ಸೋಮವಾರ, ಜೂನ್ 14, 2021
23 °C

ವಿಶ್ವಕಪ್ ಫುಟ್‌ಬಾಲ್‌ ಅರ್ಹತಾ ಟೂರ್ನಿ: 19ರಂದು ಕತಾರ್‌ಗೆ ಭಾರತದ ಆಟಗಾರರು

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: 2022ರ ವಿಶ್ವಕಪ್ ಅರ್ಹತಾ ಪಂದ್ಯಗಳಿಗಾಗಿ ಸಿದ್ಧತೆ ನಡೆಸಲು ಭಾರತ ಫುಟ್‌ಬಾಲ್ ತಂಡವು ಇದೇ 19ರಂದು ಕತಾರ್‌ಗೆ ತೆರಳಲಿದೆ. ಜೂನ್ 3ರಿಂದ ನಡೆಯುವ ಪಂದ್ಯಗಳಿಗೆ ತಾಲೀಮು ನಡೆಸಲು ಭಾರತದ ಆಟಗಾರರಿಗೆ ಕತಾರ್‌ನಲ್ಲಿ ಅವಕಾಶ ಕಲ್ಪಿಸಲಾಗಿದೆ. ಈ ಕುರಿತು ಅಖಿಲ ಭಾರತ ಫುಟ್‌ಬಾಲ್ ಫೆಡರೇಷನ್‌ (ಎಐಎಫ್‌ಎಫ್‌) ಸಲ್ಲಿಸಿದ ಮನವಿಗೆ ಆ ರಾಷ್ಟ್ರವು ಸ್ಪಂದಿಸಿದೆ.

ಆಟಗಾರರಿಗೆ 10 ದಿನಗಳ ಕ್ವಾರಂಟೈನ್‌ ಅವಧಿಯಿಂದ ವಿನಾಯಿತಿ ನೀಡಬೇಕೆಂಬ ಮನವಿಗೂ ಕತಾರ್ ಒಪ್ಪಿದೆ. ಮೊದಲ ಪಂದ್ಯಕ್ಕೂ ಮುನ್ನ ಆಟಗಾರರು ಬಯೋಬಬಲ್‌ನಲ್ಲಿ ಎರಡು ವಾರಗಳ ಪೂರ್ವಸಿದ್ಧತಾ ಶಿಬಿರ ನಡೆಸಲಿದ್ದಾರೆ.

‘ಮೇ 19ರ ಸಂಜೆ ನಾವು ಕತಾರ್‌ಗೆ ತೆರಳಲಿದ್ದೇವೆ. ಅಲ್ಲಿ ಆಟಗಾರರಿಗೆ ಕ್ವಾರಂಟೈನ್ ಇರುವುದಿಲ್ಲ. ಆದರೆ ಬಯೋಬಬಲ್ ವ್ಯವಸ್ಥೆ ಇರಲಿದೆ. ಹೊರಡುವ ಮೊದಲು ಎಲ್ಲ ಆಟಗಾರರು ಕೋವಿಡ್‌ ಪರೀಕ್ಷೆಗೆ ಒಳಗಾಗಲಿದ್ದಾರೆ‘ ಎಂದು ಎಐಎಫ್‌ಎಫ್ ಪ್ರಧಾನ ಕಾರ್ಯದರ್ಶಿ ಕುಶಲ್ ದಾಸ್ ತಿಳಿಸಿದ್ದಾರೆ.

ಭಾರತ ತಂಡವು ವಿಶ್ವಕಪ್ ಅರ್ಹತೆಯಿಂದ ಈಗಾಗಲೇ ಹೊರಬಿದ್ದಿದೆ. ಆದರೆ 2023ರ ಏಷ್ಯಾಕಪ್‌ ಟೂರ್ನಿಯಲ್ಲಿ ಸ್ಥಾನ ಪಡೆಯಲು ಈ ಪಂದ್ಯಗಳನ್ನು ಆಡಲಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು