ವಿಧಾನಪರಿಷತ್‌: ಮಾತು ಕೆಡಿಸಿದ 'ನಾಲಗೆ'; ವ್ಯರ್ಥ ಕಲಾಪ

‘ನಾಲಗೆ’ ಎಂಬ ಪದ ಬಳಕೆಯ ವಿರುದ್ಧ ಆಡಳಿತ ಮತ್ತು ವಿರೋಧ ಪಕ್ಷದ ಸದಸ್ಯರ ನಡುವೆ ವಾಗ್ವಾದ ನಡೆಯುತ್ತಿರುವಾಗ ಕಾಂಗ್ರೆಸ್‌ನ ಬಿ.ಕೆ.ಹರಿಪ್ರಸಾದ್‌ ಅವರ ಮಾತು ಪರಿಸ್ಥಿತಿಯನ್ನು ಮತ್ತಷ್ಟು ವಿಕೋಪಕ್ಕೆ ತಿರುಗಿಸಿತು. ‘ನೀವು ಪ್ರಧಾನ ಮಂತ್ರಿ, ಬಿಜೆಪಿ ಟೀಕೆ ಮಾಡಿದವರನ್ನು ಪಾಕಿಸ್ತಾನದ ನಾಲಗೆ ಎನ್ನುತ್ತೀರಿ. ಪಾಕಿಸ್ತಾನಕ್ಕೆ ಹೋಗಿ ಬಿರಿಯಾನಿ ತಿಂದು ಬಂದ ನಾಲಗೆ ಯಾವುದು? ಸರಣಿ ಅತ್ಯಾಚಾರಿ ಮೆಚ್ಚಿಸಲು ಇಸ್ರೇಲ್‌ನಲ್ಲಿ ಕುಣಿದು, ಕುಪ್ಪಳಿಸಿ ಬಂದ ನಾಲಗೆ ಯಾರದು ಎಂದು ಹರಿಪ್ರಸಾದ್‌ ಏರಿದ ಧ್ವನಿಯಲ್ಲಿ ಪ್ರಶ್ನಿಸಿದರು. ಅವರ ಮಾತಿಗೆ ಬಿಜೆಪಿ ಸದಸ್ಯರು ಭಾರಿ ಆಕ್ರೋಶ ವ್ಯಕ್ತಪಡಿಸಿದರು.