ಮ್ಯಾನ್ಮಾರ್‌ನಲ್ಲಿ ಫೇಸ್‌ಬುಕ್ ನಿರ್ಬಂಧ: ಇಂಟರ್‌ನೆಟ್ ಕಂಪನಿಗಳಿಗೆ ಸರ್ಕಾರದ ಆದೇಶ

ಯಾಂಗಾನ್ : ಮಿಲಿಟರಿ ದಂಗೆಯಿಂದಾಗಿ ಮ್ಯಾನ್ಮಾರ್ನಲ್ಲಿ ಸೇನೆಯು ದೇಶದ ಅಧಿಕಾರವನ್ನು ತನ್ನ ನಿಯಂತ್ರಣಕ್ಕೆ ಪಡೆದಿರುವ ಬೆನ್ನಲ್ಲೇ ದೇಶದಾದ್ಯಂತ ಇಂಟರ್ನೆಟ್ ಸೇವೆಯಲ್ಲಿ ವ್ಯತ್ಯಯ ಎದುರಾಗಿದೆ. ಸರ್ಕಾರಿ ಸ್ವಾಮ್ಯದ ಎಂಪಿಟಿ ಸೇರಿದಂತೆ ಎಲ್ಲ ಇಂಟರ್ನೆಟ್ ಸೇವಾದಾರರು ಫೇಸ್ಬುಕ್ ಇಂಕ್ ಒಡೆತನದ ಸೇವೆಗಳನ್ನು ಗುರುವಾರ ನಿರ್ಬಂಧಿಸಿವೆ.

. ಮ್ಯಾನ್ಮಾರ್ನ ಸಂಪರ್ಕ ಮತ್ತು ಮಾಹಿತಿ ಸಚಿವಾಲಯವು ತಡರಾತ್ರಿ ಆನ್ಲೈನ್ನಲ್ಲಿ ಪತ್ರ ಪ್ರಕಟಿಸಿದ್ದು, 'ಸ್ಥಿರತೆ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಫೆಬ್ರುವರಿ 7ರ ವರೆಗೂ ಫೇಸ್ಬುಕ್ ನಿರ್ಬಂಧಿಸಲ್ಪಟ್ಟಿರುತ್ತದೆ' ಎಂದು ತಿಳಿಸಿದೆ.

. ಫೇಸ್ಬುಕ್ ಹಲವು ಸೇವೆಗಳನ್ನು ಬಳಸಲು ಸಾಧ್ಯವಾಗುತ್ತಿಲ್ಲ ಎಂದು ಮ್ಯಾನ್ಮಾರ್ನ ಕೆಲವು ಬಳಕೆದಾರರು ದೂರಿರುವುದಾಗಿ ವರದಿಯಾಗಿದೆ. 2.3 ಕೋಟಿ ಬಳಕೆದಾರರನ್ನು ಹೊಂದಿರುವ ಸರ್ಕಾರದ ಎಂಪಿಟಿ ಟೆಲಿಕಾಂ ಸಂಸ್ಥೆಯು ಫೇಸ್ಬುಕ್ ಹಾಗೂ ಅದರ ಮೆಸೆಂಜರ್, ಇನ್ಸ್ಟಾಗ್ರಾಂ ಹಾಗೂ ವಾಟ್ಸ್ಆ್ಯಪ್ ಸೇವೆಗಳನ್ನು ನಿರ್ಬಂಧಿಸಿದೆ ಎಂದು ನೆಟ್ವರ್ಕ್ ನಿರ್ವಹಣಾ ತಂಡ ನೆಟ್ಬ್ಲಾಕ್ಸ್ ಖಚಿತಪಡಿಸಿದೆ.

