ಯುರೊ ಕಪ್ | ‘ಡ್ರಾ’ ಪಂದ್ಯದಲ್ಲಿ ಸ್ವಿಟ್ಜರ್ಲೆಂಡ್‌, ಸ್ಕಾಟ್ಲೆಂಡ್‌

ಕೊಲೋನ್ (ಜರ್ಮನಿ ): ಸ್ವಿಜರ್ಲೆಂಡ್ ವಿರುದ್ಧ 28 ವರ್ಷಗಳಲ್ಲಿ ಮೊದಲ ಜಯ ಗಳಿಸುವ ಸ್ಕಾಟ್ಲೆಂಡ್ ಆಸೆ ಈಡೇರಲಿಲ್ಲ. ಆದರೆ ಸ್ಕಾಟರು ಗುರುವಾರ ನಡೆದ ಯುರೊ ಕಪ್ ಫುಟ್ಬಾಲ್ ಚಾಂಪಿಯನ್ಷಿಪ್ ‘ಎ’ ಗುಂಪಿನ ಪಂದ್ಯದಲ್ಲಿ ಹಿನ್ನಡೆಯಿಂದ ಚೇತರಿಸಿ ಸ್ವಿಟ್ಜರ್ಲೆಂಡ್ ಜೊತೆ 1–1 ಸಮಬಲ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾದರು.

. ಜರ್ಮನಿ ಎದುರು ಮ್ಯೂನಿಕ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಎದುರಾದ ಸೋಲಿನಿಂದ ಚೇತರಿಸಿಕೊಂಡ ಸ್ಕಾಟ್ಲೆಂಡ್ ಈ ಡ್ರಾದಿಂದಾಗಿ ಅಂತಿಮ 16ರ ಸುತ್ತು ತಲುಪುವ ಆಸೆಯನ್ನು ಜೀವಂತವಾಗಿರಿಕೊಂಡಿತು.

. ಅನುಭವಿಗಳಿದ್ದ ಸ್ವಿಸ್ ತಂಡದ ಎದುರು ಸ್ಕಾಟ್ಲೆಂಡ್ 13ನೇ ನಿಮಿಷ ಮುನ್ನಡೆಯಿತು. ಮ್ಯಾಂಚೆಸ್ಟರ್ ಯುನೈಟೆಡ್ಗೆ ಆಡುವ ಸ್ಕಾಟ್ ಮೆಕ್ಟೊಮಿನೆ ಅವರು, ಕ್ಯಾಲಂ ಮೆಕ್ಗ್ರೆಗೋರ್ ಪಾಸ್ನಲ್ಲಿ ಚೆಂಡನ್ನು ಗುರಿತಲುಪಿಸಿದರು.

. ಆದರೆ ವಿರಾಮಕ್ಕೆ ಮೊದಲೇ ಸ್ವಿಟ್ಜರ್ಲೆಂಡ್ ಸಮ ಮಾಡಿಕೊಂಡಿತು. 26ನೇ ನಿಮಿಷ ಶೆಡ್ರಾನ್ ಶಾಖಿರಿ ಅವರು ಅಂಥೊನಿ ರಾಲ್ಸ್ಟನ್ ಅವರಿಂದ ಪಡೆದ ಪಾಸ್ನಲ್ಲಿ ಚೆಂಡನ್ನು ಅಮೋಘ ರೀತಿ ಗೋಲಿನೊಳಕ್ಕೆ ನಿರ್ದೇಶಿಸಿದ್ದರಿಂದ ಸ್ಕೋರ್ ಸಮನಾಯಿತು.

. ಸ್ಕಾಟ್ಲೆಂಡ್ ತಂಡವೇ ಹೆಚ್ಚು ಅವಕಾಶಗಳನ್ನು ಪಡೆಯಿತು. ಗ್ರಾಂಟ್ ಹನ್ಲಿ ಅವರು ಉತ್ತಮ ಗೋಲು ಅವಕಾಶದಲ್ಲಿ ‘ಹೆಡ್’ ಮಾಡಿದ ಚೆಂಡು ಗೋಲುಗಂಬಕ್ಕೆ ಹೊಡೆಯಿತು.

