<p><strong>ಪುಣೆ:</strong> ಆ್ಯಂಡ್ರೆ ರಸೆಲ್ ಆಲ್‌ರೌಂಡ್ ಆಟದ (ಅಜೇಯ 49 ಹಾಗೂ 3 ವಿಕೆಟ್) ನೆರವಿನಿಂದ ಕೋಲ್ಕತ್ತ ನೈಟ್ ರೈಡರ್ಸ್ ತಂಡವು ಐಪಿಎಲ್ 2022 ಟೂರ್ನಿಯಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ 54 ರನ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ.</p>.<p>ಪುಣೆಯಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್, ಆ್ಯಂಡ್ರೆ ರಸೆಲ್ (49*) ಅಮೋಘ ಆಟದ ನೆರವಿನಿಂದ ಆರು ವಿಕೆಟ್ ನಷ್ಟಕ್ಕೆ 177 ರನ್ ಪೇರಿಸಿತ್ತು.</p>.<p>ಬಳಿಕ ರಸೆಲ್ ಸೇರಿದಂತೆ ಕೆಕೆಆರ್ ಬೌಲರ್ಗಳ ದಾಳಿಗೆ ತತ್ತರಿಸಿದ ಹೈದರಾಬಾದ್, ಎಂಟು ವಿಕೆಟ್ ನಷ್ಟಕ್ಕೆ 123 ರನ್ ಗಳಿಸಲಷ್ಟೇ ಶಕ್ತವಾಯಿತು.</p>.<p>ಇದರೊಂದಿಗೆ ಕೆಕೆಆರ್, 13 ಪಂದ್ಯಗಳಲ್ಲಿ ಆರನೇ ಗೆಲುವು ದಾಖಲಿಸಿದ್ದು, ಒಟ್ಟು 12 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಆರನೇ ಸ್ಥಾನಕ್ಕೆ ಲಗ್ಗೆಯಿಟ್ಟಿದೆ. ಅಲ್ಲದೆ ಪ್ಲೇ-ಆಫ್ ಕನಸನ್ನು ಜೀವಂತವಾಗಿರಿಸಿದೆ.</p>.<p>ಅತ್ತ ಹೈದರಾಬಾದ್, 12 ಪಂದ್ಯಗಳಲ್ಲಿ ಏಳನೇ ಸೋಲಿಗೆ ಶರಣಾಗಿದ್ದು, ಎಂಟನೇ ಸ್ಥಾನದಲ್ಲಿದೆ. </p>.<p>ಸವಾಲಿನ ಮೊತ್ತ ಬೆನ್ನಟ್ಟಿದ ಹೈದರಾಬಾದ್ಗೆ ಅಭಿಷೇಕ್ ಶರ್ಮಾ ಉತ್ತಮ ಆರಂಭವೊದಗಿಸಿದರು. ಈ ನಡುವೆ ನಾಯಕ ಕೇನ್ ವಿಲಿಯಮ್ಸನ್ (9) ಹಾಗೂ ತ್ರಿಪಾಠಿ (9) ವಿಕೆಟ್ ನಷ್ಟವಾಯಿತು.</p>.<p>ಅತ್ತ ಬಿರುಸಿನ ಬ್ಯಾಟಿಂಗ್ ಮಾಡಿದ ಅಭಿಷೇಕ್, ಅರ್ಧಶತಕದ ಅಂಚಿನಲ್ಲಿ ಎಡವಿದರು. 28 ಎಸೆತಗಳನ್ನು ಎದುರಿಸಿದ ಅಭಿಷೇಕ್ ನಾಲ್ಕು ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 43 ರನ್ ಗಳಿಸಿದರು.</p>.