ಸೆಸ್, ಸರ್‌ಚಾರ್ಜ್‌ಗಳಲ್ಲಿ ರಾಜ್ಯಗಳಿಗೂ ಪಾಲಿರಲಿ!

ಈ ರೆವಿನ್ಯೂವನ್ನು 15ನೆಯ ಹಣಕಾಸು ಆಯೋಗದ ಸೂತ್ರದ ಪ್ರಕಾರ (ಶೇ 41) ರಾಜ್ಯಗಳಿಗೆ ಹಂಚಿದ್ದರೆ ಅವುಗಳಿಗೆ ₹ 1,53,533 ಕೋಟಿಯಷ್ಟು ದೊರೆಯುತ್ತಿತ್ತು. ನಮ್ಮ ದೇಶದ 14 ಮತ್ತು 15ನೆಯ ಹಣಕಾಸು ಆಯೋಗಗಳು ಈ ತೆರಿಗೆಗಳನ್ನು ‘ಹಂಚಿಕೊಳ್ಳುವ ತೆರಿಗೆ ರಾಶಿ’ಯ ಭಾಗವನ್ನಾಗಿ ಮಾಡಬೇಕೆಂದು ಶಿಫಾರಸು ಮಾಡಿವೆ. ಆದ್ದರಿಂದ ಬರುವ ಫೆಬ್ರುವರಿ 1ರಂದು ಮಂಡನೆಯಾಗುವ 2022-23ರ ಬಜೆಟ್ಟಿನಲ್ಲಿ ಸೆಸ್ ಮತ್ತು ಸರ್‌ ಚಾರ್ಜ್‌ಗಳ ರೆವಿನ್ಯೂವನ್ನು ರಾಜ್ಯಗಳ ಜೊತೆ ಹಂಚಿಕೊಳ್ಳುವುದಕ್ಕೆ ಕ್ರಮ ತೆಗೆದುಕೊಳ್ಳಬೇಕು. ಇದರಿಂದ ನಮ್ಮ ಸಂವಿಧಾನಾತ್ಮಕ ಒಕ್ಕೂಟ ವ್ಯವಸ್ಥೆಗೆ ಒಂದು ಅರ್ಥ ಬರುತ್ತದೆ ಮತ್ತು ಅದರ ಮಹತ್ವ ಹೆಚ್ಚುತ್ತದೆ.

- ಟಿ.ಆರ್.ಚಂದ್ರಶೇಖರ,ಬೆಂಗಳೂರು