ಫುಡ್‌ ಟಿಪ್ಸ್‌: ಬ್ರೆಡ್‌ಗೆ ಕೊಬ್ಬುರಹಿತ ಬೆಣ್ಣೆಯ ಸ್ಪ್ರೆಡ್‌

ಕೊರೊನಾ ಕಾಲದಲ್ಲಿ ಹೊರಗಡೆ ತಿನ್ನುವುದು ಅಷ್ಟೊಂದು ಸುರಕ್ಷಿತವಲ್ಲ ಎಂಬ ಕಾರಣಕ್ಕೆ ಬ್ರೆಡ್ ಸೇವನೆಯ ಪ್ರಮಾಣ ಹೆಚ್ಚಾಗಿದೆ. ಡಯೆಟ್ ಪಾಲನೆ ಮಾಡುವವರು ಮೊದಲಿನಿಂದಲೂ ಬ್ರೆಡ್ ಆಮ್ಲೆಟ್ ಹಾಗೂ ಗೋಧಿ ಬ್ರೆಡ್ ಸೇವನೆಯನ್ನು ರೂಢಿಸಿಕೊಂಡಿರುತ್ತಾರೆ. ಆದರೆ, ಹಲವರಿಗೆ ಬರೀ ಬ್ರೆಡ್ ಅಥವಾ ಟೋಸ್ಟ್ ಮಾಡಿ ಸೇವಿಸುವುದು ಇಷ್ಟವಾಗುವುದಿಲ್ಲ. ಹೀಗಾಗಿ ಬ್ರೆಡ್ನೊಂದಿಗೆ ಜಾಮ್, ಬೆಣ್ಣೆ, ನಟೆಲ್ಲಾವನ್ನು ಸವರಿಕೊಂಡು ತಿನ್ನುವುದು ಅಭ್ಯಾಸ. ಕೆಲವರು ಆಲಿವ್ ಎಣ್ಣೆ, ಬೆಣ್ಣೆಹಣ್ಣಿನ ತಿರುಳು, ಕಡಿಮೆ ಕೊಬ್ಬಿನಾಂಶ ಇರುವ ಚೀಸ್ ಸವರಿಕೊಂಡು ತಿನ್ನುತ್ತಾರೆ. ಇನ್ನು ಕೆಲವರು ಡೈರಿ ಉತ್ಪನ್ನವಾದ ಬೆಣ್ಣೆ, ಮಾರ್ಗರಿನ್ನಂತಹ ಉತ್ಪನ್ನಗಳನ್ನು ಬಳಸುತ್ತಾರೆ.

. ಬ್ರೆಡ್ನೊಂದಿಗೆ ಸಂಸ್ಕರಿಸಿದ ಕೊಬ್ಬಿನಾಂಶವಿರುವ ಅಥವಾ ಆರೋಗ್ಯಕ್ಕೆ ಯೋಗ್ಯವಾದ ಒಳ್ಳೆಯ ಕೊಬ್ಬಿನಾಂಶ ಇರುವ ಸ್ಪ್ರೆಡ್ ಅನ್ನು ಸವರಿಕೊಂಡು ತಿನ್ನಬಹುದು. ಇದು ಡಯೆಟ್ ಪಾಲನೆಯ ಜೊತೆಗೆ ಆರೋಗ್ಯದ ದೃಷ್ಟಿಯಿಂದಲೂ ಒಳ್ಳೆಯದು ಎನ್ನುತ್ತಾರೆ ಪೌಷ್ಟಿಕ ತಜ್ಞರು. ನಾಲಿಗೆಗೂ ರುಚಿ ಎನ್ನಿಸಿ, ಆರೋಗ್ಯಕ್ಕೂ ಉತ್ತಮ ಎನ್ನಿಸುವ ಪದಾರ್ಥಗಳನ್ನು ಬ್ರೆಡ್ನೊಂದಿಗೆ ಸೇವಿಸಬೇಕು. ಸಸ್ಯಜನ್ಯ ಖಾದ್ಯತೈಲದಿಂದ ತಯಾರಾದ ಉತ್ಪನ್ನಗಳನ್ನು ಸೇವಿಸುವುದು ಉತ್ತಮ. ಇದರಿಂದ ದೇಹಕ್ಕೆ ಕೊಬ್ಬಿನಂಶ ಸೇರುವುದು ಕಡಿಮೆಯಾಗುತ್ತದೆ.

