ಕುಶಾಲನಗರ ಬಳಿಯ ಗುಮ್ಮನಕೊಲ್ಲಿ ಗ್ರಾಮದ ಬಸಪ್ಪ ಬಡಾವಣೆಯ ಹೃತಿಕ್ಷಾ ಎಂಬ ಬಾಲಕಿ ಪತ್ರ ಬರೆದಿದ್ದು, ‘15 ದಿನಗಳ ಹಿಂದೆ ತಂದೆ, ತಾಯಿ ಹಾಗೂ ನನಗೆ ಕೊರೊನಾ ಪಾಸಿಟಿವ್‌ ಆಗಿತ್ತು. ತಾಯಿಗೆ ಕಾಯಿಲೆ ತೀವ್ರವಾದ್ದರಿಂದ ಮಡಿಕೇರಿಯಲ್ಲಿರುವ ಜಿಲ್ಲಾ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ತಾಯಿಯನ್ನು ಕೊರೊನಾ ಬಲಿ ತೆಗೆದುಕೊಂಡಿತು. ಆದರೆ, ತಾಯಿಯ ಹತ್ತಿರವಿದ್ದ ಮೊಬೈಲ್ ಕಾಣೆಯಾಗಿದೆ. ಈ ಮೊಬೈಲ್‌ನಲ್ಲಿ ತಾಯಿಯೊಂದಿಗಿನ ಒಡನಾಟದ ಚಿತ್ರಗಳು ಹಾಗೂ ವಿಡಿಯೊಗಳಿವೆ. ತಾಯಿ ಮೃತಪಟ್ಟ ಮೇಲೆ ಆ ಮೊಬೈಲ್ ಸಿಕ್ಕಿಲ್ಲ. ಕಳೆದು ಹೋದ ಮೊಬೈಲ್ ಹುಡುಕಿಕೊಡಿ...’ ಎಂದು ಜಿಲ್ಲಾಧಿಕಾರಿ, ಆರೋಗ್ಯ ಇಲಾಖೆ ಹಾಗೂ ಪೊಲೀಸ್ ಇಲಾಖೆಗೆ ಬಾಲಕಿ ಮನವಿ ಮಾಡಿದ್ದಾಳೆ.
