ಅಹಮದಾಬಾದ್: ಕಲಾಪಗಳ ನೇರ ಪ್ರಸಾರ ಪ್ರಕ್ರಿಯು ಇದೇ ಮೊದಲ ಬಾರಿಗೆ ಗುಜರಾತ್ ಹೈಕೋರ್ಟ್‌ನಲ್ಲಿ ಆರಂಭವಾಗಿದೆ. ನ್ಯಾಯಮೂರ್ತಿ ವಿಕ್ರಂ ನಾಥ್ ನೇತೃತ್ವದ ವಿಭಾಗೀಯ ಪೀಠವು, ಪ್ರಾಯೋಗಿಕವಾಗಿ ಕಲಾಪಗಳ ನೇರ ಪ್ರಸಾರವನ್ನು ಹೈಕೋರ್ಟ್‌ನ ಯೂಟ್ಯೂಬ್‌ ಚಾನಲ್‌ನಲ್ಲಿ ಆರಂಭಿಸಿತು.
ನ್ಯಾಯಮೂರ್ತಿಗಳಾದ ವಿಕ್ರಂ ನಾಥ್ ಮತ್ತು ಜೆ.ಪಿ.ಪರ್ದಿವಾಲಾ ಅವರಿದ್ದ ಪೀಠವು, ಸಾರ್ವಜನಿಕ ಹಿತಾಸಕ್ತಿ ಅರ್ಜಿಗಳು (ಪಿಐಎಲ್), ವಿಶೇಷ ಮೇಲ್ಮನವಿಗಳಿಗೆ ಸಂಬಂಧಿತ ಪ್ರಕರಣಗಳ ವಿಚಾರಣೆಯನ್ನು ನಡೆಸಿತು.
ಮುಖ್ಯ ನ್ಯಾಯಮೂರ್ತಿಗಳ ಆದೇಶಕ್ಕೆ ಸಂಬಂಧಿಸಿದ ಹೇಳಿಕೆಯ ಅನುಸಾರ, ಲಭ್ಯವಿರುವ ಸಾಧ್ಯತೆ, ಅವಕಾಶಗಳನ್ನು ಆಧರಿಸಿ ವಿಭಾಗೀಯ ಪೀಠದಲ್ಲಿ ನೇರ ಪ್ರಸಾರ ಆರಂಭವಾಗಿದೆ. ಇದು, ಪ್ರಾಯೋಗಿಕವಾಗಿದೆ. ಹೈಕೋರ್ಟ್‌ ವೆಬ್‌ಸೈಟ್‌ನಲ್ಲಿ ಯೂಟ್ಯೂಬ್‌ ಲಿಂಕ್‌ ಲಭ್ಯವಿದೆ ಎಂದು ತಿಳಿಸಿದೆ.
