IPL 2025 GT v CSK | ಚೆನ್ನೈಗೆ ಕೊನೆ ಪಂದ್ಯದಲ್ಲಿ ಗೆಲುವಿನ ಸಮಾಧಾನ

ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಈ ವರ್ಷದ ಅಭಿಯಾನ ಮುಗಿಸಿತು. ಆದರೆ ತಂಡದ ನಾಯಕ ಮಹೇಂದ್ರಸಿಂಗ್ ಧೋನಿ ಅವರ ನಿವೃತ್ತಿಯ ಕುರಿತ ‘ಸಸ್ಪೆನ್ಸ್‌’ ಮಾತ್ರ ಉಳಿಯಿತು. ಅವರಿಗೆ ಇದು ಕೊನೆಯ ಐಪಿಎಲ್ ಟೂರ್ನಿ ಎಂದು ಹೇಳಲಾಗಿತ್ತು. ಈ ಕುರಿತು ಪಂದ್ಯದ ನಂತರ ಸುದ್ದಿಗಾರರೊಂದಿಗೆ ಧೋನಿ ಮಾತನಾಡಿದರು. ‘ನಿವೃತ್ತಿ ಕುರಿತು ನಿರ್ಧರಿಸಲು ನನಗಿನ್ನೂ 4–5 ತಿಂಗಳುಗಳ ಸಮಯವಿದೆ. ಅವಸರವೇನೂ ಇಲ್ಲ. ದೈಹಿಕ ಕ್ಷಮತೆಯನ್ನು ಕಾಪಾಡಿಕೊಳ್ಳಬೇಕು. ಉತ್ತಮ ಪ್ರದರ್ಶನ ನೀಡುವಂತಿರಬೇಕು’ ಎಂದು 43 ವರ್ಷದ ಧೋನಿ ಹೇಳಿದರು