ಮಂಗಳವಾರ, ಮಾರ್ಚ್ 2, 2021
23 °C

‘ಪಚ್ಚನಾಡಿ’ ಎಂದರೆ ಬೆಚ್ಚಿಬೀಳುವ ಪಾಲಿಕೆ

ಸಂಧ್ಯಾ ಹೆಗಡೆ Updated:

ಅಕ್ಷರ ಗಾತ್ರ : | |

Prajavani

ಮಂಗಳೂರು: ಚಿಕ್ಕಮಗಳೂರು ಮತ್ತು ಕರಾವಳಿ ಜಿಲ್ಲೆಗಳಲ್ಲಿ ಕಸ ಸಂಗ್ರಹ ಮತ್ತು ವಿಂಗಡಣೆಯೇ ಸಮಸ್ಯೆ ತಂದೊಡ್ಡಿದೆ.

ನಗರದ ಪಚ್ಚನಾಡಿ ತ್ಯಾಜ್ಯ ವಿಲೇವಾರಿ ಘಟಕದಲ್ಲಿ ಗುಡ್ಡೆ ಹಾಕಿದ್ದ ಕಸದ ಬೆಟ್ಟ ಒಂದೂವರೆ ವರ್ಷದ ಹಿಂದೆ ಸುರಿದ ಭಾರಿ ಮಳೆಗೆ ಕುಸಿದು, ಎರಡು ಕಿ.ಮೀ. ದೂರದವರೆಗೆ ಕೊಚ್ಚಿಕೊಂಡು  ಹೋಗಿತ್ತು.

ನಗರದಲ್ಲಿ ನಿತ್ಯ ಉತ್ಪತ್ತಿಯಾಗುವ 330 ಟನ್ ಹಾಗೂ ಸಮೀಪದ ಗ್ರಾಮಗಳ 50 ಟನ್ ಸೇರಿ ಒಟ್ಟು 380 ಟನ್ ಘನತ್ಯಾಜ್ಯ ಪಚ್ಚನಾಡಿಯ ಘಟಕದ ಒಡಲು ಸೇರುತ್ತಿದೆ. ಹಳೆಯ ಆರು ಲಕ್ಷ ಟನ್ ಕಸದ ರಾಶಿ ಕರಗಿಸುವುದು ಪಾಲಿಕೆಗೆ ಸವಾಲಾಗಿದೆ. ಹೀಗಾಗಿ ಪಚ್ಚನಾಡಿ ಹೆಸರು ಕೇಳಿದರೆ ಪಾಲಿಕೆ ಬೆಚ್ಚಿಬೀಳುವಂತಾಗಿದೆ. 

ಮೆಗಾ ಪ್ಲಾನ್‌: ಸ್ವಚ್ಛ ಭಾರತ ಮಿಷನ್ ಯೋಜನೆಯಡಿ ತ್ಯಾಜ್ಯ ಸಂಸ್ಕರಣೆಗೆ ಪಾಲಿಕೆ ರೂಪಿಸಿರುವ ₹12.56 ಕೋಟಿ ವೆಚ್ಚದ ‘ಮೆಗಾ ಪ್ಲಾನ್‌‌’ ಟೆಂಡರ್ ಹಂತದಲ್ಲಿದೆ. ಇನ್ನೂ ಎರಡು ಹೊಸ ಯಂತ್ರಗಳ ಮೂಲಕ ತ್ಯಾಜ್ಯ ಸಂಸ್ಕರಣಾ ಸಾಮರ್ಥ್ಯವನ್ನು 425 ಟನ್‌ಗೆ ಹೆಚ್ಚಿಸುವುದು ಪಾಲಿಕೆ ಉದ್ದೇಶ. ಉರ್ವಸ್ಟೋರ್‌ನಲ್ಲಿರುವ ಎರಡು ಟನ್ ಸಾಮರ್ಥ್ಯದ ಬಯೊಗ್ಯಾಸ್ ಘಟಕದಲ್ಲಿ ಪ್ರತಿನಿತ್ಯ 200 ಯುನಿಟ್ ವಿದ್ಯುತ್ ಉತ್ಪಾದನೆಯಾಗುತ್ತಿದೆ.

ಈ ಕಸದಿಂದ ಇಂಧನ ಉತ್ಪಾದಿಸಲು ಕರ್ನಾಟಕ ವಿದ್ಯುತ್ ನಿಗಮ ಸಾಧ್ಯತಾ ವರದಿ ಸಿದ್ಧಪಡಿಸುತ್ತಿದೆ’ ಎನ್ನುತ್ತಾರೆ ಪಾಲಿಕೆ ಆಯುಕ್ತ ಅಕ್ಷಯ್ ಶ್ರೀಧರ್.

ಶೂನ್ಯ ಕಸ’ ಎಂಬ ಹೊಸ ಕೂಸು

ಸ್ವಚ್ಛ ಮಂಗಳೂರು ಅಭಿಯಾನದ ಮೂಲಕ ಐದು ವರ್ಷ ಜಾಗೃತಿ ಮೂಡಿಸಿದ ರಾಮಕೃಷ್ಣ ಮಿಷನ್ ಈಗ ವಸತಿ ಸಮುಚ್ಚಯಗಳಲ್ಲಿ ‘ಶೂನ್ಯ ತ್ಯಾಜ್ಯ’ ಕಾರ್ಯಕ್ರಮ ರೂಪಿಸಿದೆ.

‘ಮೂರು ಮಡಿಕೆ ಸಾಧನ ಕಾರ್ಯಕ್ರಮ’ದ ಅಡಿ ಹಸಿ ಕಸ ಹಾಕಲು 4000 ಮನೆಗಳಿಗೆ ಮಡಿಕೆ ವಿತರಿಸಲಾಗಿದೆ. ಪ್ರತಿ ಮನೆಯಿಂದ ತಿಂಗಳಿಗೆ ಎರಡು ಕೆ.ಜಿ ಸಾವಯುವ ಗೊಬ್ಬರ ಉತ್ಪತ್ತಿಯಾಗುತ್ತದೆ.ಈ ವಸತಿ ಸಮುಚ್ಛಯಗಳಲ್ಲಿ ನಮ್ಮ ಕಾರ್ಯಕರ್ತರೇ ತ್ಯಾಜ್ಯ ನಿರ್ವಹಣೆ ಮಾಡುತ್ತಾರೆ’ ಎನ್ನುತ್ತಾರೆ ಏಕಗಮ್ಯಾನಂದ ಸ್ವಾಮೀಜಿ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು