ತೆಲಂಗಾಣದ ಜಾನಪದ ಗಾಯಕ ಸಾಯಿಚಂದರ್ ನಿಧನ

ಸಾಯಿಚಂದರ್ ನಿವಾಸಕ್ಕೆ ಭೇಟಿ ನೀಡಿ ಅಂತಿಮ ದರ್ಶನ ಪಡೆದು, ಗೌರವ ನಮನ ಸಲ್ಲಿಸಿದ ತೆಲಂಗಾಣ ಮುಖ್ಯಮಂತ್ರಿ ಕೆ.ಚಂದ್ರಶೇಖರ್ ರಾವ್, ಮೃತರ ಕುಟುಂಬ ವರ್ಗಕ್ಕೆ ಸಾಂತ್ವನ ಹೇಳಿದರು.

‘ಬಾಲ್ಯದಿಂದಲೇ ಅಸಾಧಾರಣ ಪ್ರತಿಭೆ ಹೊಂದಿದ್ದ ಕಲಾವಿದ, ಸಾಯಿಚಂದ್‌ ಅವರ ಹಠಾತ್ ನಿಧನ ತೆಲಂಗಾಣಕ್ಕೆ ಭರಿಸಲಾಗದ ನಷ್ಟ. ಪ್ರತ್ಯೇಕ ರಾಜ್ಯದ ಆಂದೋಲನದ ಸಂದರ್ಭ ಅವರ ಹಾಡು, ಮಾತು ಕೇಳಲು ಸಭೆಗಳಿಗೆ ಅಪಾರ ಜನರು ಜಮಾಯಿಸುತ್ತಿದ್ದರು’ ಎಂದು ಮುಖ್ಯಮಂತ್ರಿ ಸ್ಮರಿಸಿದ್ದಾರೆ.