ಸ್ವಾರ್ಥಿಗಳಾಗುತ್ತಿದ್ದಾರೆಯೇ... ಮಕ್ಕಳು?

ನಾವೀಗ ಎಚ್ಚೆತ್ತುಕೊಳ್ಳದಿದ್ದಲ್ಲಿ, ನಮ್ಮ ಮಕ್ಕಳು, ಸ್ಥೂಲಕಾಯದವರಾಗಿ, ಕನ್ನಡಕ ಹಾಕಿಕೊಂಡು, ಸ್ವಾರ್ಥಿಗಳಾಗಿ ಬೆಳೆಯುತ್ತಾರೆ. ಹಾಗೆ ಬೆಳೆಯಲು ಅಗತ್ಯ ಇರುವ ಎಲ್ಲವನ್ನೂ ಪೂರೈಸುತ್ತಿದ್ದೇವೆ ನಾವು...

. ಗಾಬರಿಯಾಯಿತೆ? ಆದರೆ ಇದು ನಿಜ.

. ದಿನದ ಐದಾರು ಗಂಟೆಗಳ ಕಾಲ ಸ್ಕ್ರೀನ್ ಮುಂದೆ ಕಣ್ಣಿಟ್ಟು ಕೂರುವ ಮಕ್ಕಳಿಗೆ ಮಾಹಿತಿಗಷ್ಟೇ ಅಲ್ಲ, ಮನರಂಜನೆಗೂ ಸ್ಕ್ರೀನ್ ಸಾಧನವಾಗಿದೆ. ಮೊದಲು ಆನ್ಲೈನ್ ಕಲಿಕೆಗೆ ಮನಸ್ಸು ಒಗ್ಗಿಸಬೇಕಾಗಿತ್ತು. ಆದರೀಗ ಅದೇ ಕಲಿಕೆ ಅವರಲ್ಲಿ ಒತ್ತಡವನ್ನೂ ಹುಟ್ಟುಹಾಕುತ್ತಿದೆ.

. ಆಟವಾಡಲೂ ಸ್ಕ್ರೀನ್ಗಳನ್ನೇ ಬಳಸುವ ಮಕ್ಕಳು, ಸೋಲನ್ನು, ಸೋಲೆಂದು ಸ್ವೀಕರಿಸುತ್ತಿಲ್ಲ. ಪ್ರತಿಸಲವೂ ತಾವು ಗೆಲ್ಲಬೇಕು ಎನ್ನುವ ಹಟವಿರುತ್ತದೆ. ಜೊತೆಗೆ ತಾವೇ ಗೆಲ್ಲಬೇಕೆನ್ನುವ ಚಟವೂ ಸೇರುವುದರಿಂದ ಅವರು ಆಟಗಳಲ್ಲಿಯೇ ತಮ್ಮನ್ನು ಮರೆಯತೊಡಗುತ್ತಾರೆ. ಹಸಿವು ಕಡಿಮೆಯಾಗುತ್ತದೆ.

. ಸಾಮಾನ್ಯವಾಗಿ ಆನ್ಲೈನ್ ಕ್ಲಾಸ್ಗಳಲ್ಲಿ ಶಿಕ್ಷಕ– ಶಿಕ್ಷಕಿಯರ ಜೊತೆಗೆ ಐ ಕಾಂಟ್ಯಾಕ್ಟ್ (ನೇರ ನೋಟ) ಏರ್ಪಡುವುದಿಲ್ಲ. ಇದರಿಂದಾಗಿ ಕಲಿಕೆಯಲ್ಲಿ ಕೇಳುವಿಕೆ ಪರಿಪೂರ್ಣ ಆಗುವುದಿಲ್ಲ. ಕೇಳುವಿಯಲ್ಲಿಯೇ ತೊಂದರೆ ಇದ್ದಲ್ಲಿ, ಗ್ರಹಿಕೆ ಮತ್ತು ದಾಖಲೀಕರಣ ಎರಡೂ ಕ್ರಿಯೆಗಳು ಸಮರ್ಪಕವಾಗುವುದಿಲ್ಲ. ಈ ಸಮಸ್ಯೆಗಳಿಗೆ ಪರಿಹಾರ ಬೇಕೆಂದರೆ ಮಾಡಬೇಕಿರುವುದೇನು?

