<p><strong>ದೆಹಲಿ:</strong> ಯಮುನಾ ನದಿಯಲ್ಲಿ ಅಮೋನಿಯಾ ಸ್ವೀಕಾರಾರ್ಹ ಮಟ್ಟಕ್ಕಿಂತಲೂ ಅಧಿಕವಾಗಿದ್ದು, ರಾಷ್ಟ್ರ ರಾಜಧಾನಿಗೆ ನೀರಿನ ಬವಣೆ ಎದುರಾಗುವ ಸಾಧ್ಯತೆಗಳಿವೆ. ಸದ್ಯ ಯಮುನೆಯಲ್ಲಿ ಅಮೋನಿಯಾ 0.5 ಪಿಪಿಎಂ ಅನ್ನೂ ದಾಟಿದೆ.</p>.<p><strong>ಇದನ್ನೂ ಓದಿ:</strong><a href="https://www.prajavani.net/op-ed/editorial/air-pollution-in-delhi-sends-alarm-bells-to-nation-679038.html">ವಾಯುಮಾಲಿನ್ಯ: ದೆಹಲಿಯ ಸ್ಥಿತಿ ಇಡೀ ದೇಶಕ್ಕೆ ಎಚ್ಚರಿಕೆಯ ಗಂಟೆ</a></p>.<p>ಪಿಪಿಎಂ ಎಂಬುದು "ಪಾರ್ಟ್ಸ್ ಪರ್ ಮಿಲಿಯನ್" ಎಂಬುದಕ್ಕೆ ಸಂಕ್ಷೇಪಣವಾಗಿದೆ. ಪ್ರತಿ ಯೂನಿಟ್ ನೀರಿಗೆ ಸೇರಿರುವ ರಾಸಾಯನಿಕ ಅಥವಾ ಕಲುಷಿತ ದ್ರವ್ಯರಾಶಿಯನ್ನು ಅಂದಾಜು ಮಾಡಲು ಈ ಮಾಪನವನ್ನು ಬಳಸಲಾಗುತ್ತದೆ.</p>.<p>ಯಮುನಾದಲ್ಲಿ ಅಮೋನಿಯಾ ಮಟ್ಟವು ನಿರಂತರವಾಗಿ ಹೆಚ್ಚಾಗುತ್ತಿದೆ. ನೀರಿನಲ್ಲಿ ಅಮೋನಿಯಾ ಪ್ರಮಾಣ ಹೆಚ್ಚಾದರೆ, ಜಲಚರಗಳಿಗೆ ತೊಂದರೆಯಾಗುತ್ತದೆ. ರಕ್ತದಲ್ಲಿ ವಿಷದ ರಚನೆಗೆ ಕಾರಣವಾಗುತ್ತದೆ. ಅಂತಿಮವಾಗಿ ಅವು ಸಾವಿಗೀಡಾಗುತ್ತವೆ.</p>.<p>ನದಿಯಲ್ಲಿನ ಅಮೋನಿಯಾದ ಕಾರಣ, ಭಾನುವಾರ ರಾಷ್ಟ್ರ ರಾಜಧಾನಿಯ ಹಲವು ಭಾಗಗಳಲ್ಲಿ ನೀರು ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗುವ ಸಾಧ್ಯತೆಗಳಿವೆ. ನಾಲ್ಕು ಪ್ರಮುಖ ನೀರು ಸಂಸ್ಕರಣಾ ಘಟಕಗಳಾದ ಸೋನಿಯಾ ವಿಹಾರ್, ವಜೀರಾಬಾದ್, ಚಂದ್ರವಾಲ್ ಮತ್ತು ಓಖ್ಲಾಗಳಲ್ಲಿ ನೀರಿನ ಉತ್ಪಾದನೆಗೆ ಹೊಡೆತ ಬಿದ್ದಿದೆ ಎಂದು ಗೊತ್ತಾಗಿದೆ.</p>.