<p><strong>ಮರಗಳ ನಾಶಕ್ಕೆ ಕೊಡಲಿ ಪೆಟ್ಟು</strong></p><p>ಬೆಂಗಳೂರು, ಮೇ 8– ಸಾರ್ವಜನಿಕ ಪ್ರದೇಶಗಳಲ್ಲಿನ ಮರಗಳನ್ನು ಕಡಿಯುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವ ಶಾಸನವನ್ನು ಜಾರಿಗೆ ತರಬೇಕೆಂದು ನಗರ ಸಭೆಯ ಆಡಳಿತಾಧಿಕಾರಿ ಲಕ್ಷ್ಮಣರಾವ್ ಅವರು ಸರ್ಕಾರಕ್ಕೆ ಸಲಹೆ ನೀಡಿದ್ದಾರೆ.</p><p>ಉದ್ಯಾನವನಗಳ ಸಂರಕ್ಷಣಾ ಶಾಸನವನ್ನು ಈ ಕ್ರಮ ಸೇರಿಸಿ ತಿದ್ದುಪಡಿ ಮಾಡುವ ಸಂಭವ ಇದೆ.</p><p>ಇದರೊಂದಿಗೆ ಮನೆ ಕಟ್ಟುವವರಿಗೆ ಮನೆಗಳ ವಿನ್ಯಾಸಗಳಿಗೆ ಸರಿಹೊಂದುವಂತೆ ಮರಗಳನ್ನು ನೆಡಬೇಕೆಂದು ನಗರಸಭೆ ಸಲಹೆ ಮಾಡಲಿದೆ. ಈಗಾಗಲೇ ಅನೇಕರು ತೆಂಗಿನ ಮರಗಳನ್ನು ಒಳಗೊಂಡಂತೆ ಮನೆಗಳನ್ನು ಕಟ್ಟಿದ್ದಾರೆ.</p><p>ಈ ವರ್ಷ ಮಳೆ ‘ಸರಿಯಾಗಿ’ ಪ್ರಾರಂಭವಾದ ಕೂಡಲೇ ನಗರಸಭೆ ನಗರದ ಎಲ್ಲೆಡೆಯಲ್ಲಿ ಮರಗಳನ್ನು ನೆಡುವ ಕಾರ್ಯಕ್ರಮ ಹಾಕಿಕೊಂಡಿದೆ.</p>.<p><strong>99 ಆಪಾದನೆ ಪರಿಶೀಲನೆ ವರದಿ ಬಗ್ಗೆ ಅರಸು ಅಚ್ಚರಿ</strong></p>.<p>ಬೆಂಗಳೂರು, ಮೇ 8– ಮುಖ್ಯಮಂತ್ರಿ ದೇವರಾಜ ಅರಸು ಅವರು ಕೇಂದ್ರದ ಗೃಹಸಚಿವ ಕೆ.ಬ್ರಹ್ಮಾನಂದರೆಡ್ಡಿ ಅವರಿಗೆ ಪತ್ರ ಬರೆದು ತಮ್ಮ ಮತ್ತು ತಮ್ಮ ಮಂತ್ರಿಮಂಡಲದ ವಿರುದ್ಧ 99 ಆಪಾದನೆಗಳನ್ನು ಪರಿಶೀಲಿಸಲಾಗುತ್ತಿದೆಯೆಂಬ ಪತ್ರಿಕಾ ವರದಿಯ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆಂದು ಗೊತ್ತಾಗಿದೆ.</p>.<p>99 ಆಪಾದನೆಗಳನ್ನು ಪರಿಶೀಲಿಸಲಾಗುತ್ತಿದೆಯೆಂದು ರೆಡ್ಡಿ ಅವರು ತಮ್ಮ ಇಲಾಖೆಗೆ ಸಂಬಂಧಿಸಿದ ಸಮಾಲೋಚನಾ ಸಮಿತಿಯಲ್ಲಿ ಹೇಳಿದರೆಂದು ವರದಿಯಾಗಿತ್ತು.</p>.<p>ಅರಸು ಅವರು ತಮ್ಮ ಪತ್ರದಲ್ಲಿ ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ ವೀರೇಂದ್ರ ಪಾಟೀಲರು ಪ್ರಧಾನಿಗೆ ಬರೆದ ಪತ್ರದಲ್ಲಿ ಮೂರು ನಿರ್ದಿಷ್ಟ ಆಪಾದನೆಗಳನ್ನು ಮಾತ್ರ ಪ್ರಸ್ತಾಪಿಸಲಾಗಿದ್ದು ಆ ಸಂಬಂಧದಲ್ಲಿ ಕೇಳಲಾದ ಎಲ್ಲ ವಿವರಣೆಗಳನ್ನೂ ಕೇಂದ್ರದ ಗೃಹಶಾಖೆಗೆ ಕಳುಹಿಸಿಕೊಡಲಾಗಿತ್ತೆಂದು ಹೇಳಿದ್ದಾರೆಂದು ತಿಳಿದುಬಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮರಗಳ ನಾಶಕ್ಕೆ ಕೊಡಲಿ ಪೆಟ್ಟು</strong></p><p>ಬೆಂಗಳೂರು, ಮೇ 8– ಸಾರ್ವಜನಿಕ ಪ್ರದೇಶಗಳಲ್ಲಿನ ಮರಗಳನ್ನು ಕಡಿಯುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವ ಶಾಸನವನ್ನು ಜಾರಿಗೆ ತರಬೇಕೆಂದು ನಗರ ಸಭೆಯ ಆಡಳಿತಾಧಿಕಾರಿ ಲಕ್ಷ್ಮಣರಾವ್ ಅವರು ಸರ್ಕಾರಕ್ಕೆ ಸಲಹೆ ನೀಡಿದ್ದಾರೆ.</p><p>ಉದ್ಯಾನವನಗಳ ಸಂರಕ್ಷಣಾ ಶಾಸನವನ್ನು ಈ ಕ್ರಮ ಸೇರಿಸಿ ತಿದ್ದುಪಡಿ ಮಾಡುವ ಸಂಭವ ಇದೆ.</p><p>ಇದರೊಂದಿಗೆ ಮನೆ ಕಟ್ಟುವವರಿಗೆ ಮನೆಗಳ ವಿನ್ಯಾಸಗಳಿಗೆ ಸರಿಹೊಂದುವಂತೆ ಮರಗಳನ್ನು ನೆಡಬೇಕೆಂದು ನಗರಸಭೆ ಸಲಹೆ ಮಾಡಲಿದೆ. ಈಗಾಗಲೇ ಅನೇಕರು ತೆಂಗಿನ ಮರಗಳನ್ನು ಒಳಗೊಂಡಂತೆ ಮನೆಗಳನ್ನು ಕಟ್ಟಿದ್ದಾರೆ.</p><p>ಈ ವರ್ಷ ಮಳೆ ‘ಸರಿಯಾಗಿ’ ಪ್ರಾರಂಭವಾದ ಕೂಡಲೇ ನಗರಸಭೆ ನಗರದ ಎಲ್ಲೆಡೆಯಲ್ಲಿ ಮರಗಳನ್ನು ನೆಡುವ ಕಾರ್ಯಕ್ರಮ ಹಾಕಿಕೊಂಡಿದೆ.</p>.<p><strong>99 ಆಪಾದನೆ ಪರಿಶೀಲನೆ ವರದಿ ಬಗ್ಗೆ ಅರಸು ಅಚ್ಚರಿ</strong></p>.<p>ಬೆಂಗಳೂರು, ಮೇ 8– ಮುಖ್ಯಮಂತ್ರಿ ದೇವರಾಜ ಅರಸು ಅವರು ಕೇಂದ್ರದ ಗೃಹಸಚಿವ ಕೆ.ಬ್ರಹ್ಮಾನಂದರೆಡ್ಡಿ ಅವರಿಗೆ ಪತ್ರ ಬರೆದು ತಮ್ಮ ಮತ್ತು ತಮ್ಮ ಮಂತ್ರಿಮಂಡಲದ ವಿರುದ್ಧ 99 ಆಪಾದನೆಗಳನ್ನು ಪರಿಶೀಲಿಸಲಾಗುತ್ತಿದೆಯೆಂಬ ಪತ್ರಿಕಾ ವರದಿಯ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆಂದು ಗೊತ್ತಾಗಿದೆ.</p>.<p>99 ಆಪಾದನೆಗಳನ್ನು ಪರಿಶೀಲಿಸಲಾಗುತ್ತಿದೆಯೆಂದು ರೆಡ್ಡಿ ಅವರು ತಮ್ಮ ಇಲಾಖೆಗೆ ಸಂಬಂಧಿಸಿದ ಸಮಾಲೋಚನಾ ಸಮಿತಿಯಲ್ಲಿ ಹೇಳಿದರೆಂದು ವರದಿಯಾಗಿತ್ತು.</p>.<p>ಅರಸು ಅವರು ತಮ್ಮ ಪತ್ರದಲ್ಲಿ ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ ವೀರೇಂದ್ರ ಪಾಟೀಲರು ಪ್ರಧಾನಿಗೆ ಬರೆದ ಪತ್ರದಲ್ಲಿ ಮೂರು ನಿರ್ದಿಷ್ಟ ಆಪಾದನೆಗಳನ್ನು ಮಾತ್ರ ಪ್ರಸ್ತಾಪಿಸಲಾಗಿದ್ದು ಆ ಸಂಬಂಧದಲ್ಲಿ ಕೇಳಲಾದ ಎಲ್ಲ ವಿವರಣೆಗಳನ್ನೂ ಕೇಂದ್ರದ ಗೃಹಶಾಖೆಗೆ ಕಳುಹಿಸಿಕೊಡಲಾಗಿತ್ತೆಂದು ಹೇಳಿದ್ದಾರೆಂದು ತಿಳಿದುಬಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
