‘ಹಲವರಿಗೆ ಈ ಆಟ ಚಟವಾಗಿದೆ. ಸೆಳೆಯುವ ಜಾಹೀರಾತುಗಳ ಮುಖಾಂತರ ಯುವಜನತೆ ಸೇರಿದಂತೆ ಸಮಾಜದ ಎಲ್ಲ ವರ್ಗದ ಜನರನ್ನು ಈ ಆಟ ಆಕರ್ಷಿಸುತ್ತಿದೆ. ಹಣವನ್ನು ಕಳೆದುಕೊಂಡ ಯುವಕರು, ಚಟವನ್ನು ಮುಂದುವರಿಸಲು ಅಪರಾಧ ಕೃತ್ಯಗಳಿಗೆ ಇಳಿಯುತ್ತಿದ್ದಾರೆ. ಆನ್ಲೈನ್ ರಿಯಲ್ ಮನಿಗೇಮಿಂಗ್ ಕ್ಷೇತ್ರವು ₹2,200 ಕೋಟಿ ಮೊತ್ತದ್ದಾಗಿದ್ದು, 2023ರ ವೇಳೆಗೆ ಇದು ₹12 ಸಾವಿರ ಕೋಟಿ ತಲುಪಲಿದೆ. ದೇಶದಲ್ಲಿ ಯಾವುದೇ ಕೈಗಾರಿಕೆಗಳು ಈ ವೇಗದಲ್ಲಿ ಬೆಳೆಯುತ್ತಿಲ್ಲ’ ಎಂದು ಕೆಪಿಎಂಜೆ ವರದಿ ಉಲ್ಲೇಖಿಸಿ ರಾಮಮೂರ್ತಿ ಹೇಳಿದರು.