<p>‘ಭಾನುವಾರ ಬೆಳಿಗ್ಗೆ ಮತ್ತು ಸಂಜೆ ರಾಷ್ಟ್ರ ರಾಜಧಾನಿಯ ಹಲವಾರು ಪ್ರದೇಶಗಳಲ್ಲಿ ನೀರು ಪೂರೈಕೆಯ ಮೇಲೆ ಪರಿಣಾಮ ಬೀರಲಿದೆ. ಅಮೋನಿಯಾ ಮಾಲಿನ್ಯದ ಹೆಚ್ಚಳ ಮತ್ತು ಯಮುನಾದಲ್ಲಿನ ಹೆಚ್ಚಿನ ಪಾಚಿಯಿಂದಾಗಿ ನೀರಿನ ಬಿಕ್ಕಟ್ಟು ಉಂಟಾಗಿದೆ,’ ಎಂದು ದೆಹಲಿ ಜಲ ಮಂಡಳಿ (ಡಿಜೆಬಿ) ಹೇಳಿಕೆಯಲ್ಲಿ ತಿಳಿಸಿದೆ.</p>.<p>ವಜೀರಾಬಾದ್ ಕೆರೆ ನೀರನ್ನು ಸಂಸ್ಕರಣೆ ಮಾಡಿ ಮಧ್ಯ ದೆಹಲಿ, ದಕ್ಷಿಣ ಮತ್ತು ಪಶ್ಚಿಮ ದೆಹಲಿಗೆ ಸರಬರಾಜು ಮಾಡಲಾಗುತ್ತದೆ. ಕೆರೆ ನೀರನ್ನು ವಜೀರಾಬಾದ್, ಓಖ್ಲಾ ಮತ್ತು ಚಂದ್ರವಾಲ್ ಸಂಸ್ಕರಣಾ ಘಟಕಗಳಿಗೆ ಹಾಯಿಸಲಾಗಿದ್ದು, ಅಲ್ಲಿ ಸಂಸ್ಕರಣೆ ಮಾಡಲಾಗುತ್ತದೆ.</p>.<p>ಯಮುನೆಯಲ್ಲಿ ಶನಿವಾರ ಅಮೋನಿಯಾ ಮಟ್ಟವು ಪ್ರತಿ ಮಿಲಿಯನ್ಗೆ ಸುಮಾರು 2.2 ರಷ್ಟಿತ್ತು ಎಂದು ದೆಹಲಿ ಜಲ ಮಂಡಳಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದೆಹಲಿ:</strong> ಯಮುನಾ ನದಿಯಲ್ಲಿ ಅಮೋನಿಯಾ ಸ್ವೀಕಾರಾರ್ಹ ಮಟ್ಟಕ್ಕಿಂತಲೂ ಅಧಿಕವಾಗಿದ್ದು, ರಾಷ್ಟ್ರ ರಾಜಧಾನಿಗೆ ನೀರಿನ ಬವಣೆ ಎದುರಾಗುವ ಸಾಧ್ಯತೆಗಳಿವೆ. ಸದ್ಯ ಯಮುನೆಯಲ್ಲಿ ಅಮೋನಿಯಾ 0.5 ಪಿಪಿಎಂ ಅನ್ನೂ ದಾಟಿದೆ.</p>.<p><strong>ಇದನ್ನೂ ಓದಿ:</strong><a href="https://www.prajavani.net/op-ed/editorial/air-pollution-in-delhi-sends-alarm-bells-to-nation-679038.html">ವಾಯುಮಾಲಿನ್ಯ: ದೆಹಲಿಯ ಸ್ಥಿತಿ ಇಡೀ ದೇಶಕ್ಕೆ ಎಚ್ಚರಿಕೆಯ ಗಂಟೆ</a></p>.<p>ಪಿಪಿಎಂ ಎಂಬುದು "ಪಾರ್ಟ್ಸ್ ಪರ್ ಮಿಲಿಯನ್" ಎಂಬುದಕ್ಕೆ ಸಂಕ್ಷೇಪಣವಾಗಿದೆ. ಪ್ರತಿ ಯೂನಿಟ್ ನೀರಿಗೆ ಸೇರಿರುವ ರಾಸಾಯನಿಕ ಅಥವಾ ಕಲುಷಿತ ದ್ರವ್ಯರಾಶಿಯನ್ನು ಅಂದಾಜು ಮಾಡಲು ಈ ಮಾಪನವನ್ನು ಬಳಸಲಾಗುತ್ತದೆ.