<p>ಕೋವಿಡ್–19 ಸಾಂಕ್ರಾಮಿಕ ಕಾಯಿಲೆ ಸಂದರ್ಭದಲ್ಲಿ ಜನರು ಕ್ಲಿನಿಕ್ಗಳಿಗೆ ಭೇಟಿ ನೀಡುವಾಗ ವಹಿಸಬೇಕಾದ ಮುನ್ನೆಚ್ಚರಿಕೆ ಕ್ರಮಗಳ ಬಗ್ಗೆ ಮಂಗಳೂರು ಎ.ಜೆ.ಆಸ್ಪತ್ರೆಯ ಶ್ವಾಸಕೋಶ ತಜ್ಞಡಾ. ಹರ್ಷ ಡಿ.ಎಸ್. ಕೆಲವು ಸಲಹೆಗಳನ್ನು ನೀಡಿದ್ದಾರೆ.</p>.<p>* ಟೆಲಿಮೆಡಿಸಿನ್ ಸೌಲಭ್ಯ ಬಳಸಿಕೊಂಡು ಕ್ಲಿನಿಕ್ಗಳಿಗೆ ಭೇಟಿ ನೀಡುವುದನ್ನು ತಪ್ಪಿಸಿದರೆ ಒಳಿತು. ಅನಿವಾರ್ಯವಾದರೆ, ಅಪಾಯಿಂಟ್ಮೆಂಟ್ ಪಡೆದೇ ಹೋಗಬೇಕು. ಈಗ ವೈದ್ಯರು ಕೂಡ ಭೇಟಿ ಸಮಯ ನಿಗದಿಪಡಿಸಿಕೊಂಡೇ ರೋಗಿಗಳನ್ನು ನೋಡುತ್ತಾರೆ.</p>.<p>* ನಿರ್ದಿಷ್ಟ ಕ್ಲಿನಿಕ್ನಲ್ಲಿ ಯಾವೆಲ್ಲ ನಿಯಮಗಳು ಜಾರಿಯಲ್ಲಿವೆ ಎಂಬುದನ್ನು ತಿಳಿದುಕೊಂಡು, ಎಷ್ಟೊತ್ತಿಗೆ ಅಲ್ಲಿ ತಲುಪಬೇಕು ಎಂಬುದನ್ನು ಖಚಿತಪಡಿಸಿಕೊಳ್ಳಬೇಕು.</p>.<p>* ಸ್ಯಾನಿಟೈಸರ್ ಬಾಟಲಿ ಜೊತೆಗಿರಲಿ. ರೋಗಿ ಮತ್ತು ಜೊತೆಗೆ ಬರುವವರು ಕಡ್ಡಾಯವಾಗಿ ಮಾಸ್ಕ್ ಧರಿಸಿರಬೇಕು. ವೈದ್ಯರ ಕೊಠಡಿಯ ಒಳಹೋದಾಕ್ಷಣ ಮಾಸ್ಕ್ ತೆಗೆಯುವ ಅಭ್ಯಾಸ ಹಲವರಲ್ಲಿದೆ. ಇದು ತಪ್ಪು. ಮನೆಯಿಂದ ಹೊರಡುವಾಗ ಧರಿಸುವ ಮಾಸ್ಕ್ ಅನ್ನು ಪುನಃ ಮನೆ ಸೇರುವ ತನಕ ತೆಗೆಯಬಾರದು.</p>.<p>* ರೋಗಿಯ ಜತೆಗೆ ಅವಶ್ಯವಿದ್ದರೆ ಒಬ್ಬರು ಮಾತ್ರ ಬರಬೇಕು. ರಕ್ತದೊತ್ತಡ, ಸಕ್ಕರೆ ಕಾಯಿಲೆಯಂತಹ ದೀರ್ಘಕಾಲೀನ ಕಾಯಿಲೆ ಇರುವವರು ರೋಗಿಗಳ ಜೊತೆಗಾರರಾಗಿ ಬರದಿದ್ದರೆ ಒಳಿತು.</p>.