. ಪೀನಟ್ ಬಟರ್ ಈ ಕಾರಣಕ್ಕೆ ಕಡಲೆಬೀಜದಿಂದ ತಯಾರಾದ ಬೆಣ್ಣೆ– ಪೀನಟ್ ಬಟರ್ ಬಳಕೆ ಉತ್ತಮ. ಇದರಲ್ಲಿ ಪ್ರೊಟೀನ್ ಅಂಶವು ಅಧಿಕವಾಗಿದೆ. ಅದರೊಂದಿಗೆ ಬಾದಾಮಿ, ಗೋಡಂಬಿ ಹಾಗೂ ಪಿಸ್ತಾಗಳಿಂದ ತಯಾರಾದ ಬೆಣ್ಣೆ ಕೂಡ ಬ್ರೆಡ್ನೊಂದಿಗೆ ತಿನ್ನಲು ಹೆಚ್ಚು ಸೂಕ್ತ. ಅಲ್ಲದೇ ಸೂರ್ಯಕಾಂತಿ, ಎಳ್ಳು, ಕುಂಬಳಕಾಯಿ ಅಥವಾ ಕಲ್ಲಂಗಡಿ ಬೀಜಗಳಿಂದ ತಯಾರಾದ ಬೆಣ್ಣೆಯನ್ನು ಕೂಡ ಬ್ರೆಡ್ನೊಂದಿಗೆ ಸೇವಿಸಬಹುದು. ಅವುಗಳಲ್ಲಿ ಪರಿಷ್ಕರಿಸಿದ ಕೊಬ್ಬಿನಾಂಶದ ಪ್ರಮಾಣ ಕಡಿಮೆ ಇರುತ್ತದೆ. ಅಲ್ಲದೇ ಅವುಗಳಲ್ಲಿ ನಾರಿನಾಂಶ ಹಾಗೂ ವಿಟಮಿನ್ ಇ ಅಂಶ ಅಧಿಕವಿರುತ್ತದೆ

. ‘ಗೋಡಂಬಿ, ಬಾದಾಮಿಯಂತಹ ಒಣ ಹಣ್ಣುಗಳಿಂದ ತಯಾರಾದ ಬೆಣ್ಣೆಯನ್ನು ಬ್ರೆಡ್ ನೊಂದಿಗೆ ಸೇವಿಸಬಹುದು. ಇದರಲ್ಲಿರುವ ಬೀಟಾ ಕ್ಯಾರೊಟಿನ್ ಅಂಶವು ದೇಹಕ್ಕೆ ಬೇಕಾಗುವ ವಿಟಮಿನ್ ಎ ಅಂಶವನ್ನು ಒದಗಿಸುತ್ತದೆ. ಇದು ಕಣ್ಣಿನ ಆರೋಗ್ಯಕ್ಕೆ ತುಂಬಾನೇ ಸಹಕಾರಿ. 1 ಟೇಬಲ್ ಚಮಚ ನಟ್ಸ್ ಹಾಗೂ ಬೀಜದ ಬೆಣ್ಣೆಯಲ್ಲಿ 12 ಗ್ರಾಂ ಕೊಬ್ಬಿನಾಂಶ ಇರುತ್ತದೆ. ಇದು ಹೆಚ್ಚು ಕ್ಯಾಲೊರಿ ಹೊಂದಿದ್ದು ದೇಹಾರೋಗ್ಯಕ್ಕೂ ಒಳ್ಳೆಯದು’ ಎನ್ನುತ್ತಾರೆ ಲೈಫ್ಸ್ಟೈಲ್ ಕಾಯಿಲೆಗಳ ಸಂಶೋಧಕ ಡಾ.ಟಿ.ಎಸ್.ತೇಜಸ್.

. ಸಸ್ಯಜನ್ಯ ಬೆಣ್ಣೆ ಸಸ್ಯಜನ್ಯ ಬೆಣ್ಣೆ ಅಥವಾ ಪ್ಲಾಂಟ್ ಬಟರ್ ಹೆಸರು ಕೇಳಲು ಕೊಂಚ ಹೊಸತು ಎನ್ನಿಸಬಹುದು. ಇದಕ್ಕೆ ಬಳಸುವ ಪದಾರ್ಥಗಳು ಸಸ್ಯಜನ್ಯ ಎಣ್ಣೆಗೆ ಬಳಸುವ ಪದಾರ್ಥಗಳು. ಇದನ್ನು ಸೋಯಾಬೀನ್, ಕೆನೊಲಾ, ಆಲಿವ್ ಹಾಗೂ ಅವಕಾಡೊ ಸೇರಿಸಿ ತಯಾರಿಸಿರುತ್ತಾರೆ. ಇದರಲ್ಲಿ ಡೈರಿ ಬೆಣ್ಣೆಗಿಂತ ಕಡಿಮೆ ಕ್ಯಾಲೊರಿ ಹಾಗೂ ಪರಿಷ್ಕರಿಸಿದ ಕೊಬ್ಬಿನಾಂಶವಿರುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫುಡ್‌ ಟಿಪ್ಸ್‌: ಬ್ರೆಡ್‌ಗೆ ಕೊಬ್ಬುರಹಿತ ಬೆಣ್ಣೆಯ ಸ್ಪ್ರೆಡ್‌

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು