IPL Cricket: ಹೊಸ ತಂಡಗಳಿಗೆ ಮೂಲಬೆಲೆಯ ಮೌಲ್ಯವರ್ಧನೆ ಖಚಿತ - ನೆಸ್ ವಾಡಿಯಾ

ನವದೆಹಲಿ: ಮುಂದಿನ ಬಾರಿಯ ಐಪಿಎಲ್ ಟೂರ್ನಿಗೆ ಸೇರ್ಪಡೆಗೊಳ್ಳಲಿರುವ ಎರಡು ಹೊಸ ತಂಡಗಳು ನಿಗದಿಯಾಗಿರುವ ಮೂಲಬೆಲೆಗಿಂತ ದುಪ್ಪಟ್ಟು ಮೌಲ್ಯಕ್ಕೆ ಹರಾಜಾಗುವ ಸಾಧ್ಯತೆ ಇದೆ ಎಂದು ಪಂಜಾಬ್ ಕಿಂಗ್ಸ್ ಫ್ರ್ಯಾಂಚೈಸಿಯ ಸಹಮಾಲೀಕ ನೆಸ್ ವಾಡಿಯಾ ಹೇಳಿದ್ದಾರೆ.

. ಮುಂದಿನ ವರ್ಷದ ಐಪಿಎಲ್ನಲ್ಲಿ 10 ತಂಡಗಳು ಕಣಕ್ಕಿಳಿಯಲಿವೆ. ಹೊಸ ಎರಡು ತಂಡಗಳನ್ನು ಇದೇ 25ರಂದು ಪ್ರಕಟಿಸಲಾಗುತ್ತಿದೆ. ತಂಡದ ಮೂಲಬೆಲೆಯನ್ನು ಎರಡು ಸಾವಿರ ಕೋಟಿ ರೂಪಾಯಿ ನಿಗದಿ ಮಾಡಲಾಗಿದೆ. ಫ್ರ್ಯಾಂಚೈಸಿಗಳ ಖರೀದಿಗಾಗಿ ಬಿಡ್ ನಡೆಯಲಿದೆ.

. ಈ ಕುರಿತು ಸುದ್ದಿಸಂಸ್ಥೆಗೆ ಪ್ರತಿಕ್ರಿಯಿಸಿರುವ ವಾಡಿಯಾ, ‘ಸದ್ಯ ಫ್ರ್ಯಾಂಚೈಸಿಯ ಮೂಲಬೆಲೆಯನ್ನು ಎರಡು ಸಾವಿರ ಕೋಟಿ ರೂಪಾಯಿ ಇದೆ. ಇದು ಸಾಂಪ್ರದಾಯಿಕವಾಗಿ ಇಟ್ಟಿರುವುದಾಗಿದೆ. ಆದರೆ, ಈ ಬೆಲೆಯು ಶೇ 50ರಿಂದ 100ರವರೆಗೂ ಬಿಡ್ನಲ್ಲಿ ಏರಿಕೆಯಾಗಬಹುದು. ಕನಿಷ್ಟ ಮೂರು ಸಾವಿರ ಕೋಟಿಗಿಂತ ಹೆಚ್ಚಿನ ಮೌಲ್ಯಕ್ಕೆ ಏರಬಹುದು’ ಎಂದಿದ್ದಾರೆ.

. ‘ಎರಡು ಹೊಸ ತಂಡಗಳ ಸೇರ್ಪಡೆಯಿಂದ ಯಾವುದೇ ತೊಂದರೆಯಿಲ್ಲ. ಒಳ್ಳೆಯ ಬೆಳವಣಿಗೆ ಇದು. ಐಪಿಎಲ್ ಎಂಬುದು ಅತ್ಯುತ್ಕ್ರಷ್ಠ ಮತ್ತು ಪ್ರತಿಷ್ಠಿತ ಉತ್ಪನ್ನವಾಗಿದೆ. ತಂಡಗಳ ಸಂಖ್ಯೆ ಹೆಚ್ಚುವುದರಿಂದ ಇಡೀ ಟೂರ್ನಿಯ ಮೌಲ್ಯವು ಏರಲಿದೆ. ಅಧಿಕೃತ ಪ್ರಸಾರಕರಿಗೆ ಇದರಿಂದ ಬಹಳ ಪ್ರಯೋಜನವಾಗಲಿದೆ’ ಎಂದು ವಾಡಿಯಾ ಅಭಿಪ್ರಾಯಪಟ್ಟಿದ್ಧಾರೆ.

. ‘ಬಿಸಿಸಿಐಗೆ ಐಪಿಎಲ್ ಆಭರಣವಿದ್ದಂತೆ. ಆದ್ದರಿಂದ ಅದರ ಮೌಲ್ಯ ಹೆಚ್ಚುತ್ತಲೇ ಇರುತ್ತದೆ. ಈ ಟೂರ್ನಿಯು ಕ್ರಿಕೆಟ್ನ ಸ್ಥಿರಾಸ್ತಿಯಾಗಿದ್ದು, ದಿನದಿಂದ ದಿನಕ್ಕೆ ಮೌಲ್ಯವರ್ಧನೆಯಾಗುತ್ತಿದೆ. ಅಷ್ಟೇ ಅಲ್ಲ. ಪ್ರತಿವರ್ಷ 250ರಿಂದ 300 ಕೋಟಿ ರೂಪಾಯಿ ಆದಾಯವೂ ಹರಿದು ಬರುತ್ತಿರುವುದು ಲಾಭದಾಯಕ’ ಎಂದಿದ್ದಾರೆ.

. ‘ಐಪಿಎಲ್ ನಲ್ಲಿರುವ ಫ್ರ್ಯಾಂಚೈಸಿಗಳ ಕೆಲವು ಮಾಲೀಕರು ತಮ್ಮ ವ್ಯಾಪ್ತಿಯನ್ನು ವಿಸ್ತರಿಸಿಕೊಳ್ಳುತ್ತಿದ್ದಾರೆ. ಕೆರಿಬಿಯನ್ ಪ್ರೀಮಿಯರ್ ಲೀಗ್ನಲ್ಲಿರುವ ಸೇಟ್ ಲೂಸಿಯಾ, ಟ್ರಿನಿಡಾಡ್, ಟೊಬ್ಯಾಗೊ ಮತ್ತು ಬಾರ್ಬಡಿಸ್ ತಂಡಗಳಲ್ಲಿ ಐಪಿ ಎಲ್ ತಂಡಗಳ ಮಾಲೀಕರ ಒಡೆತನದ್ದಾಗಿವೆ’ ಎಂದಿದ್ದಾರೆ. ಸೇಂಟ್ ಲೂಸಿಯಾ ತಂಡದ ಮಾಲೀಕತ್ವವನ್ನು ವಾಡಿಯಾ ಅವರ ಪಂಜಾಬ್ ಕಿಂಗ್ಸ್ ಹೊಂದಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

IPL Cricket: ಹೊಸ ತಂಡಗಳಿಗೆ ಮೂಲಬೆಲೆಯ ಮೌಲ್ಯವರ್ಧನೆ ಖಚಿತ - ನೆಸ್ ವಾಡಿಯಾ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