ಎಫ್‌ಸಿ ಡೆಕ್ಕನ್ ಮತ್ತು ಕಿಕ್‌ಸ್ಟಾರ್ಟ್‌ ಎಫ್‌ಸಿ ನಡುವಿನ ಪಂದ್ಯ 1–1ರಲ್ಲಿ ಸಮ ಆಯಿತು. ಡೆಕ್ಕನ್ ಪರ 10ನೇ ನಿಮಿಷದಲ್ಲಿ ಸುಜೇಶ್ ಗೋಲು ಗಳಿಸಿದರು. ಕಿಕ್‌ಸ್ಟಾರ್ಟ್‌ಗೆ ಸುಧೀರ್ ಕೋಟಿಕೇಳ 54ನೇ ನಿಮಿಷದಲ್ಲಿ ಗೋಲು ತಂದುಕೊಟ್ಟರು. ಮುಂದಿನ ಎರಡು ದಿನ ಪಂದ್ಯಗಳು ಇರುವುದಿಲ್ಲ. 18ರಂದು ನಡೆಯಲಿರುವ ಹಣಾಹಣಿಗಳಲ್ಲಿ ಇನ್‌ಕಂ ಟ್ಯಾಕ್ಸ್ ಎಫ್‌ಸಿ ಮತ್ತು ಎಎಸ್‌ಸಿ–ಸೆಂಟರ್ ಎಫ್‌ಸಿ, ಸ್ಟೂಡೆಂಟ್ ಯೂನಿಯನ್ ಎಫ್‌ಸಿ ಮತ್ತು ಎಫ್‌ಸಿ ಬೆಂಗಳೂರು ಯುನೈಟೆಡ್ ತಂಡಗಳು ಸೆಣಸಲಿವೆ. ಮೊದಲ ಪಂದ್ಯ ಮಧ್ಯಾಹ್ನ 1.30ಕ್ಕೆ ಆರಂಭವಾಗಲಿದ್ದು 3.30ಕ್ಕೆ ಮತ್ತೊಂದು ಪಂದ್ಯ ನಡೆಯಲಿದೆ.
