ಬೆಂಗಳೂರು: ಬಾಲಿವುಡ್‌ನಲ್ಲಿ ತೆರೆಯ ಮೇಲೆ ಖಡಕ್ ಆಗಿ ಕಾಣಿಸುವ ನಟ ಜಾಕಿ ಶ್ರಾಫ್ ಅವರ ಮಾನವೀಯತೆಯ ಮತ್ತೊಂದು ಪರಿಚಯ ಇಲ್ಲಿದೆ.
ತಮ್ಮ ಫಾರ್ಮ್‌ಹೌಸ್‌ನಲ್ಲಿ ಕೆಲಸ ಮಾಡುತ್ತಿದ್ದ ಯುವಕನ ತಂದೆ ಮೃತಪಟ್ಟ ಸುದ್ದಿ ತಿಳಿದ ಜಾಕಿ ಶ್ರಾಫ್, ನೇರವಾಗಿ ಅವರ ಮನೆಗೆ ತೆರಳಿ, ಕುಟುಂಬಸ್ಥರನ್ನು ಸಂತೈಸಿದ್ದಾರೆ.
ಪುಣೆಯ ಚಾಂದ್‌ಖೇಡ್ ಗ್ರಾಮದಲ್ಲಿ ಜಾಕಿ ಅವರ ಫಾರ್ಮ್‌ಹೌಸ್ ಇದೆ. ಅಲ್ಲಿ ಕೆಲಸ ಮಾಡುತ್ತಿದ್ದ ಯುವಕನ ತಂದೆ ಮೃತಪಟ್ಟಿದ್ದರು. ಜಾಕಿಗೆ ಈ ವಿಚಾರ ತಿಳಿಯುತ್ತಿದ್ದಂತೆ, ಅವರು ಯುವಕನ ಮನೆಗೆ ಹೋಗಿದ್ದಾರೆ.
ಹಳ್ಳಿಯಲ್ಲಿರುವ ಮನೆಗೆ ಹೋದ ಜಾಕಿ, ತಾವೊಬ್ಬ ನಟ ಎಂಬ ಯಾವುದೇ ಭಾವನೆ ಇಟ್ಟುಕೊಳ್ಳದೆ, ಯುವಕನ ಕುಟುಂಬದ ದುಃಖದಲ್ಲಿ ಭಾಗಿಯಾಗಿದ್ದಾರೆ. ಜತೆಗೆ ನೆಲದಲ್ಲಿಯೇ ಕುಳಿತುಕೊಂಡು, ಮನೆಯವರ ಜತೆಗಿದ್ದು, ಸಂತೈಸಿದ್ದಾರೆ.