<p>* ಕೋವಿಡ್ ಪರೀಕ್ಷೆಗೆ ಒಳಗಾಗಬೇಕೆಂಬ ಭಯದಿಂದ ವೈದ್ಯರ ಬಳಿ ರೋಗ ಲಕ್ಷಣ ಹೇಳಲು ಹಿಂಜರಿಯಬಾರದು. ಆರಂಭದಲ್ಲೇ ಚಿಕಿತ್ಸೆ ನೀಡಿದರೆ ಕೋವಿಡ್ ಗುಣವಾಗುತ್ತದೆ.</p>.<p>* ಕ್ಲಿನಿಕ್ಗಳಲ್ಲಿ ಯಾವುದೇ ಸಾಮಗ್ರಿಗಳನ್ನು ಅನಗತ್ಯವಾಗಿ ಸ್ಪರ್ಶಿಸಬಾರದು. ಅಗತ್ಯವಿದ್ದಷ್ಟು ಚರ್ಚಿಸಿ, ಆದಷ್ಟು ಶೀಘ್ರ ವೈದ್ಯರ ಕೊಠಡಿಯಿಂದ ಹೊರಬೇಕು. ಮನೆಗೆ ಹೋದ ಮೇಲೆ ಸ್ನಾನ ಮಾಡಬೇಕು.</p>.<p>* ಕಾಯುವ ಸಂದರ್ಭವಿದ್ದರೆ, ಸ್ವಂತ ವಾಹನದಲ್ಲಿ ಕುಳಿತುಕೊಳ್ಳುವುದು ಒಳಿತು. ಜನದಟ್ಟಣಿ ಇರುವ ಪ್ರದೇಶಕ್ಕಿಂತ ತೆರೆದ ಪ್ರದೇಶದಲ್ಲಿ ನಿಂತು ಕಾಯುವುದು ಲೇಸು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೋವಿಡ್–19 ಸಾಂಕ್ರಾಮಿಕ ಕಾಯಿಲೆ ಸಂದರ್ಭದಲ್ಲಿ ಜನರು ಕ್ಲಿನಿಕ್ಗಳಿಗೆ ಭೇಟಿ ನೀಡುವಾಗ ವಹಿಸಬೇಕಾದ ಮುನ್ನೆಚ್ಚರಿಕೆ ಕ್ರಮಗಳ ಬಗ್ಗೆ ಮಂಗಳೂರು ಎ.ಜೆ.ಆಸ್ಪತ್ರೆಯ ಶ್ವಾಸಕೋಶ ತಜ್ಞಡಾ. ಹರ್ಷ ಡಿ.ಎಸ್. ಕೆಲವು ಸಲಹೆಗಳನ್ನು ನೀಡಿದ್ದಾರೆ.</p>.<p>* ಟೆಲಿಮೆಡಿಸಿನ್ ಸೌಲಭ್ಯ ಬಳಸಿಕೊಂಡು ಕ್ಲಿನಿಕ್ಗಳಿಗೆ ಭೇಟಿ ನೀಡುವುದನ್ನು ತಪ್ಪಿಸಿದರೆ ಒಳಿತು. ಅನಿವಾರ್ಯವಾದರೆ, ಅಪಾಯಿಂಟ್ಮೆಂಟ್ ಪಡೆದೇ ಹೋಗಬೇಕು. ಈಗ ವೈದ್ಯರು ಕೂಡ ಭೇಟಿ ಸಮಯ ನಿಗದಿಪಡಿಸಿಕೊಂಡೇ ರೋಗಿಗಳನ್ನು ನೋಡುತ್ತಾರೆ.</p>.<p>* ನಿರ್ದಿಷ್ಟ ಕ್ಲಿನಿಕ್ನಲ್ಲಿ ಯಾವೆಲ್ಲ ನಿಯಮಗಳು ಜಾರಿಯಲ್ಲಿವೆ ಎಂಬುದನ್ನು ತಿಳಿದುಕೊಂಡು, ಎಷ್ಟೊತ್ತಿಗೆ ಅಲ್ಲಿ ತಲುಪಬೇಕು ಎಂಬುದನ್ನು ಖಚಿತಪಡಿಸಿಕೊಳ್ಳಬೇಕು.