<p><strong>ವಾಷಿಂಗ್ಟನ್:</strong> ಭಾರತದಲ್ಲಿ ಪಾಕಿಸ್ತಾನಕ್ಕಿಂತಲೂ ಹೆಚ್ಚು ಪ್ರಮಾಣದ ಉಗ್ರರ ದಾಳಿ ಪ್ರಕರಣಗಳು ಬೆಳಕಿಗೆ ಬಂದಿವೆ ಎಂದು ಅಮೆರಿಕದ ಇಲಾಖೆಯೊಂದು ವರದಿ ಮಾಡಿದೆ. 2016ರಲ್ಲಿ ಅತಿಹೆಚ್ಚು ಉಗ್ರರ ದಾಳಿ ದಾಳಿಗೊಳಗಾದ ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತ, ಪಾಕಿಸ್ತಾನ ಕ್ರಮವಾಗಿ 3 ಮತ್ತು 4ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿವೆ.</p>.<p>ವಿವಿಧ ದೇಶಗಳಲ್ಲಿ ನಡೆದ ಭಯೋತ್ಪಾದನಾ ಕೃತ್ಯಗಳ ಕುರಿತು ತಯಾರಿಸಲಾಗಿರುವ ವರದಿಯಲ್ಲಿ ಇರಾಕ್ ಮೊದಲ ಸ್ಥಾನದಲ್ಲಿದೆ. ಇಲ್ಲಿ ಒಟ್ಟು 2,965 ಪ್ರಕರಣಗಳು ಬೆಳಕಿಗೆ ಬಂದಿವೆ. ಎರಡನೇ ಸ್ಥಾನದಲ್ಲಿರುವ ಅಫ್ಗಾನಿಸ್ತಾನದಲ್ಲಿ 1,340 ದಾಳಿಗಳು ನಡೆದಿವೆ. ಭಾರತದಲ್ಲಿ 927 ಹಾಗೂ ಪಾಕಿಸ್ತಾದಲ್ಲಿ 734 ಪ್ರಕರಣಗಳು ದಾಖಲಾಗಿವೆ.</p>.<p>ಭಾರತದಲ್ಲಿ ದಾಖಲಾಗಿರುವ ಒಟ್ಟು ಪ್ರಕರಣಗಳಲ್ಲಿ ಶೇ.19ರಷ್ಟು ಜಮ್ಮು ಕಾಶ್ಮೀರದಲ್ಲಿ, ಶೇ.18ರಷ್ಟು ಛತ್ತೀಸ್ಗಢದಲ್ಲಿ, ಶೇ.12 ರಷ್ಟು ಮಣಿಪುರದಲ್ಲಿ ಮತ್ತು ಶೇ.10 ಪ್ರಕರಣಗಳು ಜಾರ್ಖಂಡ್ನಲ್ಲಿ ಕಂಡು ಬಂದಿವೆ.</p>.<p>ಭಾರತದಲ್ಲಿ ಉಗ್ರರ ಕೃತ್ಯಗಳ ಪ್ರಮಾಣ ಶೇ.16 ರಷ್ಟು ಹೆಚ್ಚಾಗಿದ್ದು ಸಾವಿನ ಪ್ರಮಾಣವೂ ಶೇ.17ರಷ್ಟಕ್ಕೆ ಹೆಚ್ಚಳಗೊಂಡಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.</p>.<p>ವರದಿಯಲ್ಲಿ, 2016ರಲ್ಲಿ ದೇಶದಾದ್ಯಂತ ಸಂಭವಿಸಿರುವ ಶೇ.73ರಷ್ಟು ದಾಳಿಗಳ ವೇಳೆ ಸಾವು ಸಂಭವಿಸಿಲ್ಲ ಎಂದೂ ಹೇಳಲಾಗಿದೆ. ಜತೆಗೆ ಜಗತ್ತಿನಲ್ಲಿ ಸಂಭವಿಸಿರುವ ಪ್ರತಿ ದಾಳಿಯ ವೇಳೆ ಮೃತಪಟ್ಟವರ ಪ್ರಮಾಣ ಸರಾಸರಿ 2.4ರಷ್ಟಿದ್ದು, ಈ ಪ್ರಮಾಣ ದೇಶದಲ್ಲಿ 0.4 ನಷ್ಟಿದೆ ಎನ್ನಲಾಗಿದೆ.</p>.<p>ಶೇ.47ರಷ್ಟು ದಾಳಿಗಳ ವೇಳೆ ಸ್ಪೋಟಕಗಳನ್ನು, ಶೇ.18ರಷ್ಟು ದಾಳಿಗಳಲ್ಲಿ ಶಸ್ತ್ರಾಸ್ತ್ರಗಳನ್ನು ಬಳಸಲಾಗಿದೆ ಎಂದೂ ಉಲ್ಲೇಖಿಸಲಾಗಿದ್ದು, 2015ರಲ್ಲಿ ಇರಾಕ್(2,418), ಅಫ್ಗಾನಿಸ್ತಾನ(1,708), ಪಾಕಿಸ್ತಾನ(1009) ದೇಶಗಳು ಕ್ರಮವಾಗಿ ಮೊದಲ ಮೂರು ಸ್ಥಾನಗಳಲ್ಲಿದ್ದವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ಭಾರತದಲ್ಲಿ ಪಾಕಿಸ್ತಾನಕ್ಕಿಂತಲೂ ಹೆಚ್ಚು ಪ್ರಮಾಣದ ಉಗ್ರರ ದಾಳಿ ಪ್ರಕರಣಗಳು ಬೆಳಕಿಗೆ ಬಂದಿವೆ ಎಂದು ಅಮೆರಿಕದ ಇಲಾಖೆಯೊಂದು ವರದಿ ಮಾಡಿದೆ. 2016ರಲ್ಲಿ ಅತಿಹೆಚ್ಚು ಉಗ್ರರ ದಾಳಿ ದಾಳಿಗೊಳಗಾದ ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತ, ಪಾಕಿಸ್ತಾನ ಕ್ರಮವಾಗಿ 3 ಮತ್ತು 4ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿವೆ.</p>.<p>ವಿವಿಧ ದೇಶಗಳಲ್ಲಿ ನಡೆದ ಭಯೋತ್ಪಾದನಾ ಕೃತ್ಯಗಳ ಕುರಿತು ತಯಾರಿಸಲಾಗಿರುವ ವರದಿಯಲ್ಲಿ ಇರಾಕ್ ಮೊದಲ ಸ್ಥಾನದಲ್ಲಿದೆ. ಇಲ್ಲಿ ಒಟ್ಟು 2,965 ಪ್ರಕರಣಗಳು ಬೆಳಕಿಗೆ ಬಂದಿವೆ. ಎರಡನೇ ಸ್ಥಾನದಲ್ಲಿರುವ ಅಫ್ಗಾನಿಸ್ತಾನದಲ್ಲಿ 1,340 ದಾಳಿಗಳು ನಡೆದಿವೆ. ಭಾರತದಲ್ಲಿ 927 ಹಾಗೂ ಪಾಕಿಸ್ತಾದಲ್ಲಿ 734 ಪ್ರಕರಣಗಳು ದಾಖಲಾಗಿವೆ.</p>.<p>ಭಾರತದಲ್ಲಿ ದಾಖಲಾಗಿರುವ ಒಟ್ಟು ಪ್ರಕರಣಗಳಲ್ಲಿ ಶೇ.19ರಷ್ಟು ಜಮ್ಮು ಕಾಶ್ಮೀರದಲ್ಲಿ, ಶೇ.18ರಷ್ಟು ಛತ್ತೀಸ್ಗಢದಲ್ಲಿ, ಶೇ.12 ರಷ್ಟು ಮಣಿಪುರದಲ್ಲಿ ಮತ್ತು ಶೇ.10 ಪ್ರಕರಣಗಳು ಜಾರ್ಖಂಡ್ನಲ್ಲಿ ಕಂಡು ಬಂದಿವೆ.</p>.<p>ಭಾರತದಲ್ಲಿ ಉಗ್ರರ ಕೃತ್ಯಗಳ ಪ್ರಮಾಣ ಶೇ.16 ರಷ್ಟು ಹೆಚ್ಚಾಗಿದ್ದು ಸಾವಿನ ಪ್ರಮಾಣವೂ ಶೇ.17ರಷ್ಟಕ್ಕೆ ಹೆಚ್ಚಳಗೊಂಡಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.</p>.<p>ವರದಿಯಲ್ಲಿ, 2016ರಲ್ಲಿ ದೇಶದಾದ್ಯಂತ ಸಂಭವಿಸಿರುವ ಶೇ.73ರಷ್ಟು ದಾಳಿಗಳ ವೇಳೆ ಸಾವು ಸಂಭವಿಸಿಲ್ಲ ಎಂದೂ ಹೇಳಲಾಗಿದೆ. ಜತೆಗೆ ಜಗತ್ತಿನಲ್ಲಿ ಸಂಭವಿಸಿರುವ ಪ್ರತಿ ದಾಳಿಯ ವೇಳೆ ಮೃತಪಟ್ಟವರ ಪ್ರಮಾಣ ಸರಾಸರಿ 2.4ರಷ್ಟಿದ್ದು, ಈ ಪ್ರಮಾಣ ದೇಶದಲ್ಲಿ 0.4 ನಷ್ಟಿದೆ ಎನ್ನಲಾಗಿದೆ.</p>.<p>ಶೇ.47ರಷ್ಟು ದಾಳಿಗಳ ವೇಳೆ ಸ್ಪೋಟಕಗಳನ್ನು, ಶೇ.18ರಷ್ಟು ದಾಳಿಗಳಲ್ಲಿ ಶಸ್ತ್ರಾಸ್ತ್ರಗಳನ್ನು ಬಳಸಲಾಗಿದೆ ಎಂದೂ ಉಲ್ಲೇಖಿಸಲಾಗಿದ್ದು, 2015ರಲ್ಲಿ ಇರಾಕ್(2,418), ಅಫ್ಗಾನಿಸ್ತಾನ(1,708), ಪಾಕಿಸ್ತಾನ(1009) ದೇಶಗಳು ಕ್ರಮವಾಗಿ ಮೊದಲ ಮೂರು ಸ್ಥಾನಗಳಲ್ಲಿದ್ದವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>