<p><strong>ನಾರ್ತ್ ಸೌಂಡ್</strong>: ಪೂನಮ್ ರಾವುತ್ (77; 128ಎ, 4ಬೌಂ) ಅವರ ತಾಳ್ಮೆಯ ಅರ್ಧಶತಕ ಮತ್ತು ಸ್ಪಿನ್ನರ್ಗಳ ಶಿಸ್ತಿನ ದಾಳಿಯ ನೆರವಿನಿಂದ ಭಾರತ ಮಹಿಳಾ ತಂಡ ಐಸಿಸಿ ವಿಶ್ವ ಚಾಂಪಿಯನ್ಷಿಪ್ನ ಅಂಗವಾಗಿ ನಡೆಯುತ್ತಿರುವ ಏಕದಿನ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ 53ರನ್ಗಳಿಂದ ಆತಿಥೇಯ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿದೆ. ಇದರೊಂದಿಗೆ 3 ಪಂದ್ಯಗಳ ಸರಣಿಯಲ್ಲಿ 1–1 ಸಮಬಲ ಸಾಧಿಸಿದೆ.</p>.<p>ವಿವಿಯನ್ ರಿಚರ್ಡ್ಸ್ ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ 50 ಓವರ್ಗಳಲ್ಲಿ 6 ವಿಕೆಟ್ಗೆ 191ರನ್ ಪೇರಿಸಿತು.</p>.<p>ಸುಲಭ ಗುರಿ ಬೆನ್ನಟ್ಟಿದ ಆತಿಥೇಯರು, ರಾಜೇಶ್ವರಿ ಗಾಯಕವಾಡ (27ಕ್ಕೆ2), ಪೂನಮ್ ಯಾದವ್ (26ಕ್ಕೆ2) ಮತ್ತು ದೀಪ್ತಿ ಶರ್ಮಾ (25ಕ್ಕೆ2) ಅವರು ಬೀಸಿದ ಸ್ಪಿನ್ ಬಲೆಯೊಳಗೆ ಬಂದಿಯಾದರು. ಸ್ಟೆಫಾನಿ ಟೇಲರ್ ಬಳಗ 47.2 ಓವರ್ಗಳಲ್ಲಿ 138ರನ್ ಕಲೆಹಾಕಿ ಹೋರಾಟ ಮುಗಿಸಿತು.</p>.<p>ಶೆಮೈನ್ ಕ್ಯಾಂಪ್ಬೆಲ್ (39; 90ಎ, 2ಬೌಂ) ಮತ್ತು ನಾಯಕಿ ಸ್ಟೆಫಾನಿ (20; 31ಎ, 2ಬೌಂ) ಅವರನ್ನು ಬಿಟ್ಟು ಉಳಿದವರೆಲ್ಲಾ ಬೇಗನೆ ಪೆವಿಲಿಯನ್ ಸೇರಿಕೊಂಡರು.</p>.<p>ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ ಆರಂಭಿಕ ಸಂಕಷ್ಟ ಎದುರಿಸಿತು. ಪ್ರಿಯಾ ಪುನಿಯಾ (5) ಮತ್ತು ಜೆಮಿಮಾ ರಾಡ್ರಿಗಸ್ (0) ಬಂದಷ್ಟೇ ವೇಗವಾಗಿ ಪೆವಿಲಿಯನ್ನತ್ತ ಹೆಜ್ಜೆ ಹಾಕಿದರು.</p>.