ಸತ್ತ ಸೊಳ್ಳೆಗಳು ತುಂಬಿದ್ದ ಬಾಟಲಿಯೊಂದಿಗೆ ಕೋರ್ಟ್‌ಗೆ ಬಂದ ಕೈದಿ!

ಮುಂಬೈ: ಸತ್ತ ಸೊಳ್ಳೆಗಳನ್ನು ಪ್ಲಾಸ್ಟಿಕ್ ಬಾಟಲಿಯಲ್ಲಿ ತುಂಬಿಕೊಂಡು ನ್ಯಾಯಾಲಯಕ್ಕೆ ಬಂದ ವಿಚಾರಣಾಧೀನ ಕೈದಿ ಹಾಗೂ ಗ್ಯಾಂಗ್ಸ್ಟರ್ ರೌಡಿ ಎಜಾಜ್ ಲಕಡಾವಾಲಾನನ್ನು ಕಂಡ ಇಡೀ ನ್ಯಾಯಾಲಯವೇ ಒಂದು ಕ್ಷಣ ಅವಾಕ್ಕಾಯಿತು. ನವಿ ಮುಂಬೈತಲೋಜಾ ಜೈಲಿನ ಸ್ಥಿತಿಯನ್ನು ನ್ಯಾಯಾಲಯಕ್ಕೆ ತೋರಿಸಲು ‘ಸಾಕ್ಷ್ಯಾಧಾರ’ಗಳನ್ನು ಆತ ತಂದಿದ್ದ.

. ಆದರೆ, ಆತನ ಈ ಪ್ರಯತ್ನ ಫಲಿಸಲಿಲ್ಲ. ತಮ್ಮನ್ನು ಬಂಧಿಯಾಗಿರುಸಿರುವ ಕೋಣೆಯಲ್ಲಿ ಸೊಳ್ಳೆಗಳ ಕಾಟ ಹೆಚ್ಚಾಗಿದೆ. ಆದ್ದರಿಂದ ಸೊಳ್ಳೆಪರದೆಯನ್ನು ಬಳಸಲು ಅನುಮತಿ ನೀಡಬೇಕು ಎಂದು ಕೋರಿ ಲಕಡಾವಾಲಾ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದ. ಈ ಕಾರಣಕ್ಕಾಗಿ ಅವರು ಸತ್ತ ಸೊಳ್ಳೆಗಳನ್ನು ಪ್ಲಾಸ್ಟಿಕ್ ಬಾಟಲಿಯಲ್ಲಿ ಸೊಳ್ಳೆಗಳನ್ನು ತಂದಿದ್ದ. ಆದರೆ, ನ್ಯಾಯಾಲಯವು ಭದ್ರತಾ ಕಾರಣಗಳನ್ನು ನೀಡಿ ಲಕಡಾವಾಲಾ ಮನವಿಯನ್ನು ಗುರುವಾರ ತಿರಸ್ಕರಿಸಿತು.

. ಹಲವು ಅಪರಾಧ ಪ್ರಕರಣಗಳನ್ನು ಎದುರಿಸುತ್ತಿರುವ ಲಕಡಾವಾಲಾ, ಭೂಗತಪಾತಕಿ ದಾವುದ್ ಇಬ್ರಾಹಿಂನ ಸಹಚರ. 2020ರ ಜನವರಿಯಲ್ಲಿ ಲಕಡಾವಾಲಾನನ್ನು ಪೊಲೀಸರು ಬಂಧಿಸಿ, ನವಿ ಮುಂಬೈನ ತಲೋಜಾ ಜೈಲಿನಲ್ಲಿ ಇರಿಸಿದ್ದರು. ಅವರ ವಿರುದ್ಧ ಹಲವು ಪ್ರಕರಣಗಳ ತನಿಖೆ ನಡೆಯುತ್ತಿದೆ.

. ‘ನಾನು 2020ರಲ್ಲಿ ನ್ಯಾಯಾಂಗ ಬಂಧನದಲ್ಲಿ ಇದ್ದಾಗ, ಸೊಳ್ಳೆಪರದೆಯನ್ನು ಬಳಸಲು ನನಗೆ ಅನುಮತಿ ನೀಡಲಾಗಿತ್ತು. ಆದರೆ, ಈ ವರ್ಷದ ಮೇ ತಿಂಗಳಿನಲ್ಲಿ, ಭದ್ರತಾ ಕಾರಣ ನೀಡಿ, ಜೈಲು ಅಧಿಕಾರಿಗಳು ನನಗೆ ನೀಡಿದ್ದ ಸೊಳ್ಳೆಪರದೆಯನ್ನು ವಾಪಸ್ ಪಡೆದುಕೊಂಡರು’ ಎಂದು ಲಕಡಾವಾಲಾ ಅರ್ಜಿಯಲ್ಲಿ ತಿಳಿಸಿದ್ದ.

. ‘ಒಡೊಮಸ್ ಅಥವಾ ಇಂಥ ಸೊಳ್ಳೆ ನಿರೋಧಕಗಳನ್ನು ಬಳಸಿ’ ಎಂದು ನ್ಯಾಯಾಲಯವು ಲಕಡಾವಾಲಾಗೆ ತಿಳಿಸಿತು.

. ಸೊಳ್ಳೆಪರದೆ: ಹಲವು ಅರ್ಜಿಗಳ ತಿರಸ್ಕಾರ ಗ್ಯಾಂಗ್ಸ್ಟರ್ ಎಜಾಜ್ ಲಕಡಾವಾಲಾನಂತೆ ತಲೋಜಾ ಜೈಲಿನ ಹಲವು ಕೈದಿಗಳು ಸೊಳ್ಳೆಕಾಟದ ಕುರಿತು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ಕೆಲವರ ಅರ್ಜಿಗಳನ್ನು ನ್ಯಾಯಾಲಯ ಪುರಸ್ಕರಿಸಿದೆ. ಕೆಲವರದ್ದನ್ನು ತಿರಸ್ಕರಿಸಿದೆ.

. ಗ್ಯಾಂಗ್ಸ್ಟರ್ ಡಿ.ಕೆ. ರಾವ್ ಸೊಳ್ಳೆಪರದೆ ನೀಡುವಂತೆ ಅರ್ಜಿ ಸಲ್ಲಿಸಿದ್ದ. ಈ ಮನವಿಯನ್ನು ಒಬ್ಬ ನ್ಯಾಯಾಧೀಶರು ಸಮ್ಮತಿಸಿದ್ದರೆ, ಇನ್ನೊಬ್ಬ ನ್ಯಾಯಾಧೀಶರು ತಿರಸ್ಕರಿಸಿದ್ದರು.

. ಎಲ್ಗಾರ್ ಪರಿಷತ್ ಪ್ರಕರಣದಲ್ಲಿ ಬಂಧಿಯಾಗಿರುವ ಕೆಲವರಿಗೂ ಸೊಳ್ಳೆಪರದೆ ಬಳಕೆಗೆ ಅನುಮತಿ ನೀಡಲಿಲ್ಲ. ಗೌತಮ್ ನವಲಖಾ ಅವರು ಇದೇ ಸೆಪ್ಟೆಂಬರ್ನಲ್ಲಿ ಸೊಳ್ಳೆಪರದೆ ಬಳಸಲು ಅನುಮತಿ ಕೋರಿ ಅರ್ಜಿ ಸಲ್ಲಿಸಿದ್ದರು. ಇದರ ವಿಚಾರಣೆ ಇನ್ನೂ ಬಾಕಿ ಇದೆ.

. ಸೊಳ್ಳೆಗಳ ನಿಯಂತ್ರಣಕ್ಕೆ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಜೈಲು ಅಧಿಕಾರಿಗಳಿಗೆ ನ್ಯಾಯಾಲಯವು ನಿರ್ದೇಶನ ನೀಡಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸತ್ತ ಸೊಳ್ಳೆಗಳು ತುಂಬಿದ್ದ ಬಾಟಲಿಯೊಂದಿಗೆ ಕೋರ್ಟ್‌ಗೆ ಬಂದ ಕೈದಿ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

IND vs ENG: ಗಿಲ್ 168*, ಜಡೇಜ 89; ಊಟದ ವಿರಾಮಕ್ಕೆ ಭಾರತ 419/6

ಭಾರತದಲ್ಲಿ ನಡೆಯಲಿರುವ ಏಷ್ಯಾ ಕಪ್ ಹಾಕಿಯಲ್ಲಿ ಆಡಲು ಪಾಕಿಸ್ತಾನಕ್ಕೆ ಅವಕಾಶ: ವರದಿ

U19 ODI: ಸೂರ್ಯವಂಶಿ 9 ಸಿಕ್ಸರ್; ಇಂಗ್ಲೆಂಡ್ ವಿರುದ್ಧ ಭಾರತಕ್ಕೆ ಜಯ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