ಸೋಮವಾರ, ಆಗಸ್ಟ್ 8, 2022
22 °C

ಮಹಿಳೆಯ ಘನತೆಗೆ ಧಕ್ಕೆ ತರದಿರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

‘ಅಡುಗೆ, ಅಧಿಕಾರ, ಅಹಂಕಾರ’ ಎಂಬ ಡಾ. ಗೀತಾ ವಸಂತ ಅವರ ಲೇಖನ (ಪ್ರ.ವಾ., ಜೂನ್‌ 17) ಔಚಿತ್ಯ ಪೂರ್ಣವಾಗಿದೆ. ಹೆಣ್ಣಿಗೆ ಸಮಯವೆಂಬುದು ಎಷ್ಟು ಮರೀಚಿಕೆಯಾಗಿದೆ ಎಂಬುದು ಈ ಪುರುಷಪ್ರಾಬಲ್ಯದ ಸಮಾಜದಲ್ಲಿ ಯಾರಿಗೂ ತಿಳಿಯುವುದಿಲ್ಲ. ಮನೆಯ ಒಳಗೂ ಹೊರಗೂ ಅವಳು ಅವಳ ಸಮಯಕ್ಕಾಗಿ ಹಪಹಪಿಸುತ್ತಿರುತ್ತಾಳೆ. ಎಷ್ಟೇ ಓದಿಕೊಂಡು ಎಂತಹ ಉನ್ನತ ಹುದ್ದೆಯಲ್ಲಿದ್ದರೂ ಅವಳೊಬ್ಬಳು ಹೆಣ್ಣು ಎಂಬ ಒಂದೇ ಕಾರಣ ಸಾಕು ಈ ಸಮಾಜಕ್ಕೆ ಅವಳನ್ನು ಹೀಗಳೆಯಲು.

ಪುರುಷನಾಗಲೀ ಮಹಿಳೆಯಾಗಲೀ ಮನೆಯಿಲ್ಲದೆ ಬದುಕಲು ಸಾಧ್ಯವಿಲ್ಲ. ಇಲ್ಲಿ ಮನೆ ಪದ ನಿರ್ಜೀವ, ಆದರೆ ಆ ಮನೆಯೊಳಗೊಬ್ಬಳು ಹೆಣ್ಣು ಜೀವಿಸಿದರೆ ಮನೆ ಸದಾ ಜೀವಂತ. ಮನೆಯ ಒಳಗೂ ಹೊರಗೂ ಅವಳ ಕೆಲಸಗಳಿಗೆ ಸಹಾಯ ಮಾಡದಿದ್ದರೆ ಬೇಡ, ಕನಿಷ್ಠಪಕ್ಷ ಕುಹಕವಾಡದೆ ಅವಳನ್ನು ಬದುಕಲು ಬಿಟ್ಟರೆ ಸಾಕು ಎಂಬಂತಿದೆ ಈಗಿನ ಪರಿಸ್ಥಿತಿ. ನನ್ನಂತಹ ಉದ್ಯೋಗಸ್ಥ ಹೆಣ್ಣುಮಕ್ಕಳು ಇಂತಹ ಸಮಾಜದಲ್ಲಿ ಅಪರಾಧಿ ಪ್ರಜ್ಞೆಯಲ್ಲೇ ಬದುಕಬೇಕಾಗಿದೆ. ಮಹಿಳೆಯರ ಘನತೆಗೆ ಧಕ್ಕೆ ತರದಿದ್ದರೆ ಮಾತ್ರ ಈ ಸಮಾಜ ಘನತೆಗೆ ಬದ್ಧವಾಗಿರುತ್ತದೆ.

 - ಮಹಾಲಕ್ಷ್ಮಿ ಎಂ. ಕೃಷ್ಣಮೂರ್ತಿ, ಬೆಂಗಳೂರು

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು