<p><strong>ಬೆಂಗಳೂರು</strong>: ಇಂಡಿಯನ್ ಪ್ರೀಮಿಯರ್ ಲೀಗ್ನ 18ನೇ ಆವೃತ್ತಿಯಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್ಸಿಬಿ) ಪ್ರಶಸ್ತಿ ಗೆದ್ದುಕೊಂಡಿದ್ದು, ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿದೆ.</p><p>18 ವರ್ಷದಿಂದ ಆರ್ಸಿಬಿಯಲ್ಲಿದ್ದುಕೊಂಡು ತಂಡದ ಗೆಲುವಿಗಾಗಿ ಹೋರಾಡುತ್ತಿದ್ದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಅವರು ಫೈನಲ್ನಲ್ಲಿ ಜಯಗಳಿಸುತ್ತಿದ್ದಂತೆ, ಭಾವುಕರಾಗಿದ್ದಾರೆ. ಆರ್ಸಿಬಿ ಟ್ರೋಫಿ ಗೆಲ್ಲುವುದು ಅವರ ಬಹುದೊಡ್ಡ ಕನಸಾಗಿತ್ತು.</p><p>ಫೈನಲ್ನಲ್ಲಿ ಆರ್ಸಿಬಿ ಗೆಲ್ಲುತ್ತಿದ್ದಂತೆ ವಿರಾಟ್ ಕೊಹ್ಲಿ ಮತ್ತು ಸಂಖ್ಯೆ 18ರ ಬಗ್ಗೆ ಹಲವು ಸಂಕಥನಗಳು ಹುಟ್ಟಿಕೊಂಡಿವೆ. ಕೊಹ್ಲಿ ಅವರಿಗೆ 18 ಅದೃಷ್ಟ ಸಂಖ್ಯೆಯಾಗಿದ್ದು, ಅದರಿಂದಲೇ ಐಪಿಎಲ್ 18ನೇ ಆವೃತ್ತಿಯಲ್ಲಿ ಆರ್ಸಿಬಿ ಟ್ರೋಫಿ ಗೆದ್ದಿದೆ ಎಂದು ಹೇಳಲಾಗುತ್ತಿದೆ.</p><p>ಇದಕ್ಕೆ ಪುಷ್ಠಿಕೊಡುವಂತೆ, 18ನೇ ಆವೃತ್ತಿ, ಜರ್ಸಿ ಸಂಖ್ಯೆ 18 ಮತ್ತು 03(ದಿನಾಂಕ)+06(ತಿಂಗಳು)+2025(ವರ್ಷ)=18... ನಿನ್ನೆಯ ಗೆಲುವಿಗೆ ‘18’ ಕಾರಣವೆಂದು ಕೆಲ ಅಭಿಮಾನಿಗಳು ವಾದಿಸುತ್ತಿದ್ದಾರೆ.</p>.<p>ಏತನ್ಮಧ್ಯೆ, ಸಂಖ್ಯೆ 18ರ ಬಗ್ಗೆ ವಿರಾಟ್ ಕೊಹ್ಲಿ ಅವರು ಮಾತನಾಡಿರುವ ಹಳೆಯ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.</p><p>2023ರಲ್ಲಿ ಸ್ಟಾರ್ ಸ್ಪೋರ್ಟ್ನಲ್ಲಿ ನಡೆಸಿದ ಸಂದರ್ಶನದಲ್ಲಿ ಮಾತನಾಡಿದ್ದ ಕೊಹ್ಲಿ, ಸಂಖ್ಯೆ 18ರೊಂದಿಗೆ ತಮ್ಮ ಸಂಬಂಧವನ್ನು ವಿವರಿಸಿದ್ದಾರೆ.</p><p>‘ಸಂಖ್ಯೆ 18 ನನಗೆ ಕೇವಲ ಒಂದು ಸಂಖ್ಯೆಯಾಗಿತ್ತು. 18 ಸಂಖ್ಯೆಯ ಜರ್ಸಿಯನ್ನು ನನಗೆ ನೀಡಿದ್ದರು. ಆದರೆ ಅದು ನನ್ನ ವೃತ್ತಿಜೀವನದಲ್ಲಿ ಬಹುಮುಖ್ಯ ಪಾತ್ರವಹಿಸಿದೆ’ ಎಂದಿದ್ದಾರೆ.</p><p>‘2008ರ ಆಗಸ್ಟ್ 18ರಂದು ಭಾರತ ತಂಡಕ್ಕೆ ನಾನು ಪದಾರ್ಪಣೆ ಮಾಡಿದೆ. 2006 ಡಿಸೆಂಬರ್ 18ರಂದು ನನ್ನ ತಂದೆ ನಿಧನರಾದರು. ನನ್ನ ಜೀವನದ ಎರಡು ಮುಖ್ಯ ಘಟನೆಗಳು 18ರಂದೇ ನಡೆದಿವೆ’ ಎಂದು ಹೇಳಿದ್ದಾರೆ.</p><p>‘ನನ್ನ ಜರ್ಸಿ ಸಂಖ್ಯೆಯನ್ನು ಇಷ್ಟೊಂದು ಜನರು ಧರಿಸಿರುವುದನ್ನು ನೋಡುವುದು ನಿಜಕ್ಕೂ ಅದ್ಭುತ ಅನುಭವ’ ಎಂದೂ ಹೇಳಿದ್ದಾರೆ.</p><p>ವಿರಾಟ್ ಕೊಹ್ಲಿ ಅವರು ತಮ್ಮ ಒಡೆತನದ ಹೋಟೆಲ್ ಉದ್ಯಮಕ್ಕೆ ‘ಒನ್8’ ಎಂದು ಹೆಸರಿಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಇಂಡಿಯನ್ ಪ್ರೀಮಿಯರ್ ಲೀಗ್ನ 18ನೇ ಆವೃತ್ತಿಯಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್ಸಿಬಿ) ಪ್ರಶಸ್ತಿ ಗೆದ್ದುಕೊಂಡಿದ್ದು, ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿದೆ.</p><p>18 ವರ್ಷದಿಂದ ಆರ್ಸಿಬಿಯಲ್ಲಿದ್ದುಕೊಂಡು ತಂಡದ ಗೆಲುವಿಗಾಗಿ ಹೋರಾಡುತ್ತಿದ್ದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಅವರು ಫೈನಲ್ನಲ್ಲಿ ಜಯಗಳಿಸುತ್ತಿದ್ದಂತೆ, ಭಾವುಕರಾಗಿದ್ದಾರೆ. ಆರ್ಸಿಬಿ ಟ್ರೋಫಿ ಗೆಲ್ಲುವುದು ಅವರ ಬಹುದೊಡ್ಡ ಕನಸಾಗಿತ್ತು.</p><p>ಫೈನಲ್ನಲ್ಲಿ ಆರ್ಸಿಬಿ ಗೆಲ್ಲುತ್ತಿದ್ದಂತೆ ವಿರಾಟ್ ಕೊಹ್ಲಿ ಮತ್ತು ಸಂಖ್ಯೆ 18ರ ಬಗ್ಗೆ ಹಲವು ಸಂಕಥನಗಳು ಹುಟ್ಟಿಕೊಂಡಿವೆ. ಕೊಹ್ಲಿ ಅವರಿಗೆ 18 ಅದೃಷ್ಟ ಸಂಖ್ಯೆಯಾಗಿದ್ದು, ಅದರಿಂದಲೇ ಐಪಿಎಲ್ 18ನೇ ಆವೃತ್ತಿಯಲ್ಲಿ ಆರ್ಸಿಬಿ ಟ್ರೋಫಿ ಗೆದ್ದಿದೆ ಎಂದು ಹೇಳಲಾಗುತ್ತಿದೆ.</p><p>ಇದಕ್ಕೆ ಪುಷ್ಠಿಕೊಡುವಂತೆ, 18ನೇ ಆವೃತ್ತಿ, ಜರ್ಸಿ ಸಂಖ್ಯೆ 18 ಮತ್ತು 03(ದಿನಾಂಕ)+06(ತಿಂಗಳು)+2025(ವರ್ಷ)=18... ನಿನ್ನೆಯ ಗೆಲುವಿಗೆ ‘18’ ಕಾರಣವೆಂದು ಕೆಲ ಅಭಿಮಾನಿಗಳು ವಾದಿಸುತ್ತಿದ್ದಾರೆ.</p>.<p>ಏತನ್ಮಧ್ಯೆ, ಸಂಖ್ಯೆ 18ರ ಬಗ್ಗೆ ವಿರಾಟ್ ಕೊಹ್ಲಿ ಅವರು ಮಾತನಾಡಿರುವ ಹಳೆಯ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.</p><p>2023ರಲ್ಲಿ ಸ್ಟಾರ್ ಸ್ಪೋರ್ಟ್ನಲ್ಲಿ ನಡೆಸಿದ ಸಂದರ್ಶನದಲ್ಲಿ ಮಾತನಾಡಿದ್ದ ಕೊಹ್ಲಿ, ಸಂಖ್ಯೆ 18ರೊಂದಿಗೆ ತಮ್ಮ ಸಂಬಂಧವನ್ನು ವಿವರಿಸಿದ್ದಾರೆ.</p><p>‘ಸಂಖ್ಯೆ 18 ನನಗೆ ಕೇವಲ ಒಂದು ಸಂಖ್ಯೆಯಾಗಿತ್ತು. 18 ಸಂಖ್ಯೆಯ ಜರ್ಸಿಯನ್ನು ನನಗೆ ನೀಡಿದ್ದರು. ಆದರೆ ಅದು ನನ್ನ ವೃತ್ತಿಜೀವನದಲ್ಲಿ ಬಹುಮುಖ್ಯ ಪಾತ್ರವಹಿಸಿದೆ’ ಎಂದಿದ್ದಾರೆ.</p><p>‘2008ರ ಆಗಸ್ಟ್ 18ರಂದು ಭಾರತ ತಂಡಕ್ಕೆ ನಾನು ಪದಾರ್ಪಣೆ ಮಾಡಿದೆ. 2006 ಡಿಸೆಂಬರ್ 18ರಂದು ನನ್ನ ತಂದೆ ನಿಧನರಾದರು. ನನ್ನ ಜೀವನದ ಎರಡು ಮುಖ್ಯ ಘಟನೆಗಳು 18ರಂದೇ ನಡೆದಿವೆ’ ಎಂದು ಹೇಳಿದ್ದಾರೆ.</p><p>‘ನನ್ನ ಜರ್ಸಿ ಸಂಖ್ಯೆಯನ್ನು ಇಷ್ಟೊಂದು ಜನರು ಧರಿಸಿರುವುದನ್ನು ನೋಡುವುದು ನಿಜಕ್ಕೂ ಅದ್ಭುತ ಅನುಭವ’ ಎಂದೂ ಹೇಳಿದ್ದಾರೆ.</p><p>ವಿರಾಟ್ ಕೊಹ್ಲಿ ಅವರು ತಮ್ಮ ಒಡೆತನದ ಹೋಟೆಲ್ ಉದ್ಯಮಕ್ಕೆ ‘ಒನ್8’ ಎಂದು ಹೆಸರಿಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