. ಇದನ್ನೂ ಓದಿ– ಮ್ಯಾನ್ಮಾರ್: ಬಿಂದಿಗೆ, ತಟ್ಟೆ ಬಾರಿಸಿ; ಹಾರ್ನ್ ಹಾಕಿ ಪ್ರತಿಭಟನೆ

. ಸೇವೆ ವ್ಯತ್ಯವಾಗಿರುವುದನ್ನು ಫೇಸ್ಬುಕ್ ವಕ್ತಾರ ಆ್ಯಂಡಿ ಸ್ಟೋನ್ ಸಹ ಖಚಿತಪಡಿಸಿದ್ದಾರೆ. 'ಸಂಪರ್ಕ ಮರುಸ್ಥಾಪಿಸುವಂತೆ ಮ್ಯಾನ್ಮಾರ್ ಆಡಳಿತಕ್ಕೆ ಆಗ್ರಹಿಸುತ್ತಿದ್ದು, ಅಲ್ಲಿನ ಜನರು ತಮ್ಮ ಕುಟುಂಬ, ಸ್ನೇಹಿತರೊಂದಿಗೆ ಸಂಪರ್ಕ ಸಾಧಿಸಲು ಹಾಗೂ ಪ್ರಮುಖ ಮಾಹಿತಿಯನ್ನು ಪಡೆಯಲು ಅನುವಾಗಲಿದೆ' ಎಂದಿದ್ದಾರೆ.

. ಮ್ಯಾನ್ಮಾರ್ನ 5.3 ಕೋಟಿ ಜನರಲ್ಲಿ ಅರ್ಧದಷ್ಟು ಜನರು ಫೇಸ್ಬುಕ್ ಬಳಸುತ್ತಿದ್ದಾರೆ, ಅಲ್ಲಿನ ಬಹುತೇಕರಿಗೆ ಫೇಸ್ಬುಕ್ ಎಂಬುದು ಇಂಟರ್ನೆಟ್ಗೆ ಸಮನಾರ್ಥಕದಂತಿದೆ.

. 'ಪ್ರಸ್ತುತ ದೇಶದ ಸ್ಥಿರತೆಗೆ ಹಾನಿ ಮಾಡುತ್ತಿರುವವರು ಫೇಸ್ಬುಕ್ನಲ್ಲಿ ಸುಳ್ಳು ಸುದ್ದಿಗಳನ್ನು ಹಾಗೂ ತಪ್ಪು ಮಾಹಿತಿಗಳನ್ನು ಹರಡುತ್ತಿದ್ದು, ಅದರ ಬಳಕೆಯಿಂದಾಗಿ ಜನರಲ್ಲಿ ಅಪಾರ್ಥಕ್ಕೆ ಕಾರಣವಾಗುತ್ತಿದೆ' ಎಂದು ಸಚಿವಾಲಯ ಪತ್ರದಲ್ಲಿ ಹೇಳಿದೆ.

. ಇದನ್ನೂ ಓದಿ– ಮ್ಯಾನ್ಮಾರ್: ಇಂಟರ್ನೆಟ್ ದೊರೆಯದಿದ್ದರೂ ಜನರು ಸಂವಹನ ನಡೆಸುತ್ತಿರುವುದು ಹೇಗೆ?

. ಸರ್ಕಾರದಿಂದ ಬಂದಿರುವ ನಿರ್ದೇಶನದ ಬಗ್ಗೆ ಕಳವಳ ವ್ಯಕ್ತಪಡಿಸಿರುವ 'ಟೆಲಿನಾರ್' ಕಂಪನಿ, ಬುಧವಾರ ದೇಶದ ಎಲ್ಲ ಮೊಬೈಲ್ ಮತ್ತು ಇಂಟರ್ನೆಟ್ ಸೇವಾದಾರರಿಗೆ ಫೇಸ್ಬುಕ್ ನಿರ್ಬಂಧಿಸುವ ಸೂಚನೆ ದೊರೆತಿದೆ ಎಂದಿದೆ. 'ಸರ್ಕಾರದ ಆದೇಶದ ಅನ್ವಯ ಫೇಸ್ಬುಕ್ ವೆಬ್ಸೈಟ್ಗಳನ್ನು ಬಳಸಲು ಸಾಧ್ಯವಾಗುವುದಿಲ್ಲ' ಎಂದು ಬಳಕೆದಾರರಿಗೆ ಸಂದೇಶದ ಮೂಲಕ ತಿಳಿಸಿರುವುದಾಗಿ ಟೆಲಿನಾರ್ ಪ್ರಕಟಣೆಯಲ್ಲಿ ತಿಳಿಸಿದೆ.

. ಸಾಮಾಜಿಕ ಮಾಧ್ಯಮಗಳಲ್ಲಿ ಊಹಾಪೋಹಗಳನ್ನು ಹರಡುವ ಪೋಸ್ಟ್ಗಳನ್ನು ಮಾಡುತ್ತಿರುವ ಬಗ್ಗೆ ಮಂಗಳವಾರ ಸೇನೆಯು ಎಚ್ಚರಿಕೆ ನೀಡಿತ್ತು. ಅದರಿಂದಾಗಿ ಗಲಭೆ ಉಂಟಾಗಬಹುದು ಹಾಗೂ ಅಸ್ಥಿರತೆ ಎದುರಾಗಬಹುದು ಎಂದಿತ್ತು.

. ಇದನ್ನೂ ಓದಿ: ಮ್ಯಾನ್ಮಾರ್ ತುರ್ತು ಪರಿಸ್ಥಿತಿ: ಅಧ್ಯಕ್ಷ ಪಟ್ಟದತ್ತ ಸೇನಾ ಮುಖ್ಯಸ್ಥ?

. ಮ್ಯಾನ್ಮಾರ್ನ ಹಿಂಸಾಚಾರದಲ್ಲಿ ಫೇಸ್ಬುಕ್ನಲ್ಲಿನ ದ್ವೇಷ ಪೂರಿತ ಭಾಷಣವು ಪ್ರಮುಖ ಪಾತ್ರವಹಿಸಿದೆ ಎಂದು ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಪರಿಶೀಲಕರು ಈ ಹಿಂದೆ ಹೇಳಿದ್ದರು. ಮ್ಯಾನ್ಮಾರ್ನ ಪರಿಸ್ಥಿತಿಯನ್ನು ತುರ್ತು ಎಂದು ಪರಿಗಣಿಸುವುದಾಗಿ ಹೇಳಿರುವ ಫೇಸ್ಬುಕ್, ದಂಗೆಯನ್ನು ಬೆಂಬಲಿಸುವ ಅಥವಾ ವಿರೋಧಿಸುವ ವಿಷಯಗಳನ್ನು ತೆಗೆದು ಹಾಕುವಂತಹ ತಾತ್ಕಾಲಿಕ ಕ್ರಮಗಳನ್ನು ತೆಗೆದುಕೊಳ್ಳುವ ಮೂಲಕ ಅಪಾಯಗಳನ್ನು ನಿಯಂತ್ರಿಸುವುದಾಗಿ ತಿಳಿಸಿದೆ.

. ಇದನ್ನೂ ಓದಿ– Explainer: ಏನಾಗುತ್ತಿದೆ ಮ್ಯಾನ್ಮಾರ್ನಲ್ಲಿ, ಸೇನಾ ದಂಗೆಗೆ ಕಾರಣವೇನು?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮ್ಯಾನ್ಮಾರ್‌ನಲ್ಲಿ ಫೇಸ್‌ಬುಕ್ ನಿರ್ಬಂಧ: ಇಂಟರ್‌ನೆಟ್ ಕಂಪನಿಗಳಿಗೆ ಸರ್ಕಾರದ ಆದೇಶ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

IND vs ENG: ಗಿಲ್ 168*, ಜಡೇಜ 89; ಊಟದ ವಿರಾಮಕ್ಕೆ ಭಾರತ 419/6

ಭಾರತದಲ್ಲಿ ನಡೆಯಲಿರುವ ಏಷ್ಯಾ ಕಪ್ ಹಾಕಿಯಲ್ಲಿ ಆಡಲು ಪಾಕಿಸ್ತಾನಕ್ಕೆ ಅವಕಾಶ: ವರದಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