<p>‘ಇಷ್ಟು ದಿನ ಏಷ್ಯನ್ ಗೇಮ್ಸ್ ಆಯ್ತು, ಇನ್ನು ಕ್ರಿಕೆಟ್, ನಿಮ್ಮನ್ನು ಮಾತಾಡ್ಸೋ ಹಾಗಿಲ್ಲ, ಟೀವಿಲೇ ಮುಳುಗಿಬಿಡ್ತೀರಿ’ ನನ್ನವಳು ಕೆಣಕಿದಳು.</p>.<p>‘107 ಪದಕಗಳಲ್ಲಿ 28 ಚಿನ್ನ... ಶತಕಗಳ ಭರಾಟೆ ಶುರು, ಕ್ರಿಕೆಟ್ ಆಚೆಗೂ ಹೋಗಿ ಗೇಮ್ಸ್<br>ನಲ್ಲಿ ಬಂದಿರೋದು ಎಷ್ಟು ಚಂದ, ಸಿಂಗಾರ ಸಿರಿಯೆ, ಬಂಗಾರ ಗರಿಯೆ’ ಪುಟ್ಟಿಯ ಸಂಭ್ರಮ.</p>.<p>‘ನಿಮ್ಮ ಧಾರಾವಾಹಿಗಳ ಹಾಗೆ ಎಳೆಯೋಲ್ಲ. ಪಂದ್ಯದ ಅಂತ್ಯದಲ್ಲಿ ಸೋಲೋ ಗೆಲುವೋ ಕೊನೆಗೆ ಡ್ರಾನೋ ಏನೋ ಒಂದು <br>ನಿರ್ಧಾರವಾಗುತ್ತೆ’ ನಾನೆಂದೆ. </p>.<p>‘ಶತಕ ಅಂದಕೂಡಲೇ ನೆನಪಾಯ್ತು, ಬದುಕಿರೋವ್ರನ್ನು ಸಾಯಿಸೋ ಈ ಸುಳ್ಳು ಸುದ್ದಿ ಹುಟ್ಟಿಸೋವ್ರಿಗೆ ಹೇಗೆ ಬುದ್ಧಿ ಕಲಿಸಬೇಕೋ? ಓಂ ಶಾಂತಿ ಸಂದೇಶಗಳು ಬಿದ್ದಿದ್ದೂ ಬಿದ್ದಿದ್ದೇ’ ಅತ್ತೆ ಕಿಡಿಕಾರಿದರು.</p>.<p>‘ನಿಜ, ಹುಷಾರಿಲ್ಲ ಅಂತ ಆಸ್ಪತ್ರೆಗೆ ಸೇರಿದ ಕೂಡಲೇ ಅದೇನು ಊಹಾಪೋಹ! ಪಾಪ, ಈ ಬಾರಿ ಸಾಲುಮರದ ತಿಮ್ಮಕ್ಕನ ಹೆಸರು’ ನನ್ನವಳೂ ಬೇಸರಗೊಂಡಳು.</p>.<p>‘ಕೇಂದ್ರ ಪಠ್ಯಕ್ರಮದಲ್ಲಿ ಹತ್ತು, ಹನ್ನೆರಡನೇ ತರಗತಿಯವರಿಗೆ ಎರಡು ಪರೀಕ್ಷೆಯಂತೆ, ಐಚ್ಛಿಕವಂತೆ, ಏನೂ ಅರ್ಥವಾಗದು. ಸದ್ಯ ಒಂದನ್ನು ಎದುರಿಸೋದೇ ಕಷ್ಟ’ ಅತ್ತೆ ಪೇಪರಿನಲ್ಲಿ ಕಣ್ಣಾಡಿಸಿದರು.</p>.<p>‘ನಮ್ಮಲ್ಲಿ ಮೂರು ಪರೀಕ್ಷೆಗಳು. ಅಜ್ಜೀ...<br>ಬೆಸ್ಟ್ ಆಫ್ ಥ್ರೀ. ಸಾವಕಾಶವಾಗಿ ಬೇಕಾದ ವಿಷಯವನ್ನು ಹೆಚ್ಚು ವಿಶ್ವಾಸದಿಂದ ಬರೆಯ<br>ಬಹುದು’ ಪುಟ್ಟಿ ಹಲ್ಕಿರಿದಳು.</p>.<p>ಅಷ್ಟರಲ್ಲೇ ಕಂಠಿ ಬಂದ ‘ಪಟಾಕಿ ಚೀಟಿ ಮುಗೀತು’ ರಸೀತಿ ಕೊಟ್ಟ. ‘ಏನು ಪಟಾಕಿ ಹೊಡೆಯೋದು? ನಡೆದಿರೋ ದುರಂತ ಸಾಲದೇ?’ ಅತ್ತೆ ಅತ್ತಿಬೆಲೆ ಅವಘಡ ನೆನೆದು ಸಿಡಿಯತೊಡಗಿದರು.</p>.<p>‘ಪಟಾಕಿ ಬದಲು ಸಿಂಥೆಟಿಕ್ ಸೀರೆ ಕೊಡ್ತಾರೆ. ಅದು ಬೇಡ ಅಂದ್ರೆ, ಮೇಲೆ ಒಂಚೂರು ದುಡ್ಡು ಕೊಟ್ರೆ ಒಳ್ಳೆ ರೇಷ್ಮೆ ಸೀರೆ...’ ಕಂಠಿಯಿಂದ ಕ್ಲ್ಯಾರಿಟಿ.</p>.<p>‘ಅಯ್ಯೋ! ಕೊಟ್ಟರಾಯ್ತು, ಅದಕ್ಕೇನಂತೆ, ಅಲ್ವೇ?’ ನನ್ನವಳು ನನ್ನತ್ತ ನೋಡಿದಾಗ ಹೊಸ ಪರೀಕ್ಷೆ ಎದುರಿಸುವಂತಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಇಷ್ಟು ದಿನ ಏಷ್ಯನ್ ಗೇಮ್ಸ್ ಆಯ್ತು, ಇನ್ನು ಕ್ರಿಕೆಟ್, ನಿಮ್ಮನ್ನು ಮಾತಾಡ್ಸೋ ಹಾಗಿಲ್ಲ, ಟೀವಿಲೇ ಮುಳುಗಿಬಿಡ್ತೀರಿ’ ನನ್ನವಳು ಕೆಣಕಿದಳು.</p>.<p>‘107 ಪದಕಗಳಲ್ಲಿ 28 ಚಿನ್ನ... ಶತಕಗಳ ಭರಾಟೆ ಶುರು, ಕ್ರಿಕೆಟ್ ಆಚೆಗೂ ಹೋಗಿ ಗೇಮ್ಸ್<br>ನಲ್ಲಿ ಬಂದಿರೋದು ಎಷ್ಟು ಚಂದ, ಸಿಂಗಾರ ಸಿರಿಯೆ, ಬಂಗಾರ ಗರಿಯೆ’ ಪುಟ್ಟಿಯ ಸಂಭ್ರಮ.</p>.<p>‘ನಿಮ್ಮ ಧಾರಾವಾಹಿಗಳ ಹಾಗೆ ಎಳೆಯೋಲ್ಲ. ಪಂದ್ಯದ ಅಂತ್ಯದಲ್ಲಿ ಸೋಲೋ ಗೆಲುವೋ ಕೊನೆಗೆ ಡ್ರಾನೋ ಏನೋ ಒಂದು <br>ನಿರ್ಧಾರವಾಗುತ್ತೆ’ ನಾನೆಂದೆ. </p>.