ಇನ್ನಷ್ಟು ಸೋಂಕಿನ ಭೀತಿ: ರಾಮನಗರ ಜೈಲು ತೀರ ಚಿಕ್ಕದಾಗಿದ್ದು, ಅಲ್ಲಿ ದೊಡ್ಡದಾದ ನಾಲ್ಕು ಬ್ಯಾರಕ್ಗಳು ಮಾತ್ರವೇ ಇವೆ. ಪ್ರತಿ ಬ್ಯಾರಕ್ನಲ್ಲಿ 20-25 ಜನರನ್ನು ಒಟ್ಟಿಗೆ ಇಡಲಾಗಿತ್ತು. ಶುಕ್ರವಾರ ಸೋಂಕು ಪತ್ತೆಯಾದ ಮೂವರು ಒಂದೇ ಬ್ಯಾರಕ್ನಲ್ಲಿ ಇದ್ದು, ಅಲ್ಲಿ ಅವರೊಟ್ಟಿಗೆ ಇನ್ನೂ 22ಮಂದಿ ಇದ್ದರು. ಅವರನ್ನೂ ಮತ್ತೆ ತಪಾಸಣೆಗೆ ಒಳಪಡಿಸಿದ್ದು, ಸೋಂಕು ಹೆಚ್ಚಾಗುವ ಸಾಧ್ಯತೆ ಇದೆ. ಜತೆಗೆ ಜೈಲಿನಲ್ಲಿ ಇದ್ದ ವಿಚಾರಣಾಧೀನ ಕೈದಿಗಳನ್ನೂ ಮತ್ತೆ ತಪಾಸಣೆಗೆ ಒಳಪಡಿಸಲಾಗುತ್ತಿದೆ. ಬೆಂಗಳೂರಿನಿಂದ ರಾಮನಗರಕ್ಕೆ ಒಟ್ಟು 121 ಆರೋಪಿಗಳನ್ನು ಕರೆತರಲಾಗಿತ್ತು. ಜತೆಗೆ ಜೈಲಿನಲ್ಲಿ ಇತರ 18 ಕೈದಿಗಳೂ ಇದ್ದರು ಎನ್ನಲಾಗಿದೆ.