ಪ್ರಧಾನಿ ನರೇಂದ್ರ ಮೋದಿ ಅವರು ಇತ್ತೀಚೆಗೆ ಲೇಹ್‌ನ ಆಸ್ಪತ್ರೆಯಲ್ಲಿ ಗಾಯಾಳು ಸೈನಿಕರನ್ನು ಭೇಟಿಯಾಗಿದ್ದರು. ಈ ವೇಳೆ ಬಿಜೆಪಿ ಮುಖಂಡ ತೇಜಿಂದರ್ ಸಿಂಗ್ ಬಗ್ಗಾ ಅವರು ಗಾಯಾಳು ಸೈನಿಕರ ರೀತಿ ಆಸ್ಪತ್ರೆಯಲ್ಲಿ ಕುಳಿತುಕೊಂಡಿದ್ದರು ಎನ್ನಲಾದ ಚಿತ್ರ ಎಲ್ಲೆಡೆ ವೈರಲ್ ಆಗಿತ್ತು. ಬಗ್ಗಾ ಅವರು ಯೋಧರ ಸೋಗಿನಲ್ಲಿ ಮೋದಿ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು ಎಂದು ಕೆಲ ಟ್ವಿಟರಿಗರು ಆರೋಪಿಸಿದ್ದರು. ಬಗ್ಗಾ ಅವರು ಧರಿಸಿರುವ ಕಡಗವೇ ಇದಕ್ಕೆ ಸಾಕ್ಷಿ ಎಂದು ಚಿತ್ರಸಮೇತ ಹೋಲಿಕೆ ಮಾಡಿ ಪ್ರಕಟಿಸಿದ್ದರು.