. ಮಕ್ಕಳ ಮನಶಾಸ್ತ್ರಜ್ಞೆ ಸುಜ್ಞಾನಿ ಇಲ್ಲಿ ಕೆಲವು ಸಲಹೆಗಳನ್ನು ನೀಡಿದ್ದಾರೆ:

. * ಮಕ್ಕಳಿಗೆ ಅಗತ್ಯವಿರುವ ಸ್ಕ್ರೀನ್ ಟೈಮ್ ಅನ್ನು ಅವರೊಂದಿಗೆ ಚರ್ಚಿಸಿ, ದಿನಚರಿ ರಚಿಸಿ

. * ಪ್ರತಿದಿನವೂ ಅವರೊಂದಿಗೆ ಚರ್ಚಿಸಲು ಒಂದಷ್ಟು ಸಮಯ ನೀಡುವುದು

. * ಆನ್ಲೈನ್ ಪಾಠ ನೆನಪಿನಲ್ಲಿ ಉಳಿಯುವುದು ಕಷ್ಟ. ಓದೂ ಅಗತ್ಯ ಎಂಬುದನ್ನು ಮನವರಿಕೆ ಮಾಡಿ

. * ಇದು ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳಬೇಕಾದ ಸಂದರ್ಭ. ವಿನಾಕಾರಣ ಒತ್ತಡ ಸೃಷ್ಟಿಸಿಕೊಳ್ಳುವುದು ಬೇಡ.

. ದೃಷ್ಟಿದೋಷದ ಸಮಸ್ಯೆ

. ಮೊಬೈಲ್ ಸ್ಕ್ರೀನ್ ನಿರಂತರ ನೋಡುವುದರಿಂದ ಮಕ್ಕಳಲ್ಲಿ ದೃಷ್ಟಿದೋಷದ ಸಮಸ್ಯೆಗಳು ಈ ಹಿಂದೆಯೂ ಕಂಡುಬರುತ್ತಿದ್ದವು. ಲಾಕ್ಡೌನ್ ಅವಧಿಯಿಂದ ಈಚೆಗೆ ಸಮಸ್ಯೆ ಎದುರಿಸುತ್ತಿರುವ ಮಕ್ಕಳ ಪ್ರಮಾಣ ಅಂದಾಜು ಶೇ 20ರಷ್ಟು ಹೆಚ್ಚಾಗಿದೆ.

. ಯಾವುದೇ ಎಲೆಕ್ಟ್ರಾನಿಕ್ ಸ್ಕ್ರೀನ್ ಅನ್ನು ಬಿಟ್ಟೂಬಿಡದೇ ದೃಷ್ಟಿಸುವುದರಿಂದ ಎಳೆಯ ಕಣ್ಣುಗಳ ಮೇಲೆ ಕೆಟ್ಟ ಪರಿಣಾಮ ಬೀರುವುದು ಖಚಿತ. ಇದರಿಂದ ತಲೆನೋವು, ಡ್ರೈ ಐ ಸಿಂಡ್ರೋಂ (ಕಣ್ಣು ಒಣಗುವುದು) ಸಮಸ್ಯೆ ಉಂಟಾಗುತ್ತದೆ. ಕಣ್ಣಿನಲ್ಲಿ ಕನಿಷ್ಠ ತೇವಾಂಶ ಇರಬೇಕಾಗುತ್ತದೆ. ಆದರೆ, ಒಂದೇ ಕಡೆ ಕುಳಿತು ಸ್ಕ್ರೀನ್ ನೋಡುವುದರಿಂದ ಈ ತೇವಾಂಶ ಇಲ್ಲವಾಗುತ್ತದೆ. ಇದರಿಂದ ಮೆಳ್ಳಗಣ್ಣು ಆಗಹುದು. ಸರಿಯಾದ ಚಿಕಿತ್ಸೆ ಸಿಗದಿರುವ ಕಾರಣ ಕಾಯಂ ಕುರುಡು ಕೂಡ ಆಗಬಹುದು.

. ಡಾ.ಮಾಲಿನಿ ಪ್ರಭುಗೌಡ, ನೇತ್ರ ತಜ್ಞರು, ಅನುಗ್ರಹ ನೇತ್ರ ಆಸ್ಪತ್ರೆ, ಕಲಬುರ್ಗಿ

. ಪಠ್ಯದ ಹೊರೆ ಬೇಡ

. ‘ಪೋಷಕರು ಮಕ್ಕಳನ್ನು ಬಲವಂತವಾಗಿ ದಿನವೂ ಓದಿಸುವ ಪರಿಸ್ಥಿತಿ ಇದೆ. ಮುಂದಿನ ದಿನಗಳಲ್ಲಿ ಶಾಲೆಗಳು ಮತ್ತೆ ಪ್ರಾರಂಭವಾದಾಗ ಮಕ್ಕಳಿಗೆ ಖಂಡಿತವಾಗಿಯೂ ಕಷ್ಟ ಆಗಲಿದೆ. ಶಿಸ್ತುಬದ್ಧವಾಗಿ ತರಗತಿಯಲ್ಲಿ ಕುಳಿತುಕೊಳ್ಳುವುದೇ ಕಷ್ಟವಾಗುತ್ತದೆ. ಈ ಹಿಂದೆ ಜೂನ್ ತಿಂಗಳಲ್ಲಿ ಶಾಲೆ ಪ್ರಾರಂ ಭವಾದ ಸಂದರ್ಭದಲ್ಲಿ ಹೇಗೆ ನೇರವಾಗಿ ಪಾಠವನ್ನು ಪ್ರಾರಂಭಿಸದೆ, ಹಲವು ಪಠ್ಯೇತರ ಚಟುವಟಿಕೆಗಳ ಮುಖಾಂತರ ಮಕ್ಕ ಳನ್ನು ಮತ್ತೆ ಶಾಲೆಯ ವಾತಾವರಣಕ್ಕೆ ಹೊಂದಿಸಿಕೊಂಡು ಹೋಗುತ್ತಿದ್ದರೋ ಅದೇ ಮಾದರಿಯನ್ನು ಶಿಕ್ಷಕರು ಮುಂದೆ ಅನುಸರಿಸಬೇಕು.

. ‘ಶಾಲೆ ಪ್ರಾರಂಭವಾದ ಕೂಡಲೇ ಮಕ್ಕಳಿಗೆ ಪಠ್ಯದ ಹೊರೆ ಹೊರಿಸಿದರೆ, ಖಂಡಿತವಾಗಿಯೂ ಮಕ್ಕಳು ಇದಕ್ಕೆ ಒಗ್ಗಿಕೊಳ್ಳಲು ಸಾಧ್ಯವಿಲ್ಲ. ಮನೆಯ ವಾತಾವರಣಕ್ಕೇ ಹೊಂದಿಕೊಂಡಿದ್ದ ಮಕ್ಕಳಿಗೆ ಗಮನಕೊಟ್ಟು ಕುಳಿತು ಪಾಠ ಕೇಳಲು ಸಾಧ್ಯವಾಗುವುದಿಲ್ಲ.

. ಡಾ. ಶಶಿಧರ್ ಎಚ್.ಎನ್., ಸ್ಥಾನಿಕ ವೈದ್ಯಾಧಿಕಾರಿ ರಾಷ್ಟ್ರೀಯ ಮಾನಸಿಕ ಆರೋಗ್ಯ ಹಾಗೂ ನರವಿಜ್ಞಾನ ಸಂಸ್ಥೆ(ನಿಮ್ಹಾನ್ಸ್)

. ಪೋಷಕರ ಅಭಿಪ್ರಾಯ

. ಮಕ್ಕಳು ಮಕ್ಕಳ ಜೊತೆಗೇ ಬೆರೆತಾಗ ಮಾತ್ರ ಅವರ ವ್ಯಕ್ತಿತ್ವ ವಿಕಸನವಾಗುತ್ತದೆ. ನಾಲ್ಕು ಗೋಡೆ ಮಧ್ಯದ ಆನ್ಲೈನ್ ಶಿಕ್ಷಣ ಮಕ್ಕಳು ಮೊಬೈಲ್ ದಾಸರಾಗುವಂತೆ ಮಾಡುತ್ತಿದೆ.

. ಶಶಿಕಲಾ ಟಿ.ಎಸ್, ಸಹಾಯಕ ಪ್ರಾಧ್ಯಾಪಕಿ, ಯುಬಿಡಿಟಿ ಎಂಜಿನಿಯರಿಂಗ್ ಕಾಲೇಜು, ದಾವಣಗೆರೆ (ವರ್ಕ್ ಫ್ರಮ್ ಹೋಂ)

. ಅಪ್ಪ–ಅಮ್ಮ ಇಬ್ಬರೂ ದುಡಿಯುವ ಕುಟುಂಬದಲ್ಲಿ ಮಕ್ಕಳಿಗೆ ಆನ್ಲೈನ್ ಕ್ಲಾಸ್ ವರದಾನ. ವರ್ಕ್ ಫ್ರಂ ಹೋಂನಲ್ಲಿ ಪೋಷಕರ ಕೆಲಸದ ಒತ್ತಡಗಳೂ ಮಕ್ಕಳ ಮನಸಿನ ಮೇಲೆ ಪರಿಣಾಮ ಬೀರುತ್ತವೆ. ಈ ಹಿಂದೆ ಮಕ್ಕಳಿಗೆ ರಾಮಾಯಣ–ಮಹಾಭಾರತದ ಕಥೆ ಹೇಳಿ ಮಲಗಿಸುತ್ತಿದ್ದೆ. ಆದರೆ,ಈಗ ಹೇಗೆ ಬದುಕಬೇಕು ಎಂದು ಹೇಳಿಕೊಡುತ್ತಿದ್ದೇನೆ.

. ಶಾಂತಲಾ, ಉದ್ಯೋಗಿ, ಬೆಂಗಳೂರು

. ಈ ಸಂಕಷ್ಟದ ಅನಿವಾರ್ಯವನ್ನು ಪೋಷಕರು ಸಕಾರಾತ್ಮಕವಾಗಿ ತೆಗೆದುಕೊಳ್ಳಬೇಕು. ಶಿಕ್ಷಕರ ಸ್ಥಾನವನ್ನು ಪೋಷಕರು ತುಂಬುವ ಅವಕಾಶ ಸಿಕ್ಕಿದೆ. ಮಕ್ಕಳ ಜತೆ ನಾವೂ ಆನ್ಲೈನ್ ಪಾಠ ಕೇಳುತ್ತ ಅವರಿಗೆ ಅರ್ಥವಾಗದಿರುವುದನ್ನು ಹೇಳಿಕೊಡಬೇಕು.

. ಲತಾ ಯೋಗಿರಾಜ್, ಶಿರಾಳಕೊಪ್ಪ, ಶಿವಮೊಗ್ಗ ಜಿಲ್ಲೆ. (ಗೃಹಿಣಿ)

. ಮಗ ಶಾಲೆಯನ್ನು ಮಿಸ್ ಮಾಡಿಕೊಳ್ತಾ ಇದ್ದ. ಆದರೆ, ಆನ್ಲೈನ್ ತರಗತಿಯ ಜತೆಗೆ ಪೋಷಕರು ಆಟಗಳತ್ತಲೂ ಗಮನ ಹರಿಸಬೇಕು. ನಾವು ಕೇರಂ, ಚೆಸ್ಆಟದ ಜೊತೆಗೆ ಪುಸ್ತಕ ಓದುವ ಹವ್ಯಾಸ ರೂಢಿಸಿದೆವು. ಇದರಿಂದ ಮಗ ಖುಷಿಯಾಗಿದ್ದಾನೆ.

. ಶ್ವೇತಾ ಮಠದ, ಗೃಹಿಣಿ, ಹಿರೇಕೆರೂರು, ಹಾವೇರಿ ಜಿಲ್ಲೆ

. ದಿನದ ಅರ್ಧ ಭಾಗ ಕೊರೊನಾ ಸೋಂಕಿತರ ನಡುವೆಯೇ ಇರುತ್ತೇನೆ. ಮಕ್ಕಳನ್ನು ಸ್ಪರ್ಶಿಸಿ ಪಾಠ ಹೇಳಿಕೊಡಲು ಆಗುವುದಿಲ್ಲ. ಏನಿದ್ದರೂ ದೂರದಿಂದಲೇ ನಮ್ಮ ಸಂವಹನ. ಶಾಲೆಗಳೂ ಬಂದ್ ಆಗಿರುವುದರಿಂದ ಮಕ್ಕಳ ಮಾನಸಿಕ ಬೆಳವಣಿಗೆಗೂ ಕುತ್ತು ಬಂದಿದೆ.

. ವಿದ್ಯಾಶ್ರೀ, ಜಿಲ್ಲಾ ಕೋವಿಡ್ ಆಸ್ಪತ್ರೆಯ ಐಸಿಯುನಲ್ಲಿ ಶುಶ್ರೂಷಕಿ (ಸ್ಟಾಫ್ ನರ್ಸ್), ತುಮಕೂರು (ಕೊರೊನಾ ವಾರಿಯರ್)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸ್ವಾರ್ಥಿಗಳಾಗುತ್ತಿದ್ದಾರೆಯೇ... ಮಕ್ಕಳು?

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

Lord's Test: 'ಕ್ರಿಕೆಟ್‌ ಕಾಶಿ'ಯಲ್ಲಿ 2ನೇ ಶತಕ; ದಿಗ್ಗಜರ ಸಾಲಿಗೆ ರಾಹುಲ್

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

IND vs ENG 3rd Test: ಲಾರ್ಡ್ಸ್‌ನಲ್ಲಿ ರಾಹುಲ್ ಹೊಳಪು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

Lord's Test: 'ಕ್ರಿಕೆಟ್‌ ಕಾಶಿ'ಯಲ್ಲಿ 2ನೇ ಶತಕ; ದಿಗ್ಗಜರ ಸಾಲಿಗೆ ರಾಹುಲ್