ಮಾದರಿ ಪಠ್ಯಕ್ರಮ: ಸಕಾರಾತ್ಮಕ ಚರ್ಚೆಯಾಗಲಿ

ಉನ್ನತ ಶಿಕ್ಷಣದಲ್ಲಿ ಏಕರೂಪ ಪಠ್ಯಕ್ರಮವನ್ನು ಜಾರಿಗೊಳಿಸಲು ನಿರ್ಧರಿಸಿದ್ದನ್ನು ನಾನು ಜೂನ್ ಒಂದರಂದು ‘ಪ್ರಜಾವಾಣಿ’ಯಲ್ಲಿ ಬರೆದ ಲೇಖನದಲ್ಲಿ ಪ್ರಸ್ತಾಪಿಸಿ ವಿರೋಧಿಸಿದ್ದೆ. ಆನಂತರ ಕೆಲವು ವಿಶ್ರಾಂತ ಕುಲಪತಿಗಳೂ ಸೇರಿದಂತೆ ಅನೇಕರು ಏಕರೂಪ ಪಠ್ಯಕ್ರಮ ಜಾರಿಯ ನಿರ್ಧಾರವನ್ನು ವಿರೋಧಿಸಿದರು. ಉನ್ನತ ಶಿಕ್ಷಣ ಪರಿಷತ್ತಿನ ಕಾರ್ಯನಿರ್ವಾಹಕ ನಿರ್ದೇಶಕರು ಜೂನ್ 23ರಂದು ‘ಪ್ರಜಾವಾಣಿ’ಯಲ್ಲೇ ಕೆಲವು ಸ್ಪಷ್ಟನೆ ನೀಡಿದರು. ಆದರೆ ಅವರ ಸ್ಪಷ್ಟನೆಯ ಕೆಲವು ವೈರುಧ್ಯಗಳನ್ನು ಪ್ರಸ್ತಾಪಿಸಿ, ಸ್ಪಷ್ಟ ಸುತ್ತೋಲೆ ಹೊರಡಿಸಬೇಕೆಂದು ಜೂನ್ 25ರಂದು ಬರೆದೆ.