<p>‘ಶತಕ ಅಂದಕೂಡಲೇ ನೆನಪಾಯ್ತು, ಬದುಕಿರೋವ್ರನ್ನು ಸಾಯಿಸೋ ಈ ಸುಳ್ಳು ಸುದ್ದಿ ಹುಟ್ಟಿಸೋವ್ರಿಗೆ ಹೇಗೆ ಬುದ್ಧಿ ಕಲಿಸಬೇಕೋ? ಓಂ ಶಾಂತಿ ಸಂದೇಶಗಳು ಬಿದ್ದಿದ್ದೂ ಬಿದ್ದಿದ್ದೇ’ ಅತ್ತೆ ಕಿಡಿಕಾರಿದರು.</p>.<p>‘ನಿಜ, ಹುಷಾರಿಲ್ಲ ಅಂತ ಆಸ್ಪತ್ರೆಗೆ ಸೇರಿದ ಕೂಡಲೇ ಅದೇನು ಊಹಾಪೋಹ! ಪಾಪ, ಈ ಬಾರಿ ಸಾಲುಮರದ ತಿಮ್ಮಕ್ಕನ ಹೆಸರು’ ನನ್ನವಳೂ ಬೇಸರಗೊಂಡಳು.</p>.<p>‘ಕೇಂದ್ರ ಪಠ್ಯಕ್ರಮದಲ್ಲಿ ಹತ್ತು, ಹನ್ನೆರಡನೇ ತರಗತಿಯವರಿಗೆ ಎರಡು ಪರೀಕ್ಷೆಯಂತೆ, ಐಚ್ಛಿಕವಂತೆ, ಏನೂ ಅರ್ಥವಾಗದು. ಸದ್ಯ ಒಂದನ್ನು ಎದುರಿಸೋದೇ ಕಷ್ಟ’ ಅತ್ತೆ ಪೇಪರಿನಲ್ಲಿ ಕಣ್ಣಾಡಿಸಿದರು.</p>.<p>‘ನಮ್ಮಲ್ಲಿ ಮೂರು ಪರೀಕ್ಷೆಗಳು. ಅಜ್ಜೀ...<br>ಬೆಸ್ಟ್ ಆಫ್ ಥ್ರೀ. ಸಾವಕಾಶವಾಗಿ ಬೇಕಾದ ವಿಷಯವನ್ನು ಹೆಚ್ಚು ವಿಶ್ವಾಸದಿಂದ ಬರೆಯ<br>ಬಹುದು’ ಪುಟ್ಟಿ ಹಲ್ಕಿರಿದಳು.</p>.<p>ಅಷ್ಟರಲ್ಲೇ ಕಂಠಿ ಬಂದ ‘ಪಟಾಕಿ ಚೀಟಿ ಮುಗೀತು’ ರಸೀತಿ ಕೊಟ್ಟ. ‘ಏನು ಪಟಾಕಿ ಹೊಡೆಯೋದು? ನಡೆದಿರೋ ದುರಂತ ಸಾಲದೇ?’ ಅತ್ತೆ ಅತ್ತಿಬೆಲೆ ಅವಘಡ ನೆನೆದು ಸಿಡಿಯತೊಡಗಿದರು.</p>.<p>‘ಪಟಾಕಿ ಬದಲು ಸಿಂಥೆಟಿಕ್ ಸೀರೆ ಕೊಡ್ತಾರೆ. ಅದು ಬೇಡ ಅಂದ್ರೆ, ಮೇಲೆ ಒಂಚೂರು ದುಡ್ಡು ಕೊಟ್ರೆ ಒಳ್ಳೆ ರೇಷ್ಮೆ ಸೀರೆ...’ ಕಂಠಿಯಿಂದ ಕ್ಲ್ಯಾರಿಟಿ.</p>.<p>‘ಅಯ್ಯೋ! ಕೊಟ್ಟರಾಯ್ತು, ಅದಕ್ಕೇನಂತೆ, ಅಲ್ವೇ?’ ನನ್ನವಳು ನನ್ನತ್ತ ನೋಡಿದಾಗ ಹೊಸ ಪರೀಕ್ಷೆ ಎದುರಿಸುವಂತಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
