್ ಸಾಬ್ ರಾಮದುರ್ಗ. ದುಡಿ ಬಾರಿಸುವ ಮೀರಾಬಾಯಿ ಬೀರಣ್ಣವರ; ಹೌದು.. ಅದ್ಹೆಂಗ.. ಅಗ್ದಿ ಖರೆ ಅಂತ ಧ್ವನಿಗೂಡಿಸುವ ದಾವಲಸಾಬ್ ವಲ್ಲೆಪ್ಪನವರ, ಡೊಳ್ಳು ಬಾರಿಸುವ ದ್ಯಾಮಪ್ಪ ಕರಿಯಪ್ಪ ಪೂಜಾರ ಇಡೀ ವಾತಾವರಣದಲ್ಲಿ ತಾಳಗಳ ನಾದ ಹರಡಿದರು. ನರನಾಡಿಗಳಲ್ಲಿ ಇವು ಭಾವತರಂಗವನ್ನು ಹರಡುತ್ತಿದ್ದವು. ಡೋಲಿನ ಬಡಿತವಂತೂ ನಮ್ಮ ಆಂತರ್ಯವನ್ನೇ ಸೀಳುವಂತಿತ್ತು.

. ‘ತಾಯ್ನಾಡಿನ ಋಣತೀರಿಸಬೇಕು. ಭಾರತಮಾತೆಗೆ ಏನಾದರೂ ಆದ್ರ ಒಗ್ಗಟ್ಟಿಲೆ ಹೋರಾಡೂನು.. ಕನ್ನಡತಾಯಿ ಹೊಟ್ಯಾಗ ಮತ್ತ ಹುಟ್ಟಿ ಬರೂನಂತ’ ಅಂತ ಕೆಚ್ಚೆದೆಯ ಹಾಡಿಗೆ ಹಿಮ್ಮೇಳದಲ್ಲಿ ಹೌದು... ಖರೇನೆ ಎಂದು ಜೋಷ್ ತುಂಬುತ್ತಿದ್ದರು.

. ‘ನಿನ್ನ ಹಡಿವಾಗ ಚೀರುವ ಅವ್ವನ ಆ ಅನ್ನುವ ನರಳುವುದರ ಋಣ ತೀರಿಸಲಾರೆ ನೀ.. ಆ ಋಣ ತೀರಿಸಬೇಕಂದ್ರ ಪ್ರೀತಿಲೆ ಇರಬೇಕು ನೀ... ಅಣ್ಣಾತಮ್ಮಂದಿರಹಂಗ ಇರಬೇಕು ನೀ’ ತಾಯ್ನೆಲದ ನಂತರ ತಾಯ್ತನದ ಋಣ ತೀರಿಸುವ ಬಗೆ ಹೇಳಿದರು ಇಮಾಮ್ ಸಾಬ್ ಅವರು.

. ಅದೆಂಥ ಮೋಡಿಯೋ ಆ ಹಿಮ್ಮೇಳದ್ದು.. ಕಾಲ್ಬೆರಳು ಹೆಜ್ಜೆ ಹಾಕುವಂತೆ ಮಾಡುತ್ತಿದ್ದವು. ಆಷಾಢದ ಗಾಳಿಗೆ ತೆಂಗಿನಮರ ತೂಗಿದಂತೆ ತಲೆತೂಗುತ್ತಿದ್ದವು.

. ಹೀಗೆ ಕೇಳುಗರ ಆಂತರ್ಯವನ್ನೇ ಪ್ರವೇಶಿಸುವ ಧ್ವನಿಗೆ.. ಒಳಧ್ವನಿಯು ಪ್ರಶ್ನಿಸುವಂತೆ ಇಮಾಮ್ ಸಾಬರಿಗೆ ದಾವಲ್ಸಾಬರ ಪ್ರಶ್ನಿಸುತ್ತಿದ್ದರು. ಬೌದ್ಧಿಕ ಬದುಕಿನ ಪ್ರಶ್ನೆಗಳು, ಭೌತಿಕ ಲೋಕದ ಸಮಸ್ಯೆಗಳು, ಆಧ್ಯಾತ್ಮಿಕ ಉತ್ತರಗಳ ಸಂವಾದ ನಮ್ಮೊಳಗಿನ ಲೋಕವನ್ನೇ ಅನಾವರಣಗೊಳಿಸುತ್ತಿತ್ತು.

. ಜಾತಿಜಾತಿಯಂತ ಜಗಳಾಡತಾರ... ಹಾಡು ಮನುಷ್ಯನ ಸಣ್ಣತನವನ್ನು ಪ್ರದರ್ಶಿಸುತ್ತಲೇ ಜಾತಿಯಿಲ್ಲದೇ ವೃತ್ತಿಗಳು ನಮ್ಮ ಬದುಕನ್ನು ರೂಪಿಸಿರುವುದು ಹೇಳಿತು. ಕೊನೆಯ ಹಾಡು.. ನಾನಾರೆಂಬುದು ನಾನಲ್ಲ... ಶಿಶುನಾಳಧೀಷರ ತತ್ವಪದ ಈ ಹಾಡುಗಳ ಹಿನ್ನೆಲೆಯಲ್ಲಿ ಮೂಡಿ ಬಂತು. ಕೊನೆಗೆ ಆ ಪ್ರಶ್ನೆಯ ಗುಂಗಿಹುಳು, ನಮ್ಮೊಳಗೆ ಹೊಕ್ಕು ನಾನಾರೆಂಬುವ ಪ್ರಶ್ನೆಗೆ ಉತ್ತರ ಹುಡುಕುವಂತೆ ಮಾಡಿತು.

. ಇಮಾಮ್ಸಾಬ್ ವಲ್ಲೇಪುರ ಅವರ ತಂಡ ‘ಪ್ರಜಾವಾಣಿ’ ಕಚೇರಿಯಿಂದ ಬೀಳ್ಕೊಡುವಾಗ ಆಚೆ ಸೋನೆ ಮಳೆ. ಇವರ ನಾದನದಿ ಹೃದಯ ತಂಪಾಗಿಸಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಾಡು ಹಾಡಾಗುತ್ತ... ಹಾಡು ತಾನಾಗುತ್ತ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು