ಇಂಡೊನೇಷ್ಯಾ: ಮುಳುಗಿದ ಜಲಾಂತರ್ಗಾಮಿ; 53 ಸಿಬ್ಬಂದಿ ಜಲ ಸಮಾಧಿ

ಬನ್ಯುವಾಂಗಿ, ಇಂಡೊನೇಷ್ಯಾ: ನಾಪತ್ತೆಯಾಗಿದ್ದ ಜಲಾಂತರ್ಗಾಮಿಗೆ ಸಂಬಂಧಿಸಿದ ಹಲವಾರು ವಸ್ತುಗಳು ಸಿಕ್ಕಿದ ಬೆನ್ನಲ್ಲೇ ಇಂಡೊನೇಷ್ಯಾ ನೌಕಾಪಡೆಯು, ಜಲಾಂತರ್ಗಾಮಿ ಮುಳುಗಿರುವುದಾಗಿ ಘೋಷಿಸಿದೆ. 53 ಮಂದಿ ಸಿಬ್ಬಂದಿಯನ್ನು ರಕ್ಷಿಸುವ ಭರವಸೆ ಮರೆಯಾಗಿದೆ.

. ಬಾಲಿ ದ್ವೀಪದಿಂದ ಬುಧವಾರ ಪ್ರಯಾಣ ಬೆಳೆಸಿದ್ದ 'ಕೆಆರ್ಐ ನಂಗ್ಗಾಲಾ 402' ಜಲಾಂತರ್ಗಾಮಿಯು ನಾಪತ್ತೆಯಾಗಿತ್ತು. ಅಮೆರಿಕದ ವಿಮಾನ (ಪಿ–8 ಪೊಸಿಡಾನ್), ಸೋನಾರ್ ಸಾಧನಗಳನ್ನು ಅಳವಡಿಸಿರುವ ಆಸ್ಟ್ರೇಲಿಯಾದ ಯುದ್ಧನೌಕೆಗಳು, ಇಂಡೊನೇಷ್ಯಾದ 20 ಹಡಗುಗಳು ಹಾಗೂ ನಾಲ್ಕು ಯುದ್ಧವಿಮಾನಗಳು ಶೋಧಕಾರ್ಯಾಚರಣೆ ನಡೆಸಿದ್ದವು.

. ಜಲಾಂತರ್ಗಾಮಿ ನಾಪತ್ತೆಯಾಗಿರುವ ಸ್ಥಳದಲ್ಲಿ ತೈಲ ಪದರ ಹಾಗೂ ಅವಶೇಷಗಳು ತೇಲುತ್ತಿರುವುದು ಪತ್ತೆಯಾಗಿವೆ. ಜಲಾಂತರ್ಗಾಮಿ ಮುಳುಗಿರುವುದನ್ನು ಇವು ಸೂಚಿಸುತ್ತವೆ ಎಂದು ಸೇನಾ ಮುಖ್ಯಸ್ಥ ಹಾದಿ ಜಾಜಾಟೊ ಹೇಳಿದ್ದಾರೆ.

. ಜಲಾಂತರ್ಗಾಮಿ ನಾಪತ್ತೆಯಾಗಿದೆ ಎಂದೇ ಇಂಡೊನೇಷ್ಯಾ ಅಧಿಕಾರಿಗಳು ಪರಿಗಣಿಸಿದ್ದರು, ಆದರೆ ಶನಿವಾರದ ವೇಳೆಗೆ ಅದರಲ್ಲಿನ ಆಮ್ಲಜನಕ ಸಂಗ್ರಹ ಖಾಲಿಯಾಗಲಿದೆ ಎಂದು ತಿಳಿಸಿದ್ದರು.

. ನೌಕಾಪಡೆ ಮುಖ್ಯಸ್ಥ ಯುಡೊ ಮಾರ್ಗೊನೊ ಬಾಲಿಯಲ್ಲಿ ಮಾಹಿತಿ ನೀಡಿದ್ದು, 'ಸ್ಫೋಟವೇನಾದರೂ ಸಂಭವಿಸಿದ್ದರೆ, ಅದು ಚೂರುಚೂರಾಗಿರಲಿದೆ. ಜಲಾಂತರ್ಗಾಮಿಯು 300 ಮೀಟರ್ನಿಂದ 400 ಮೀಟರ್ಗೆ ಮತ್ತು ಅಲ್ಲಿಂದ 500 ಮೀಟರ್...ಸಾಗುತ್ತಿದ್ದಂತೆ ನಿಧಾನವಾಗಿ ಬಿರುಕು ಕಾಣಿಸಿಕೊಂಡಿದೆ. ಅಲ್ಲಿ ಸ್ಫೋಟವಾಗಿದ್ದರೆ ಸೋನಾರ್ ಅದನ್ನು ಗ್ರಹಿಸುತ್ತಿತ್ತು' ಎಂದಿದ್ದಾರೆ.

. 200 ಮೀಟರ್ (655 ಅಡಿ) ಸಮುದ್ರದ ಆಳದಿಂದ ನಾಪತ್ತೆಯಾದ ಜಲಾಂತರ್ಗಾಮಿಯು ಸುಮಾರು 600–700 ಮೀಟರ್ (2,000–2,300 ಅಡಿಗಳು) ಆಳದವರೆಗೂ ಇಳಿದು ಮುಳುಗಿರಬಹುದು ಎಂದು ನೌಕಾಪಡೆಯು ಅಂದಾಜಿಸಿತ್ತು. ಅಷ್ಟೊಂದು ಆಳದಲ್ಲಿನ ನೀರಿನ ಒತ್ತಡದಲ್ಲಿ ಉಳಿಯುವುದು ಅಸಾಧ್ಯವೆಂದು ಪರಿಗಣಿಸಲಾಗಿತ್ತು.

. ಎಲೆಕ್ಟ್ರಿಕಲ್ ಕಾರ್ಯಾಚರಣೆ ವಿಫಲಗೊಂಡಿದ್ದರಿಂದ ಜಲಾಂತರ್ಗಾಮಿಯು ತುರ್ತು ಪ್ರಕ್ರಿಯೆಗಳನ್ನು ನಡೆಸಲು ಸಾಧ್ಯವಾಗದೆ, ಮತ್ತೆ ಮೇಲೆ ಬರುವುದು ಆಗಿಲ್ಲ ಎಂದು ನೌಕಾಪಡೆ ಹೇಳಿತ್ತು. ಆದರೆ, ಮುಳುಗಲು ನಿಖರ ಕಾರಣ ಪತ್ತೆಯಾಗಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇಂಡೊನೇಷ್ಯಾ: ಮುಳುಗಿದ ಜಲಾಂತರ್ಗಾಮಿ; 53 ಸಿಬ್ಬಂದಿ ಜಲ ಸಮಾಧಿ

ಚಿನಕುರುಳಿ Cartoon: 13 ಜುಲೈ 2025

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

Test|ನಾಲ್ಕನೇ ದಿನದ ಆರಂಭದಲ್ಲಿ ಭಾರತೀಯ ವೇಗಿಗಳ ಅಬ್ಬರ: ಲಯ ಕಳೆದುಕೊಂಡ ಆಂಗ್ಲರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