</p>.<p>ಯಮುನಾದಲ್ಲಿ ಅಮೋನಿಯಾ ಮಟ್ಟವು ನಿರಂತರವಾಗಿ ಹೆಚ್ಚಾಗುತ್ತಿದೆ. ನೀರಿನಲ್ಲಿ ಅಮೋನಿಯಾ ಪ್ರಮಾಣ ಹೆಚ್ಚಾದರೆ, ಜಲಚರಗಳಿಗೆ ತೊಂದರೆಯಾಗುತ್ತದೆ. ರಕ್ತದಲ್ಲಿ ವಿಷದ ರಚನೆಗೆ ಕಾರಣವಾಗುತ್ತದೆ. ಅಂತಿಮವಾಗಿ ಅವು ಸಾವಿಗೀಡಾಗುತ್ತವೆ.</p>.<p>ನದಿಯಲ್ಲಿನ ಅಮೋನಿಯಾದ ಕಾರಣ, ಭಾನುವಾರ ರಾಷ್ಟ್ರ ರಾಜಧಾನಿಯ ಹಲವು ಭಾಗಗಳಲ್ಲಿ ನೀರು ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗುವ ಸಾಧ್ಯತೆಗಳಿವೆ. ನಾಲ್ಕು ಪ್ರಮುಖ ನೀರು ಸಂಸ್ಕರಣಾ ಘಟಕಗಳಾದ ಸೋನಿಯಾ ವಿಹಾರ್, ವಜೀರಾಬಾದ್, ಚಂದ್ರವಾಲ್ ಮತ್ತು ಓಖ್ಲಾಗಳಲ್ಲಿ ನೀರಿನ ಉತ್ಪಾದನೆಗೆ ಹೊಡೆತ ಬಿದ್ದಿದೆ ಎಂದು ಗೊತ್ತಾಗಿದೆ.</p>.<p>‘ಭಾನುವಾರ ಬೆಳಿಗ್ಗೆ ಮತ್ತು ಸಂಜೆ ರಾಷ್ಟ್ರ ರಾಜಧಾನಿಯ ಹಲವಾರು ಪ್ರದೇಶಗಳಲ್ಲಿ ನೀರು ಪೂರೈಕೆಯ ಮೇಲೆ ಪರಿಣಾಮ ಬೀರಲಿದೆ. ಅಮೋನಿಯಾ ಮಾಲಿನ್ಯದ ಹೆಚ್ಚಳ ಮತ್ತು ಯಮುನಾದಲ್ಲಿನ ಹೆಚ್ಚಿನ ಪಾಚಿಯಿಂದಾಗಿ ನೀರಿನ ಬಿಕ್ಕಟ್ಟು ಉಂಟಾಗಿದೆ,’ ಎಂದು ದೆಹಲಿ ಜಲ ಮಂಡಳಿ (ಡಿಜೆಬಿ) ಹೇಳಿಕೆಯಲ್ಲಿ ತಿಳಿಸಿದೆ.</p>.<p>ವಜೀರಾಬಾದ್ ಕೆರೆ ನೀರನ್ನು ಸಂಸ್ಕರಣೆ ಮಾಡಿ ಮಧ್ಯ ದೆಹಲಿ, ದಕ್ಷಿಣ ಮತ್ತು ಪಶ್ಚಿಮ ದೆಹಲಿಗೆ ಸರಬರಾಜು ಮಾಡಲಾಗುತ್ತದೆ. ಕೆರೆ ನೀರನ್ನು ವಜೀರಾಬಾದ್, ಓಖ್ಲಾ ಮತ್ತು ಚಂದ್ರವಾಲ್ ಸಂಸ್ಕರಣಾ ಘಟಕಗಳಿಗೆ ಹಾಯಿಸಲಾಗಿದ್ದು, ಅಲ್ಲಿ ಸಂಸ್ಕರಣೆ ಮಾಡಲಾಗುತ್ತದೆ.</p>.<p>ಯಮುನೆಯಲ್ಲಿ ಶನಿವಾರ ಅಮೋನಿಯಾ ಮಟ್ಟವು ಪ್ರತಿ ಮಿಲಿಯನ್ಗೆ ಸುಮಾರು 2.2 ರಷ್ಟಿತ್ತು ಎಂದು ದೆಹಲಿ ಜಲ ಮಂಡಳಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