</p>.<p>* ಸ್ಯಾನಿಟೈಸರ್ ಬಾಟಲಿ ಜೊತೆಗಿರಲಿ. ರೋಗಿ ಮತ್ತು ಜೊತೆಗೆ ಬರುವವರು ಕಡ್ಡಾಯವಾಗಿ ಮಾಸ್ಕ್ ಧರಿಸಿರಬೇಕು. ವೈದ್ಯರ ಕೊಠಡಿಯ ಒಳಹೋದಾಕ್ಷಣ ಮಾಸ್ಕ್ ತೆಗೆಯುವ ಅಭ್ಯಾಸ ಹಲವರಲ್ಲಿದೆ. ಇದು ತಪ್ಪು. ಮನೆಯಿಂದ ಹೊರಡುವಾಗ ಧರಿಸುವ ಮಾಸ್ಕ್ ಅನ್ನು ಪುನಃ ಮನೆ ಸೇರುವ ತನಕ ತೆಗೆಯಬಾರದು.</p>.<p>* ರೋಗಿಯ ಜತೆಗೆ ಅವಶ್ಯವಿದ್ದರೆ ಒಬ್ಬರು ಮಾತ್ರ ಬರಬೇಕು. ರಕ್ತದೊತ್ತಡ, ಸಕ್ಕರೆ ಕಾಯಿಲೆಯಂತಹ ದೀರ್ಘಕಾಲೀನ ಕಾಯಿಲೆ ಇರುವವರು ರೋಗಿಗಳ ಜೊತೆಗಾರರಾಗಿ ಬರದಿದ್ದರೆ ಒಳಿತು.</p>.<p>* ಕೋವಿಡ್ ಪರೀಕ್ಷೆಗೆ ಒಳಗಾಗಬೇಕೆಂಬ ಭಯದಿಂದ ವೈದ್ಯರ ಬಳಿ ರೋಗ ಲಕ್ಷಣ ಹೇಳಲು ಹಿಂಜರಿಯಬಾರದು. ಆರಂಭದಲ್ಲೇ ಚಿಕಿತ್ಸೆ ನೀಡಿದರೆ ಕೋವಿಡ್ ಗುಣವಾಗುತ್ತದೆ.</p>.<p>* ಕ್ಲಿನಿಕ್ಗಳಲ್ಲಿ ಯಾವುದೇ ಸಾಮಗ್ರಿಗಳನ್ನು ಅನಗತ್ಯವಾಗಿ ಸ್ಪರ್ಶಿಸಬಾರದು. ಅಗತ್ಯವಿದ್ದಷ್ಟು ಚರ್ಚಿಸಿ, ಆದಷ್ಟು ಶೀಘ್ರ ವೈದ್ಯರ ಕೊಠಡಿಯಿಂದ ಹೊರಬೇಕು. ಮನೆಗೆ ಹೋದ ಮೇಲೆ ಸ್ನಾನ ಮಾಡಬೇಕು.</p>.<p>* ಕಾಯುವ ಸಂದರ್ಭವಿದ್ದರೆ, ಸ್ವಂತ ವಾಹನದಲ್ಲಿ ಕುಳಿತುಕೊಳ್ಳುವುದು ಒಳಿತು. ಜನದಟ್ಟಣಿ ಇರುವ ಪ್ರದೇಶಕ್ಕಿಂತ ತೆರೆದ ಪ್ರದೇಶದಲ್ಲಿ ನಿಂತು ಕಾಯುವುದು ಲೇಸು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
