ಪಂತ್ ದಿಟ್ಟತನ ‘ಅದ್ಭುತ ರೂಪಕ’ ಎನ್ನುತ್ತಲೇ ಬದಲೀ ಆಟಗಾರ ನಿಯಮ ಪ್ರಶ್ನಿಸಿದ ವಾನ್

ಲಂಡನ್ : ಕಾಲುಬೆರಳು ಮುರಿದ ನೋವಿನಲ್ಲಿಯೂ ಬ್ಯಾಟಿಂಗ್ ಮಾಡಿ ದಿಟ್ಟತನ ತೋರಿದ ಭಾರತದ ರಿಷಭ್ ಪಂತ್ ಆಟವನ್ನು ‘ಅದ್ಭುತ ರೂಪಕ’ ಎಂದು ಬಣ್ಣಿಸಿರುವ ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಮೈಕೆಲ್ ವಾನ್ ಅವರು, ವೈದ್ಯಕೀಯ ಕಾರಣಕ್ಕಾಗಿ ಬದಲೀ ಆಟಗಾರರನ್ನು ಒದಗಿಸುವಲ್ಲಿ ಕ್ರಿಕೆಟ್ ಇನ್ನೂ ‘ಕತ್ತಲೆ ಯುಗ’ದಲ್ಲಿದೆ ಎಂದೂ ಕಿಡಿಕಾರಿದ್ದಾರೆ.

. ‘ಕ್ರಿಕೆಟ್ನಲ್ಲಿ ಆಟಗಾರರು ಗಾಯಗೊಳ್ಳುವುದು ಸಹಜ. ಇಂತಹ ಸಂದರ್ಭಗಳಲ್ಲಿ ಬದಲೀ ಆಟಗಾರರನ್ನು ನೀಡಬೇಕು ಎಂದು ಹಲವಾರು ವರ್ಷಗಳಿಂದ ಪ್ರತಿಪಾದಿಸುತ್ತಲೇ ಬಂದಿದ್ದೇನೆ. ಓಲ್ಡ್ ಟ್ರಾಫರ್ಡ್ನಲ್ಲಿ ರಿಷಭ್ ಪಂತ್ ಅವರ ಪ್ರಕರಣವೂ ಇದಕ್ಕೊಂದು ಉತ್ತಮ ಉದಾಹರಣೆಯಾಗಿದೆ’ ಎಂದು ವಾನ್ ಅವರು, ‘ದಿ ಟೆಲಿಗ್ರಾಫ್’ಗೆ ಬರೆದ ಅಂಕಣದಲ್ಲಿ ಉಲ್ಲೇಖಿಸಿದ್ದಾರೆ.

. ‘ಪಂತ್ ತಮ್ಮ ಗಾಯದ ನೋವು ನುಂಗಿ ಕ್ರೀಸ್ಗೆ ಬಂದು ಆಡಿದ್ದು ಪ್ರೇರಣಾದಾಯಿಯಾಗಿತ್ತು. ಅವರ ದಿಟ್ಟತನ ಅಸಾಧಾರಣವಾದುದು. 28 ಎಸೆತಗಳಲ್ಲಿ 17 ರನ್ಗಳನ್ನು ಗಳಿಸಿದ ಅವರ ಕೌಶಲ ಅದ್ಭುತ. ಆದರೆ ಅವರು ಬ್ಯಾಟಿಂಗ್ ಮಾಡುವಷ್ಟು ಫಿಟ್ ಆಗಿರಲಿಲ್ಲ. ಅವರಿಂದ ಓಡುವುದು ಸಾಧ್ಯವಿರಲಿಲ್ಲ. ಅದನ್ನೂ ಮೀರಿಯೂ ಅವರು ಓಡುವ ಪ್ರಯತ್ನ ಮಾಡಿದ್ದರೆ ಗಾಯ ಉಲ್ಬಣಿಸುವ ಸಾಧ್ಯತೆಗಳು ಹೆಚ್ಚಿದ್ದವು’ ಎಂದು ವಾನ್ ಹೇಳಿದರು.

. ಇಂಗ್ಲೆಂಡ್ ಎದುರಿನ ನಾಲ್ಕನೇ ಟೆಸ್ಟ್ ಪಂದ್ಯದ ಮೊದಲ ದಿನ ರಿಷಭ್ ಅವರು 37 ರನ್ ಗಳಿಸಿದ್ದ ಸಂದರ್ಭದಲ್ಲಿ ಕ್ರಿಸ್ ವೋಕ್ಸ್ ಅವರ ಯಾರ್ಕರ್ ಎಸೆತವೊಂದರಲ್ಲಿ ಗಾಯಗೊಂಡಿದ್ದರು. ಅವರ ಬಲಗಾಲಿನ ಬೆರಳಿಗೆ ಚೆಂಡು ಬಡಿದು, ರಕ್ತ ಜಿನುಗಿತ್ತು. ಕಾಲು ಬಾವು ಬಂದಿತ್ತು. ಅವರು ‘ಗಾಯಗೊಂಡು ನಿವೃತ್ತಿ’ಯಾಗಿ ಪೆವಿಲಿಯನ್ಗೆ ಮರಳಿದ್ದರು. ಆದರೆ ಎರಡನೇ ದಿನ ಮತ್ತೆ ಕ್ರೀಸ್ಗೆ ಬಂದು ಬ್ಯಾಟಿಂಗ್ ಮುಂದುವರಿಸಿದರು. ಟೆಸ್ಟ್ ಕ್ರಿಕೆಟ್ನಲ್ಲಿ 18ನೇ ಅರ್ಧಶತಕ ದಾಖಲಿಸಿದರು. ಆದರೆ ವಿಕೆಟ್ಕೀಪಿಂಗ್ಗೆ ಬರಲು ಅವರಿಗೆ ಸಾಧ್ಯವಾಗಲಿಲ್ಲ. ಅವರ ಬದಲಿಗೆ ಧ್ರುವ ಜುರೇಲ್ ಕೀಪಿಂಗ್ ನಿರ್ವಹಿಸಿದರು.

