ನೆರೆಪೀಡಿತ ಪ್ರದೇಶದಲ್ಲಿ ಸಂಕಷ್ಟ ಮರೆಸಿದ ಕಟ್ಟುವ ಕಾರ್ಯ!

ಬಾಗಲಕೋಟೆ: ಮಲಪ್ರಭೆಯ ಮುನಿಸಿಗೆ ತುತ್ತಾಗಿ ಮನೆ–ಮಠ ಕಳೆದುಕೊಂಡರೂ ಇಂಗಳಗಿ ಗ್ರಾಮಸ್ಥರು, ಪ್ರವಾಹದಲ್ಲಿ ಕೊಚ್ಚಿ ಹೋಗಿದ್ದ ತಮ್ಮೂರಿನ ‘ಕಟ್ಟಿ ಅಜ್ಜ’ನ ನೆಲೆಯನ್ನು ಮತ್ತೆ ಕಟ್ಟುವ ಕಾರ್ಯದಲ್ಲಿ ತೊಡಗಿದ್ದರು. ತಮ್ಮ ಸಂಕಷ್ಟ ಬದಿಗಿರಿಸಿ ಜಾತಿ–ಧರ್ಮ ಬೇಧವಿಲ್ಲದೇ ಎಲ್ಲರೂ ಕೈ ಜೋಡಿಸಿದ್ದರು.

. ಇಂಗಳಗಿ ಬಾಗಲಕೋಟೆ ತಾಲ್ಲೂಕಿನ ಕೊನೆಯ ಊರು. ನದಿ ದಂಡೆಯಲ್ಲಿಯೇ ಇದ್ದು, ಅಲ್ಲಿ ಮೂರು ಪುರಾತನ ಗೋರಿಗಳಿವೆ. ಸ್ಥಳೀಯರಿಗೆ ಅದು ‘ಕಟ್ಟಿ ಅಜ್ಜ’ ಹೆಸರಿನ ಶ್ರದ್ಧಾ ತಾಣ. ಹಿಂದೂ–ಮುಸ್ಲಿಮ್ ಬೇಧವಿಲ್ಲದೇ ಎಲ್ಲರೂ ಸೇರಿ ಪ್ರತಿ ವರ್ಷ ಅಲ್ಲಿ ಮೊಹರಂ ಆಚರಿಸಿ, ಹರಕೆ ತೀರಿಸುತ್ತಾರೆ.

. ಪ್ರವಾಹದ ಆರ್ಭಟಕ್ಕೆ ಇಡೀ ಊರು ನಲುಗಿದೆ. ಗೋರಿಗಳು ಕೊಚ್ಚಿ ಹೋಗಿವೆ. ಬಹುತೇಕ ಮನೆಗಳು ಕುಸಿದಿವೆ. ಅಲ್ಲೀಗ ಯಾರೂ ವಾಸವಿಲ್ಲ. ಕೆಲವರು ಸಮೀಪದ ಗುಡ್ಡದಲ್ಲಿರುವ ಆಸರೆ ಮನೆಗಳಲ್ಲಿದ್ದಾರೆ. ಇನ್ನೂ ಕೆಲವರು ಅಲ್ಲಿಯೇ ತಗಡಿನ ಶೆಡ್ ಹಾಕಿಕೊಂಡಿದ್ದಾರೆ.

. ‘ಪ್ರಜಾವಾಣಿ’ ಶನಿವಾರ ಇಂಗಳಗಿಗೆ ಭೇಟಿ ಕೊಟ್ಟಾಗ ಊರು ಬಿಕೊ ಎನ್ನುತ್ತಿತ್ತು. ಅಜ್ಜನ ಕಟ್ಟೆ ಬಳಿ ಮಾತ್ರ ಜನರಿದ್ದರು.ನದಿ ದಂಡೆಯ ಆಸುಪಾಸಿನಲ್ಲಿ ಬಿದ್ದಿದ್ದ ಕಲ್ಲುಗಳನ್ನು ಹೆಕ್ಕಿ ತಂದು ಗೋರಿಗಳನ್ನು ಕಟ್ಟುವಲ್ಲಿ ನಿರತರಾಗಿದ್ದರು.

. ‘ನಮ್ಮಲ್ಲಿ ಯಾವುದೇ ಬೇಧವಿಲ್ಲ, ಏನೇ ಕಷ್ಟಗಳಿದ್ದರೂ ಇಲ್ಲಿ ಪರಿಹಾರವಾಗುತ್ತದೆ ಎಂಬ ಪ್ರತೀತಿ ಇದೆ. ಮೊಹರಂನ ಗಂಧದ ರಾತ್ರಿ (ಸಂದಲ್) ಹಾಗೂ ಕತ್ತಲ ರಾತ್ರಿ ದಿನವೂ ಹೇಳಿಕೆ ಆಗುತ್ತದೆ’ ಎಂದು ಮುತ್ತಪ್ಪ ನಿಂಬಲಗುಂದಿ ಹೇಳಿದರು.

. ಅಲ್ಲಿಯೇ ಸಮೀಪದ ಅಗಸಿ ಬಳಿ ಒಂದೇ ಪ್ರಾಂಗಣದಲ್ಲಿ ಹನುಮಪ್ಪ ಹಾಗೂ ವೀರಭದ್ರೇಶ್ವರನ ಗುಡಿಗಳು ಮತ್ತು ಮಸೀದಿ ಕಾಣಿಸಿದವು.

. ಈರಣ್ಣನ ಹೇಳಿಕೆ!.. ‘ಶ್ರಾವಣ ಸೋಮವಾರ ನಮ್ಮೂರಿನ ಈರಣ್ಣನ (ವೀರಭದ್ರೇಶ್ವರ) ಗುಡಿಯಲ್ಲಿ ಜಾತ್ರೆ ಮಾಡಿದ್ದೆವು. ಈ ವೇಳೆ ಹಿರಿಯರಿಂದ (ಮೈಯಲ್ಲಿ ದೇವರು ಬಂದು) ಹೇಳಿಕೆ ಆಗಿದ್ದು, ಹಾಳಾಗಿರುವ ಕಟ್ಟೆಯನ್ನು ಮೊಹರಂ ಒಳಗಡೆ ಸರಿಪಡಿಸಲು ಸೂಚಿಸಲಾಗಿದೆ. ಅಮಾವಾಸ್ಯೆ ಮುಗಿದು ಎಂಟು ದಿನಕ್ಕೆ ಮೊಹರಂ ಬರಲಿದೆ’ ಎಂದು ಗ್ರಾಮಸ್ಥ ಹನುಮಂತ ವಾಲ್ಮೀಕಿ ಹೇಳಿದರು.

. ‘ದುರಸ್ತಿ ಕಾರ್ಯ ಆರಂಭಿಸಿದರೆ ಒಂದೇ ದಿನದಲ್ಲಿ ಮುಗಿಸಬೇಕು ಎಂದು ಹೇಳಿಕೆ ಆಗಿದೆ. ಹೀಗಾಗಿ ದಿನಕ್ಕೊಂದು ಕಟ್ಟೆ ಕಟ್ಟುವ ಕಾರ್ಯ ಪೂರ್ಣಗೊಳಿಸುತ್ತಿದ್ದೇವೆ. ಪಾಳಿ ಪ್ರಕಾರ ಬಂದು ಸೇವೆ ಮಾಡುತ್ತಿದ್ದಾರೆ’ ಎಂದು ದಾವಲ್ಸಾಬ್ ನದಾಫ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನೆರೆಪೀಡಿತ ಪ್ರದೇಶದಲ್ಲಿ ಸಂಕಷ್ಟ ಮರೆಸಿದ ಕಟ್ಟುವ ಕಾರ್ಯ!

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಯಾಗ-ಯೋಗ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚುರುಮುರಿ: ಇಂಗ್ಲಿಷ್ ಅವಮಾನ!

Lord's Test | ಬಿರುಗಾಳಿಯಾದ ಬೂಮ್ರಾ; ಇಂಗ್ಲೆಂಡ್‌ಗೆ ಆಸರೆಯಾದ ಜೆಮೀ ಸ್ಮಿತ್

ಭದ್ರತಾ ಪರಿಸ್ಥಿತಿ ಅವಲೋಕಿಸಿದ ಬಳಿಕ ಭಾರತಕ್ಕೆ ಹಾಕಿ ತಂಡ: ಪಾಕ್

ವಿದೇಶಿ ಪ್ರವಾಸಗಳಲ್ಲಿ ಕುಟುಂಬಸ್ಥರ ಉಪಸ್ಥಿತಿಗೆ ಮಿತಿ: ನಿಯಮ ಬೆಂಬಲಿಸಿದ ಗಂಭೀರ್

ಪ್ರತಿಭಾವಂತ ಟೆನಿಸ್ ಆಟಗಾರ್ತಿ ರಾಧಿಕಾ ಯಾದವ್ ಕೊಲೆಗೆ ಆ ವಿಡಿಯೊ ಕಾರಣವಾಯಿತೇ?

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಯಾಗ-ಯೋಗ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚುರುಮುರಿ: ಇಂಗ್ಲಿಷ್ ಅವಮಾನ!