ಹೆಣಗಳಿಗೆ ಬಿಳಿ ಬಟ್ಟೆ ಸುತ್ತಿ ಸಾಲಾಗಿ ಇರಿಸಲಾಗಿರುವ ದೃಶ್ಯಗಳನ್ನು ವಿಡಿಯೊ ಆರಂಭವಾದ ಕೆಲವು ಸೆಕೆಂಡಿನವರೆಗೂ ನೋಡಬಹುದು. ಇದ್ದಕ್ಕಿದ್ದಂತೆ, ಶವಗಳು ಕಣ್ಣುಬಿಡುತ್ತವೆ... ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಖ್ಯೆಯಲ್ಲಿ ಹರಿದಾಡುತ್ತಿವೆ. ಇಸ್ರೇಲ್–ಹಮಾಸ್ ಯುದ್ಧಕ್ಕೂ ಇದಕ್ಕೂ ಹೋಲಿಸಿ ಅಭಿಪ್ರಾಯಹಂಚಿಕೊಳ್ಳಲಾಗುತ್ತಿದೆ. ಗಾಜಾದಲ್ಲಿ ಜನರು ಸಾಯುತ್ತಿಲ್ಲ, ಜಗತ್ತಿಗೆ ಸಾವಿನ ಸಂಖ್ಯೆಯನ್ನು ತೋರಿಸಲು ಈ ರೀತಿ ನಾಟಕ ಮಾಡುತ್ತಿದ್ದಾರೆ ಎಂದು ಪೋಸ್ಟ್ಗಳನ್ನು ಹಂಚಿಕೊಳ್ಳಲಾಗುತ್ತಿದೆ. ‘ಸತ್ತವನಿಗೆ ಜೀವ ಬಂತು!’ ಎನ್ನುವ ವ್ಯಂಗ್ಯದ ದಾಟಿಯಲ್ಲಿ ಪೋಸ್ಟ್ಗಳನ್ನು ಹಂಚಿಕೊಳ್ಳಲಾಗುತ್ತಿದೆ. ಆದರೆ, ಇದು ಸುಳ್ಳು ಸುದ್ದಿ.