<p>ಪೂನಮ್ ಮತ್ತು ನಾಯಕಿ ಮಿಥಾಲಿ ರಾಜ್ (40; 67ಎ, 4ಬೌಂ) ಮೂರನೇ ವಿಕೆಟ್ ಪಾಲುದಾರಿಕೆಯಲ್ಲಿ 66 ರನ್ ಸೇರಿಸಿ ತಂಡದ ಮೇಲೆ ಆವರಿಸಿದ್ದ ಆತಂಕದ ಕಾರ್ಮೋಡವನ್ನು ದೂರ ಸರಿಸಿದರು.</p>.<p>29ನೇ ಓವರ್ನಲ್ಲಿ ಮಿಥಾಲಿ ಔಟಾದರು. ನಂತರ ಉಪನಾಯಕಿ ಹರ್ಮನ್ಪ್ರೀತ್ ಕೌರ್ (46; 52ಎ, 4ಬೌಂ) ಮತ್ತು ಪೂನಮ್ ಜವಾಬ್ದಾರಿಯುತ ಇನಿಂಗ್ಸ್ ಕಟ್ಟಿದರು. ಈ ಜೋಡಿ ನಾಲ್ಕನೇ ವಿಕೆಟ್ಗೆ 93ರನ್ ಸೇರಿಸಿ ತಂಡದ ಮೊತ್ತವನ್ನು 170ರ ಗಡಿ ದಾಟಿಸಿತು. ಎರಡು ರನ್ಗಳ ಅಂತರದಲ್ಲಿ ಇವರಿಬ್ಬರೂ ಔಟಾದರು. ನಂತರ ತಂಡದ ರನ್ ವೇಗ ಕುಂಠಿತವಾಯಿತು.</p>.<p>ಉಭಯ ತಂಡಗಳ ನಡುವಣ ಮೂರನೇ ಏಕದಿನ ಪಂದ್ಯ ಬುಧವಾರ ನಡೆಯಲಿದೆ.</p>.<p><strong>ಸಂಕ್ಷಿಪ್ತ ಸ್ಕೋರ್<br />ಭಾರತ; </strong>50 ಓವರ್ಗಳಲ್ಲಿ 6 ವಿಕೆಟ್ಗೆ 191 (ಪೂನಮ್ ರಾವುತ್ 77, ಮಿಥಾಲಿ ರಾಜ್ 40, ಹರ್ಮನ್ಪ್ರೀತ್ ಕೌರ್ 46, ತಾನಿಯಾ ಭಾಟಿಯಾ ಔಟಾಗದೆ 9; ಆಲಿಯಾ ಅಲೆನ್ 38ಕ್ಕೆ2, ಶಬಿಕಾ 23ಕ್ಕೆ1, ಅಫಿ ಫ್ಲೆಚರ್ 32ಕ್ಕೆ2, ಶೆನೆಟಾ ಗ್ರಿಮ್ಮೊಂಡ್ 22ಕ್ಕೆ1).</p>.<p><strong>ವೆಸ್ಟ್ ಇಂಡೀಸ್: </strong>47.2 ಓವರ್ಗಳಲ್ಲಿ 138 (ನತಾಶಾ ಮೆಕ್ಲೀನ್ 15, ಶೆಮೈನ್ ಕ್ಯಾಂಪ್ಬೆಲ್ 39, ಸ್ಟೆಫಾನಿ ಟೇಲರ್ 20, ಆಲಿಯಾ ಅಲೆನ್ 16, ಅಫಿ ಪ್ಲೆಚರ್ 14; ಜೂಲನ್ ಗೋಸ್ವಾಮಿ 24ಕ್ಕೆ1, ಶಿಖಾ ಪಾಂಡೆ 19ಕ್ಕೆ1, ರಾಜೇಶ್ವರಿ ಗಾಯಕವಾಡ 27ಕ್ಕೆ2, ಪೂನಮ್ ಯಾದವ್ 26ಕ್ಕೆ2, ದೀಪ್ತಿ ಶರ್ಮಾ 25ಕ್ಕೆ2).</p>.<p><strong>ಫಲಿತಾಂಶ: </strong>ಭಾರತಕ್ಕೆ 53ರನ್ ಗೆಲುವು. 3 ಪಂದ್ಯಗಳ ಸರಣಿ 1–1ರಲ್ಲಿ ಸಮಬಲ.</p>.<p><strong>ಪಂದ್ಯಶ್ರೇಷ್ಠ: </strong>ಪೂನಮ್ ರಾವುತ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನಾರ್ತ್ ಸೌಂಡ್</strong>: ಪೂನಮ್ ರಾವುತ್ (77; 128ಎ, 4ಬೌಂ) ಅವರ ತಾಳ್ಮೆಯ ಅರ್ಧಶತಕ ಮತ್ತು ಸ್ಪಿನ್ನರ್ಗಳ ಶಿಸ್ತಿನ ದಾಳಿಯ ನೆರವಿನಿಂದ ಭಾರತ ಮಹಿಳಾ ತಂಡ ಐಸಿಸಿ ವಿಶ್ವ ಚಾಂಪಿಯನ್ಷಿಪ್ನ ಅಂಗವಾಗಿ ನಡೆಯುತ್ತಿರುವ ಏಕದಿನ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ 53ರನ್ಗಳಿಂದ ಆತಿಥೇಯ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿದೆ. ಇದರೊಂದಿಗೆ 3 ಪಂದ್ಯಗಳ ಸರಣಿಯಲ್ಲಿ 1–1 ಸಮಬಲ ಸಾಧಿಸಿದೆ.</p>.<p>ವಿವಿಯನ್ ರಿಚರ್ಡ್ಸ್ ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ 50 ಓವರ್ಗಳಲ್ಲಿ 6 ವಿಕೆಟ್ಗೆ 191ರನ್ ಪೇರಿಸಿತು.</p>.<p>ಸುಲಭ ಗುರಿ ಬೆನ್ನಟ್ಟಿದ ಆತಿಥೇಯರು, ರಾಜೇಶ್ವರಿ ಗಾಯಕವಾಡ (27ಕ್ಕೆ2), ಪೂನಮ್ ಯಾದವ್ (26ಕ್ಕೆ2) ಮತ್ತು ದೀಪ್ತಿ ಶರ್ಮಾ (25ಕ್ಕೆ2) ಅವರು ಬೀಸಿದ ಸ್ಪಿನ್ ಬಲೆಯೊಳಗೆ ಬಂದಿಯಾದರು. ಸ್ಟೆಫಾನಿ ಟೇಲರ್ ಬಳಗ 47.2 ಓವರ್ಗಳಲ್ಲಿ 138ರನ್ ಕಲೆಹಾಕಿ ಹೋರಾಟ ಮುಗಿಸಿತು.</p>.<p>ಶೆಮೈನ್ ಕ್ಯಾಂಪ್ಬೆಲ್ (39; 90ಎ, 2ಬೌಂ) ಮತ್ತು ನಾಯಕಿ ಸ್ಟೆಫಾನಿ (20; 31ಎ, 2ಬೌಂ) ಅವರನ್ನು ಬಿಟ್ಟು ಉಳಿದವರೆಲ್ಲಾ ಬೇಗನೆ ಪೆವಿಲಿಯನ್ ಸೇರಿಕೊಂಡರು.</p>.<p>ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ ಆರಂಭಿಕ ಸಂಕಷ್ಟ ಎದುರಿಸಿತು. ಪ್ರಿಯಾ ಪುನಿಯಾ (5) ಮತ್ತು ಜೆಮಿಮಾ ರಾಡ್ರಿಗಸ್ (0) ಬಂದಷ್ಟೇ ವೇಗವಾಗಿ ಪೆವಿಲಿಯನ್ನತ್ತ ಹೆಜ್ಜೆ ಹಾಕಿದರು.</p>.<p>ಪೂನಮ್ ಮತ್ತು ನಾಯಕಿ ಮಿಥಾಲಿ ರಾಜ್ (40; 67ಎ, 4ಬೌಂ) ಮೂರನೇ ವಿಕೆಟ್ ಪಾಲುದಾರಿಕೆಯಲ್ಲಿ 66 ರನ್ ಸೇರಿಸಿ ತಂಡದ ಮೇಲೆ ಆವರಿಸಿದ್ದ ಆತಂಕದ ಕಾರ್ಮೋಡವನ್ನು ದೂರ ಸರಿಸಿದರು.</p>.<p>29ನೇ ಓವರ್ನಲ್ಲಿ ಮಿಥಾಲಿ ಔಟಾದರು. ನಂತರ ಉಪನಾಯಕಿ ಹರ್ಮನ್ಪ್ರೀತ್ ಕೌರ್ (46; 52ಎ, 4ಬೌಂ) ಮತ್ತು ಪೂನಮ್ ಜವಾಬ್ದಾರಿಯುತ ಇನಿಂಗ್ಸ್ ಕಟ್ಟಿದರು. ಈ ಜೋಡಿ ನಾಲ್ಕನೇ ವಿಕೆಟ್ಗೆ 93ರನ್ ಸೇರಿಸಿ ತಂಡದ ಮೊತ್ತವನ್ನು 170ರ ಗಡಿ ದಾಟಿಸಿತು. ಎರಡು ರನ್ಗಳ ಅಂತರದಲ್ಲಿ ಇವರಿಬ್ಬರೂ ಔಟಾದರು. ನಂತರ ತಂಡದ ರನ್ ವೇಗ ಕುಂಠಿತವಾಯಿತು.</p>.<p>ಉಭಯ ತಂಡಗಳ ನಡುವಣ ಮೂರನೇ ಏಕದಿನ ಪಂದ್ಯ ಬುಧವಾರ ನಡೆಯಲಿದೆ.</p>.<p><strong>ಸಂಕ್ಷಿಪ್ತ ಸ್ಕೋರ್<br />ಭಾರತ; </strong>50 ಓವರ್ಗಳಲ್ಲಿ 6 ವಿಕೆಟ್ಗೆ 191 (ಪೂನಮ್ ರಾವುತ್ 77, ಮಿಥಾಲಿ ರಾಜ್ 40, ಹರ್ಮನ್ಪ್ರೀತ್ ಕೌರ್ 46, ತಾನಿಯಾ ಭಾಟಿಯಾ ಔಟಾಗದೆ 9; ಆಲಿಯಾ ಅಲೆನ್ 38ಕ್ಕೆ2, ಶಬಿಕಾ 23ಕ್ಕೆ1, ಅಫಿ ಫ್ಲೆಚರ್ 32ಕ್ಕೆ2, ಶೆನೆಟಾ ಗ್ರಿಮ್ಮೊಂಡ್ 22ಕ್ಕೆ1).</p>.<p><strong>ವೆಸ್ಟ್ ಇಂಡೀಸ್: </strong>47.2 ಓವರ್ಗಳಲ್ಲಿ 138 (ನತಾಶಾ ಮೆಕ್ಲೀನ್ 15, ಶೆಮೈನ್ ಕ್ಯಾಂಪ್ಬೆಲ್ 39, ಸ್ಟೆಫಾನಿ ಟೇಲರ್ 20, ಆಲಿಯಾ ಅಲೆನ್ 16, ಅಫಿ ಪ್ಲೆಚರ್ 14; ಜೂಲನ್ ಗೋಸ್ವಾಮಿ 24ಕ್ಕೆ1, ಶಿಖಾ ಪಾಂಡೆ 19ಕ್ಕೆ1, ರಾಜೇಶ್ವರಿ ಗಾಯಕವಾಡ 27ಕ್ಕೆ2, ಪೂನಮ್ ಯಾದವ್ 26ಕ್ಕೆ2, ದೀಪ್ತಿ ಶರ್ಮಾ 25ಕ್ಕೆ2).</p>.<p><strong>ಫಲಿತಾಂಶ: </strong>ಭಾರತಕ್ಕೆ 53ರನ್ ಗೆಲುವು. 3 ಪಂದ್ಯಗಳ ಸರಣಿ 1–1ರಲ್ಲಿ ಸಮಬಲ.</p>.<p><strong>ಪಂದ್ಯಶ್ರೇಷ್ಠ: </strong>ಪೂನಮ್ ರಾವುತ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