. 1996ರ ಯೂರೊ ಕಪ್ನಲ್ಲಿ ಸ್ಕಾಟ್ಲೆಂಡ್ ಕೊನೆಯ ಸಲ ಸ್ವಿಟ್ಜರ್ಲೆಂಡ್ ತಂಡವನ್ನು (1–0ಯಿಂದ) ಸೋಲಿಸಿತ್ತು.

. ಸ್ಕಾಟ್ಲೆಂಡ್ ‘ಎ’ ಗುಂಪಿನ ಅಂತಿಮ ಪಂದ್ಯವನ್ನು ಭಾನುವಾರ ಸ್ಟುಟ್ಗಾರ್ಟ್ನಲ್ಲಿ ಹಂಗೆರಿ ವಿರುದ್ಧ ಆಡಲಿದೆ. ಆ ಪಂದ್ಯ ಗೆದ್ದರೆ ಮೊದಲ ಬಾರಿ ಪ್ರಮುಖ ಟೂರ್ನಿಯೊಂದರ ನಾಕೌಟ್ ಹಂತಕ್ಕೆ ತಲುಪಬಹುದು.

. ಇನ್ನೊಂದು ಡ್ರಾ

. ಲುಕಾ ಜೋವಿಕ್ ‘ಇಂಜುರಿ ಅವಧಿ’ಯಲ್ಲಿ (90+5) ಗಳಿಸಿದ ಗೋಲಿನಿಂದ ಸರ್ಬಿಯಾ ಮ್ಯೂನಿಕ್ನಲ್ಲಿ ಗುರುವಾರ ನಡೆದ ‘ಸಿ’ ಗುಂಪಿನ ಪಂದ್ಯದಲ್ಲಿ ಸ್ಲೊವೇನಿಯಾ ಜೊತೆ 1–1 ಡ್ರಾ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾಯಿತು.

. ಯಾನ್ ಕಾರ್ನಿಸ್ನಿಕ್ ಅವರು 69ನೇ ನಿಮಿಷ ಸ್ಲೊವೇನಿಯಾಕ್ಕೆ ಮುನ್ನಡೆ ಒದಗಿಸಿದ್ದರು. ಚಾರಿತ್ರಿಕ ವಿಜಯದ ಕನಸಿನಲ್ಲಿದ್ದ ಸ್ಲೊವೇನಿಯಾ ತಂಡಕ್ಕೆ ಜೋವಿಕ್ ಗಳಿಸಿದ ಅಂತಿಮ ಕ್ಷಣದ ಗೋಲಿನಿಂದ ನಿರಾಸೆಯಾಯಿತು.

. ದಂಡ :

. ಅಲ್ಬೇನಿಯಾ ಮತ್ತು ಸರ್ಬಿಯಾ ಅಭಿಮಾನಿಗಳು ತಮ್ಮ ತಂಡದ ಪಂದ್ಯಗಳ ವೇಳೆ ‘ರಾಷ್ಟ್ರೀಯವಾದಿ’ ಬ್ಯಾನರ್ಗಳನ್ನು ಪ್ರದರ್ಶಿಸಿದ ಕಾರಣಕ್ಕೆ ಯುಇಎಫ್ಎ, ಆ ರಾಷ್ಟ್ರಗಳ ಫೆಡರೇಷನ್ಗೆ ಬುಧವಾರ ತಲಾ ₹9 ಲಕ್ಷ ದಂಡ ವಿಧಿಸಿದೆ.

. ಕ್ರೀಡಾ ಸ್ಪರ್ಧೆಯ ವೇಳೆ ಯೋಗ್ಯವಲ್ಲದ ರೀತಿ, ಪ್ರಚೋದನಕಾರಿ ಸಂದೇಶ ರವಾನಿಸಿದ ಕಾರಣಕ್ಕೆ ದಂಡ ವಿಧಿಸಲಾಗಿದೆ. ಅಲ್ಬೇನಿಯಾ ಅಭಿಮಾನಿಗಳು ಪ್ರದರ್ಶಿಸಿದ ಬ್ಯಾನರ್ನಲ್ಲಿ ಆ ದೇಶದ ಗಡಿಯೊಳಗೆ ನೆರೆಯ ರಾಷ್ಟ್ರಗಳ ಪ್ರದೇಶಗಳನ್ನು ಸೇರಿಸಲಾಗಿತ್ತು. ಡೋರ್ಟ್ಮುಂಡ್ನಲ್ಲಿ ಇಟಲಿ ವಿರುದ್ಧ 2–1 ರಿಂದ ಸೋತಿದ್ದ ಪಂದ್ಯದಲ್ಲಿ ಬ್ಯಾನರ್ ಕಾಣಿಸಿತ್ತು.

. ಗೆಲ್ಸೆನ್ಕಿರ್ಚೆನ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಪಂದ್ಯದ ವೇಳೆ ಸರ್ಬಿಯಾ ಅಭಿಮಾನಿಗಳು ಪ್ರದರ್ಶಿಸಿದ ಬ್ಯಾನರ್ನಲ್ಲಿ ಕೊಸೊವೊ ದೇಶದ ಭಾಗವನ್ನು ಸರ್ಬಿಯಾದ ನಕ್ಷೆಯೊಳಗೆ ಸೇರಿಸಲಾಗಿತ್ತು. ‘ನೊ ಸರಂಡರ್’ ಎಂಬ ಸಂದೇಶವೂ ಇತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯುರೊ ಕಪ್ | ‘ಡ್ರಾ’ ಪಂದ್ಯದಲ್ಲಿ ಸ್ವಿಟ್ಜರ್ಲೆಂಡ್‌, ಸ್ಕಾಟ್ಲೆಂಡ್‌

ಚಿನಕುರುಳಿ | ಗುರುವಾರ, 24 ಅಕ್ಟೋಬರ್ 2024

ಚುರುಮುರಿ | ಚನ್ನಪಟ್ಟಣದ ಗೊಂಬೆ!

ಮುಡಾ ಪ್ರಕರಣ: ಲೋಕಾಯುಕ್ತ ಪೊಲೀಸರಿಂದ ಬಿ.ಎನ್‌. ಬಚ್ಚೇಗೌಡ ಹೇಳಿಕೆ ದಾಖಲು

ಜನ್ಮದಿನಾಂಕ: ಆಧಾರ್‌ ಕಾರ್ಡ್‌ ಅಧಿಕೃತ ಪುರಾವೆಯಲ್ಲ; ಸುಪ್ರೀಂ ಕೋರ್ಟ್

IND vs NZ Test | ಭಾರತಕ್ಕೆ ಹಿನ್ನಡೆ: ನ್ಯೂಜಿಲೆಂಡ್‌ಗೆ 301 ರನ್‌ಗಳ ಮುನ್ನಡೆ

IND vs NZ 2nd Test: ವಾಷಿಂಗ್ಟನ್‌ ಸೂಪರ್ ಸೆವೆನ್, ಐದು ಕ್ಲೀನ್ ಬೌಲ್ಡ್!

ಪ್ರೊ ಕಬಡ್ಡಿ ಲೀಗ್: ಖಾತೆ ತೆರೆದ ಬೆಂಗಾಲ್‌ ವಾರಿಯರ್ಸ್‌

ಮೊದಲ ಏಕದಿನ: ಭಾರತದ ಗೆಲುವಿನಲ್ಲಿ ಮಿಂಚಿದ ರಾಧಾ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಗುರುವಾರ, 24 ಅಕ್ಟೋಬರ್ 2024

ಚುರುಮುರಿ | ಚನ್ನಪಟ್ಟಣದ ಗೊಂಬೆ!

ಮುಡಾ ಪ್ರಕರಣ: ಲೋಕಾಯುಕ್ತ ಪೊಲೀಸರಿಂದ ಬಿ.ಎನ್‌. ಬಚ್ಚೇಗೌಡ ಹೇಳಿಕೆ ದಾಖಲು

ಜನ್ಮದಿನಾಂಕ: ಆಧಾರ್‌ ಕಾರ್ಡ್‌ ಅಧಿಕೃತ ಪುರಾವೆಯಲ್ಲ; ಸುಪ್ರೀಂ ಕೋರ್ಟ್