<p>ನಿಕೋಲಸ್ ಪೂರನ್ (2) ವೈಫಲ್ಯ ಅನುಭವಿಸಿದರು. ಈ ಮಧ್ಯೆ ಏಡನ್ ಮಾರ್ಕರಮ್ ಸಹ 32 ರನ್ಗಳ ಕಾಣಿಕೆ ನೀಡಿದರು.</p>.<p>ಆದರೆ ನಿಯತವಾಗಿ ವಿಕೆಟ್ ಕಳೆದುಕೊಂಡಿರುವುದು ಹಿನ್ನಡೆಗೆ ಕಾರಣವಾಯಿತು. ಪರಿಣಾಮ 14.4 ಓವರ್ಗಳಲ್ಲಿ 99 ರನ್ನಿಗೆ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.</p>.<p>ಇಲ್ಲಿಂದ ಬಳಿಕ ಎಸ್ಆರ್ಎಚ್ ಚೇತರಿಸಿಕೊಳ್ಳಲೇ ಇಲ್ಲ. ಅಂತಿಮವಾಗಿ ಎಂಟು ವಿಕೆಟ್ ನಷ್ಟಕ್ಕೆ 123 ರನ್ ಗಳಿಸಲಷ್ಟೇ ಶಕ್ತವಾಯಿತು.</p>.<p>ಕೆಕೆಆರ್ ಪರ ರಸೆಲ್ 22 ರನ್ ತೆತ್ತು ಮೂರು ವಿಕೆಟ್ ಕಿತ್ತು ಮಿಂಚಿದರು.</p>.<p><strong>ರಸೆಲ್ ಅಬ್ಬರ; ಕೆಕೆಆರ್ ಸವಾಲಿನ ಮೊತ್ತ...</strong></p>.<p>ಈ ಮೊದಲು ಆ್ಯಂಡ್ರೆ ರಸೆಲ್ ಉಪಯುಕ್ತ ಬ್ಯಾಟಿಂಗ್ (49*) ನೆರವಿನಿಂದ ಕೋಲ್ಕತ್ತ ನೈಟ್ ರೈಡರ್ಸ್ ತಂಡವು ಆರುವಿಕೆಟ್ ನಷ್ಟಕ್ಕೆ 177ರನ್ ಗಳಿಸಿತು. </p>.<p>ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್‌ಗೆ ಆರಂಭದಲ್ಲೇ ಆಘಾತ ಎದುರಾಗಿತ್ತು. ವೆಂಕಟೇಶ್ ಅಯ್ಯರ್ (7) ಬೇಗನೇ ನಿರ್ಗಮಿಸಿದರು.</p>.<p>ಅಜಿಂಕ್ಯ ರಹಾನೆ (28) ಹಾಗೂ ನಿತೀಶ್ ರಾಣಾ (26) ಉಪಯುಕ್ತ ಇನ್ನಿಂಗ್ಸ್ ಕಟ್ಟಿದರು.</p>.<p>ಈ ನಡುವೆ ನಿಖರ ದಾಳಿ ಸಂಘಟಿಸಿದ ಉಮ್ರಾನ್ ಮಲಿಕ್, ಕೆಕೆಆರ್‌ಗೆ ಪೆಟ್ಟು ಕೊಟ್ಟರು. ನಾಯಕ ಶ್ರೇಯಸ್ ಅಯ್ಯರ್ (15) ಹಾಗೂ ರಿಂಕು ಸಿಂಗ್ (5) ಪತನದೊಂದಿಗೆ 11.3 ಓವರ್ಗಳಲ್ಲಿ 94 ರನ್ನಿಗೆ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.</p>.<p>ಕೆಕೆಆರ್ ಇನ್ನಿಂಗ್ಸ್ನ ದ್ವಿತೀಯಾರ್ಧದಲ್ಲಿ ಮಹತ್ವದ ಅರ್ಧಶತಕದ ಜೊತೆಯಾಟ ಕಟ್ಟಿದ ಆ್ಯಂಡ್ರೆ ರಸೆಲ್ ಹಾಗೂ ಸ್ಯಾಮ್ ಬಿಲ್ಲಿಂಗ್ಸ್, ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು.</p>.<p>ಈ ನಡುವೆ ರಸೆಲ್ ಐಪಿಎಲ್ನಲ್ಲಿ 2000 ರನ್ ಸಾಧನೆ ಮಾಡಿದರು. ಇನ್ನಿಂಗ್ಸ್ನ ಕೊನೆಯ ಓವರ್ನಲ್ಲಿ ಮೂರು ಸಿಕ್ಸರ್ ಸಿಡಿಸಿದ ರಸೆಲ್, 28 ಎಸೆತಗಳಲ್ಲಿ 49 ರನ್ (4 ಸಿಕ್ಸರ್, 3 ಬೌಂಡರಿ) ಗಳಿಸಿ ಔಟಾಗದೆ ಉಳಿದರು.</p>.<p>ಈ ಮೂಲಕಕೆಕೆಆರ್ ಆರು ವಿಕೆಟ್ ನಷ್ಟಕ್ಕೆ 177 ರನ್ ಗಳಿಸಿತು.ಅವರಿಗೆ ತಕ್ಕ ಸಾಥ್ ನೀಡಿದ ಸ್ಯಾಮ್ 34 ರನ್ ಗಳಿಸಿದರು.</p>.<p>ಹೈದರಾಬಾದ್ ಪರ ಉಮ್ರಾನ್ ಮಲಿಕ್, 33 ರನ್ ತೆತ್ತು ಮೂರು ವಿಕೆಟ್ ಕಬಳಿಸಿದರು. <br /></p>.<p><strong>ಟಾಸ್ ಗೆದ್ದ ಕೆಕೆಆರ್ ಬ್ಯಾಟಿಂಗ್...</strong></p>.<p>ಈ ಮೊದಲು ಟಾಸ್ ಗೆದ್ದಕೋಲ್ಕತ್ತ ನೈಟ್ ರೈಡರ್ಸ್ ನಾಯಕ ಶ್ರೇಯಸ್ ಅಯ್ಯರ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡರು.</p>.<p>ಪ್ಲೇ-ಆಫ್ ಪ್ರವೇಶದ ಹಾದಿಯಲ್ಲಿ ಇತ್ತಂಡಗಳ ಪಾಲಿಗೂ ಈ ಪಂದ್ಯ ನಿರ್ಣಾಯಕವೆನಿಸಿದೆ. ಗೆದ್ದರೆ ಪ್ಲೇ-ಆಫ್ ಕನಸು ಜೀವಂತವಾಗಿರಿಸಲಿದೆ. ಸೋತರೆ ಕನಸು ಬಹುತೇಕ ಅಸ್ತಮಿಸಲಿದೆ.</p>.<p>ಹೈದರಾಬಾದ್ ಇದುವರೆಗೆ ಆಡಿರುವ 11 ಪಂದ್ಯಗಳಲ್ಲಿ ಐದು ಗೆಲುವಿನೊಂದಿಗೆ 10 ಅಂಕ ಗಳಿಸಿದ್ದು, ಅಂಕಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದೆ.</p>.<p>ಅತ್ತ ಎಂಟನೇ ಸ್ಥಾನದಲ್ಲಿರುವ ಕೆಕೆಆರ್, 12 ಪಂದ್ಯಗಳಲ್ಲಿ ಐದು ಗೆಲುವಿನೊಂದಿಗೆ 10 ಅಂಕ ಗಳಿಸಿದೆ.</p>.<p>ಎಲ್ಲ 14 ಪಂದ್ಯಗಳ ಬಳಿಕ ಅಗ್ರ ನಾಲ್ಕು ಸ್ಥಾನಗಳನ್ನು ಪಡೆದ ತಂಡಗಳು ಪ್ಲೇ-ಆಫ್ ಹಂತಕ್ಕೆ ಪ್ರವೇಶಿಸಲಿವೆ.