. ‘ಪಂತ್ ಅವರ ವಿಷಯದಲ್ಲಿ ಕೀಪಿಂಗ್ ಮಾಡಲು ಮಾತ್ರ ಬದಲಿ ಆಟಗಾರನಿಗೆ ಅವಕಾಶ ನೀಡಲಾಗಿದೆ. ಆದರೆ ಬ್ಯಾಟರ್ ಅಥವಾ ಬೌಲರ್ಗೆ ಇಂತಹ ಅವಕಾಶ ಇಲ್ಲ. ತಂಡಗಳ ಕ್ರೀಡೆಗಳ ಪೈಕಿ ಕ್ರಿಕೆಟ್ನಲ್ಲಿ ಮಾತ್ರ ಇಂತಹ ಪದ್ಧತಿ ಇರುವುದು ವಿಪರ್ಯಾಸ. ಆದ್ದರಿಂದಲೇ ಈ ಆಟ ಇನ್ನೂ ಕಗ್ಗತ್ತಲ ಕಾಲದಲ್ಲಿದೆ’ ಎಂದು ವ್ಯಂಗ್ಯವಾಡಿದರು.

.ಗಾಯದೊಂದಿಗೆ ‘ಆಟ’ವಾಡುವುದೇ ಪಂತ್ ಶೈಲಿ!.ಟೆಸ್ಟ್ನಲ್ಲಿ ಹೆಚ್ಚು ರನ್ | 2ನೇ ಸ್ಥಾನಕ್ಕೇರಿದ ರೂಟ್: ಸಚಿನ್ ದಾಖಲೆಗೆ ಆಪತ್ತು!. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಂತ್ ದಿಟ್ಟತನ ‘ಅದ್ಭುತ ರೂಪಕ’ ಎನ್ನುತ್ತಲೇ ಬದಲೀ ಆಟಗಾರ ನಿಯಮ ಪ್ರಶ್ನಿಸಿದ ವಾನ್

ಅತ್ಯಾಚಾರ ಪ್ರಕರಣ ‌| ಪ್ರಜ್ವಲ್ ರೇವಣ್ಣ ಕೈದಿ ನಂ.15528; ದಿನಕ್ಕೆ ₹524 ಕೂಲಿ

ಪ್ರಜ್ವಲ್ ರೇವಣ್ಣ ಪ್ರಕರಣವನ್ನು ರಾಜಕೀಯ ದೃಷ್ಟಿಯಿಂದ ನೋಡಲೇಬಾರದು: ಪರಮೇಶ್ವರ

ಚಿನಕುರುಳಿ Cartoon: 03 ಆಗಸ್ಟ್ 2025

ಪ್ರಜ್ವಲ್‌ ಪ್ರಕರಣ: ಕಲ್ಲು ಬಂಡೆಯಂತೆ ನಿಂತ ಸಂತ್ರಸ್ತೆ; ತನಿಖಾ ತಂಡ

'ಮ್ಯಾಜಿಕ್ ಬಾಲ್'ಎಸೆಯುವ ಸಾಮರ್ಥ್ಯ;ಕನ್ನಡಿಗ ಪ್ರಸಿದ್ಧಗೆ ಬೌಲಿಂಗ್ ಕೋಚ್ ಪ್ರಶಂಸೆ

ಮೊಹಮ್ಮದ್ ಸಿರಾಜ್ ನೈಜ ಹೋರಾಟಗಾರ, ತಮ್ಮ ಸರ್ವಸ್ವವನ್ನು ಅರ್ಪಿಸುತ್ತಾರೆ: ರೂಟ್

Joe Root: 39ನೇ ಟೆಸ್ಟ್ ಶತಕ;ಸಂಗಕ್ಕರ ಹಿಂದಿಕ್ಕಿದ ರೂಟ್‌ 4ನೇ ಸ್ಥಾನಕ್ಕೆ ಬಡ್ತಿ

IND vs ENG 5th Test: ಮೂವತ್ತೈದು ರನ್‌ಗಳ ಸುತ್ತ; ಕೌತುಕದ ಹುತ್ತ!

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಅತ್ಯಾಚಾರ ಪ್ರಕರಣ ‌| ಪ್ರಜ್ವಲ್ ರೇವಣ್ಣ ಕೈದಿ ನಂ.15528; ದಿನಕ್ಕೆ ₹524 ಕೂಲಿ

ಪ್ರಜ್ವಲ್ ರೇವಣ್ಣ ಪ್ರಕರಣವನ್ನು ರಾಜಕೀಯ ದೃಷ್ಟಿಯಿಂದ ನೋಡಲೇಬಾರದು: ಪರಮೇಶ್ವರ

ಚಿನಕುರುಳಿ Cartoon: 03 ಆಗಸ್ಟ್ 2025

ಪ್ರಜ್ವಲ್‌ ಪ್ರಕರಣ: ಕಲ್ಲು ಬಂಡೆಯಂತೆ ನಿಂತ ಸಂತ್ರಸ್ತೆ; ತನಿಖಾ ತಂಡ