<br /><br /><strong>ಹನ್ನೊಂದರ ಬಳಗ:</strong><br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪುಣೆ:</strong> ಆ್ಯಂಡ್ರೆ ರಸೆಲ್ ಆಲ್‌ರೌಂಡ್ ಆಟದ (ಅಜೇಯ 49 ಹಾಗೂ 3 ವಿಕೆಟ್) ನೆರವಿನಿಂದ ಕೋಲ್ಕತ್ತ ನೈಟ್ ರೈಡರ್ಸ್ ತಂಡವು ಐಪಿಎಲ್ 2022 ಟೂರ್ನಿಯಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ 54 ರನ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ.</p>.<p>ಪುಣೆಯಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್, ಆ್ಯಂಡ್ರೆ ರಸೆಲ್ (49*) ಅಮೋಘ ಆಟದ ನೆರವಿನಿಂದ ಆರು ವಿಕೆಟ್ ನಷ್ಟಕ್ಕೆ 177 ರನ್ ಪೇರಿಸಿತ್ತು.</p>.<p>ಬಳಿಕ ರಸೆಲ್ ಸೇರಿದಂತೆ ಕೆಕೆಆರ್ ಬೌಲರ್ಗಳ ದಾಳಿಗೆ ತತ್ತರಿಸಿದ ಹೈದರಾಬಾದ್, ಎಂಟು ವಿಕೆಟ್ ನಷ್ಟಕ್ಕೆ 123 ರನ್ ಗಳಿಸಲಷ್ಟೇ ಶಕ್ತವಾಯಿತು.</p>.<p>ಇದರೊಂದಿಗೆ ಕೆಕೆಆರ್, 13 ಪಂದ್ಯಗಳಲ್ಲಿ ಆರನೇ ಗೆಲುವು ದಾಖಲಿಸಿದ್ದು, ಒಟ್ಟು 12 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಆರನೇ ಸ್ಥಾನಕ್ಕೆ ಲಗ್ಗೆಯಿಟ್ಟಿದೆ. ಅಲ್ಲದೆ ಪ್ಲೇ-ಆಫ್ ಕನಸನ್ನು ಜೀವಂತವಾಗಿರಿಸಿದೆ.</p>.<p>ಅತ್ತ ಹೈದರಾಬಾದ್, 12 ಪಂದ್ಯಗಳಲ್ಲಿ ಏಳನೇ ಸೋಲಿಗೆ ಶರಣಾಗಿದ್ದು, ಎಂಟನೇ ಸ್ಥಾನದಲ್ಲಿದೆ. </p>.<p>ಸವಾಲಿನ ಮೊತ್ತ ಬೆನ್ನಟ್ಟಿದ ಹೈದರಾಬಾದ್ಗೆ ಅಭಿಷೇಕ್ ಶರ್ಮಾ ಉತ್ತಮ ಆರಂಭವೊದಗಿಸಿದರು. ಈ ನಡುವೆ ನಾಯಕ ಕೇನ್ ವಿಲಿಯಮ್ಸನ್ (9) ಹಾಗೂ ತ್ರಿಪಾಠಿ (9) ವಿಕೆಟ್ ನಷ್ಟವಾಯಿತು.</p>.<p>ಅತ್ತ ಬಿರುಸಿನ ಬ್ಯಾಟಿಂಗ್ ಮಾಡಿದ ಅಭಿಷೇಕ್, ಅರ್ಧಶತಕದ ಅಂಚಿನಲ್ಲಿ ಎಡವಿದರು. 28 ಎಸೆತಗಳನ್ನು ಎದುರಿಸಿದ ಅಭಿಷೇಕ್ ನಾಲ್ಕು ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 43 ರನ್ ಗಳಿಸಿದರು.</p>.<p>ನಿಕೋಲಸ್ ಪೂರನ್ (2) ವೈಫಲ್ಯ ಅನುಭವಿಸಿದರು. ಈ ಮಧ್ಯೆ ಏಡನ್ ಮಾರ್ಕರಮ್ ಸಹ 32 ರನ್ಗಳ ಕಾಣಿಕೆ ನೀಡಿದರು.</p>.<p>ಆದರೆ ನಿಯತವಾಗಿ ವಿಕೆಟ್ ಕಳೆದುಕೊಂಡಿರುವುದು ಹಿನ್ನಡೆಗೆ ಕಾರಣವಾಯಿತು. ಪರಿಣಾಮ 14.4 ಓವರ್ಗಳಲ್ಲಿ 99 ರನ್ನಿಗೆ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.</p>.<p>ಇಲ್ಲಿಂದ ಬಳಿಕ ಎಸ್ಆರ್ಎಚ್ ಚೇತರಿಸಿಕೊಳ್ಳಲೇ ಇಲ್ಲ. ಅಂತಿಮವಾಗಿ ಎಂಟು ವಿಕೆಟ್ ನಷ್ಟಕ್ಕೆ 123 ರನ್ ಗಳಿಸಲಷ್ಟೇ ಶಕ್ತವಾಯಿತು.</p>.<p>ಕೆಕೆಆರ್ ಪರ ರಸೆಲ್ 22 ರನ್ ತೆತ್ತು ಮೂರು ವಿಕೆಟ್ ಕಿತ್ತು ಮಿಂಚಿದರು.</p>.<p><strong>ರಸೆಲ್ ಅಬ್ಬರ; ಕೆಕೆಆರ್ ಸವಾಲಿನ ಮೊತ್ತ...</strong></p>.<p>ಈ ಮೊದಲು ಆ್ಯಂಡ್ರೆ ರಸೆಲ್ ಉಪಯುಕ್ತ ಬ್ಯಾಟಿಂಗ್ (49*) ನೆರವಿನಿಂದ ಕೋಲ್ಕತ್ತ ನೈಟ್ ರೈಡರ್ಸ್ ತಂಡವು ಆರುವಿಕೆಟ್ ನಷ್ಟಕ್ಕೆ 177ರನ್ ಗಳಿಸಿತು. </p>.<p>ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್‌ಗೆ ಆರಂಭದಲ್ಲೇ ಆಘಾತ ಎದುರಾಗಿತ್ತು. ವೆಂಕಟೇಶ್ ಅಯ್ಯರ್ (7) ಬೇಗನೇ ನಿರ್ಗಮಿಸಿದರು.</p>.<p>ಅಜಿಂಕ್ಯ ರಹಾನೆ (28) ಹಾಗೂ ನಿತೀಶ್ ರಾಣಾ (26) ಉಪಯುಕ್ತ ಇನ್ನಿಂಗ್ಸ್ ಕಟ್ಟಿದರು.</p>.<p>ಈ ನಡುವೆ ನಿಖರ ದಾಳಿ ಸಂಘಟಿಸಿದ ಉಮ್ರಾನ್ ಮಲಿಕ್, ಕೆಕೆಆರ್‌ಗೆ ಪೆಟ್ಟು ಕೊಟ್ಟರು. ನಾಯಕ ಶ್ರೇಯಸ್ ಅಯ್ಯರ್ (15) ಹಾಗೂ ರಿಂಕು ಸಿಂಗ್ (5) ಪತನದೊಂದಿಗೆ 11.3 ಓವರ್ಗಳಲ್ಲಿ 94 ರನ್ನಿಗೆ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.</p>.<p>ಕೆಕೆಆರ್ ಇನ್ನಿಂಗ್ಸ್ನ ದ್ವಿತೀಯಾರ್ಧದಲ್ಲಿ ಮಹತ್ವದ ಅರ್ಧಶತಕದ ಜೊತೆಯಾಟ ಕಟ್ಟಿದ ಆ್ಯಂಡ್ರೆ ರಸೆಲ್ ಹಾಗೂ ಸ್ಯಾಮ್ ಬಿಲ್ಲಿಂಗ್ಸ್, ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು.</p>.<p>ಈ ನಡುವೆ ರಸೆಲ್ ಐಪಿಎಲ್ನಲ್ಲಿ 2000 ರನ್ ಸಾಧನೆ ಮಾಡಿದರು. ಇನ್ನಿಂಗ್ಸ್ನ ಕೊನೆಯ ಓವರ್ನಲ್ಲಿ ಮೂರು ಸಿಕ್ಸರ್ ಸಿಡಿಸಿದ ರಸೆಲ್, 28 ಎಸೆತಗಳಲ್ಲಿ 49 ರನ್ (4 ಸಿಕ್ಸರ್, 3 ಬೌಂಡರಿ) ಗಳಿಸಿ ಔಟಾಗದೆ ಉಳಿದರು.</p>.<p>ಈ ಮೂಲಕಕೆಕೆಆರ್ ಆರು ವಿಕೆಟ್ ನಷ್ಟಕ್ಕೆ 177 ರನ್ ಗಳಿಸಿತು.ಅವರಿಗೆ ತಕ್ಕ ಸಾಥ್ ನೀಡಿದ ಸ್ಯಾಮ್ 34 ರನ್ ಗಳಿಸಿದರು.</p>.<p>ಹೈದರಾಬಾದ್ ಪರ ಉಮ್ರಾನ್ ಮಲಿಕ್, 33 ರನ್ ತೆತ್ತು ಮೂರು ವಿಕೆಟ್ ಕಬಳಿಸಿದರು. <br /></p>.<p><strong>ಟಾಸ್ ಗೆದ್ದ ಕೆಕೆಆರ್ ಬ್ಯಾಟಿಂಗ್...</strong></p>.<p>ಈ ಮೊದಲು ಟಾಸ್ ಗೆದ್ದಕೋಲ್ಕತ್ತ ನೈಟ್ ರೈಡರ್ಸ್ ನಾಯಕ ಶ್ರೇಯಸ್ ಅಯ್ಯರ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡರು.</p>.<p>ಪ್ಲೇ-ಆಫ್ ಪ್ರವೇಶದ ಹಾದಿಯಲ್ಲಿ ಇತ್ತಂಡಗಳ ಪಾಲಿಗೂ ಈ ಪಂದ್ಯ ನಿರ್ಣಾಯಕವೆನಿಸಿದೆ. ಗೆದ್ದರೆ ಪ್ಲೇ-ಆಫ್ ಕನಸು ಜೀವಂತವಾಗಿರಿಸಲಿದೆ. ಸೋತರೆ ಕನಸು ಬಹುತೇಕ ಅಸ್ತಮಿಸಲಿದೆ.</p>.<p>ಹೈದರಾಬಾದ್ ಇದುವರೆಗೆ ಆಡಿರುವ 11 ಪಂದ್ಯಗಳಲ್ಲಿ ಐದು ಗೆಲುವಿನೊಂದಿಗೆ 10 ಅಂಕ ಗಳಿಸಿದ್ದು, ಅಂಕಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದೆ.</p>.<p>ಅತ್ತ ಎಂಟನೇ ಸ್ಥಾನದಲ್ಲಿರುವ ಕೆಕೆಆರ್, 12 ಪಂದ್ಯಗಳಲ್ಲಿ ಐದು ಗೆಲುವಿನೊಂದಿಗೆ 10 ಅಂಕ ಗಳಿಸಿದೆ.</p>.<p>ಎಲ್ಲ 14 ಪಂದ್ಯಗಳ ಬಳಿಕ ಅಗ್ರ ನಾಲ್ಕು ಸ್ಥಾನಗಳನ್ನು ಪಡೆದ ತಂಡಗಳು ಪ್ಲೇ-ಆಫ್ ಹಂತಕ್ಕೆ ಪ್ರವೇಶಿಸಲಿವೆ.<br /><br /><strong>ಹನ್ನೊಂದರ ಬಳಗ:</strong><br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
