<p>ಫುಟ್ಬಾಲ್ ವಿಶ್ವಕಪ್ ಟೂರ್ನಿಯಲ್ಲಿ ಆಡಲು ಆಟಗಾರರನ್ನು ಕಳುಹಿಸಿಕೊಡುವುದಕ್ಕಾಗಿ ಕ್ಲಬ್ಗಳಿಗೆ ನೀಡುವ ಪರಿಹಾರದ ಮೊತ್ತವನ್ನು ಶೇ 70ರಷ್ಟು ಏರಿಕೆ ಮಾಡಲಾಗಿದೆ. 2026 ಹಾಗೂ 2030ರಲ್ಲಿ ನಡೆಯುವ ವಿಶ್ವಕಪ್ಗಳಿಗೆ ಆಟಗಾರರನ್ನು ಬಿಡುಗಡೆ ಮಾಡುವುದಕ್ಕಾಗಿ ಅಂತರರಾಷ್ಟ್ರೀಯ ಫುಟ್ಬಾಲ್ ಸಂಸ್ಥೆ ಫಿಫಾ, ಕ್ಲಬ್ಗಳಿಗೆ ₹ 3,000 ಕೋಟಿ (355 ಮಿಲಿಯನ್ ಡಾಲರ್) ಪಾವತಿಸಲಿದೆ ಎಂದು ಫಿಫಾ ಹಾಗೂ ಯುರೋಪಿಯನ್ ಕ್ಲಬ್ ಒಕ್ಕೂಟ (ಇಸಿಎ) ಸೋಮವಾರ ತಿಳಿಸಿವೆ.</p>.<p>ಆಟಗಾರರನ್ನು ಬಿಡುಗಡೆ ಮಾಡುವುದಕ್ಕೆ ಪ್ರತಿಯಾಗಿ ಕ್ಲಬ್ಗಳಿಗೆ ರಾಷ್ಟ್ರೀಯ ತಂಡಗಳ ಸ್ಪರ್ಧೆಯ ಆದಾಯದ ಪಾಲನ್ನು, ಕ್ಲಬ್ಗಳ ಹಿತ ರಕ್ಷಣಾ ಕಾರ್ಯಕ್ರಮದ ಮೂಲಕ ನೀಡಲಾಗುತ್ತದೆ. ಜೊತೆಗೆ ಅಂತರರಾಷ್ಟ್ರೀಯ ಪಂದ್ಯಾವಳಿ ವೇಳೆ ಆಟಗಾರರು ಗಾಯಗೊಂಡರೆ ಕ್ಲಬ್ಗಳಿಗೆ ರಕ್ಷಣೆ ನೀಡಲಾಗುತ್ತದೆ.</p>.<p>2018 ಹಾಗೂ 2022ರ ವಿಶ್ವಕಪ್ ಪಂದ್ಯಾವಳಿಗಳ ಸಂದರ್ಭ ಕ್ಲಬ್ಗಳಿಗೆ ಅಂದಾಜು ₹ 1,700 ಕೋಟಿ (209 ಮಿಲಿಯನ್ ಡಾಲರ್) ಪರಿಹಾರ ನೀಡಲಾಗಿತ್ತು.</p>.<p>ಹಂಗೇರಿಯ ಬಡಾಪೆಸ್ಟ್ನಲ್ಲಿರುವ ಇಸಿಎ ಪ್ರಧಾನ ಕಚೇರಿಯಲ್ಲಿ ನವೀಕೃತ ಒಪ್ಪಂದಕ್ಕೆ ಸೋಮವಾರ ಸಹಿ ಹಾಕಲಾಯಿತು. 'ಮಹತ್ವದ ಈ ಒಪ್ಪಂದಕ್ಕೆ ಸಹಿ ಹಾಕಿದ್ದಕ್ಕೆ ಸಂತಸವಾಗಿದೆ' ಎಂದು ಇಸಿಎ ಅಧ್ಯಕ್ಷ ನಾಸರ್ ಅಲ್-ಖೇಲೈಫಿ ಹೇಳಿದ್ದಾರೆ.</p>.<p>ನಾಲ್ಕು ವರ್ಷಕ್ಕೊಮ್ಮೆ ನಡೆಯುವ ವಿಶ್ವಕಪ್ ಟೂರ್ನಿಯು 2026ರ ಜೂನ್ನಲ್ಲಿ ಆರಂಭವಾಗಲಿದೆ. 32 ತಂಡಗಳು ಪಾಲ್ಗೊಳ್ಳಲಿವೆ ಎಂದು ಫಿಫಾ ಈ ತಿಂಗಳ ಆರಂಭದಲ್ಲಿ ಘೋಷಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಫುಟ್ಬಾಲ್ ವಿಶ್ವಕಪ್ ಟೂರ್ನಿಯಲ್ಲಿ ಆಡಲು ಆಟಗಾರರನ್ನು ಕಳುಹಿಸಿಕೊಡುವುದಕ್ಕಾಗಿ ಕ್ಲಬ್ಗಳಿಗೆ ನೀಡುವ ಪರಿಹಾರದ ಮೊತ್ತವನ್ನು ಶೇ 70ರಷ್ಟು ಏರಿಕೆ ಮಾಡಲಾಗಿದೆ. 2026 ಹಾಗೂ 2030ರಲ್ಲಿ ನಡೆಯುವ ವಿಶ್ವಕಪ್ಗಳಿಗೆ ಆಟಗಾರರನ್ನು ಬಿಡುಗಡೆ ಮಾಡುವುದಕ್ಕಾಗಿ ಅಂತರರಾಷ್ಟ್ರೀಯ ಫುಟ್ಬಾಲ್ ಸಂಸ್ಥೆ ಫಿಫಾ, ಕ್ಲಬ್ಗಳಿಗೆ ₹ 3,000 ಕೋಟಿ (355 ಮಿಲಿಯನ್ ಡಾಲರ್) ಪಾವತಿಸಲಿದೆ ಎಂದು ಫಿಫಾ ಹಾಗೂ ಯುರೋಪಿಯನ್ ಕ್ಲಬ್ ಒಕ್ಕೂಟ (ಇಸಿಎ) ಸೋಮವಾರ ತಿಳಿಸಿವೆ.</p>.<p>ಆಟಗಾರರನ್ನು ಬಿಡುಗಡೆ ಮಾಡುವುದಕ್ಕೆ ಪ್ರತಿಯಾಗಿ ಕ್ಲಬ್ಗಳಿಗೆ ರಾಷ್ಟ್ರೀಯ ತಂಡಗಳ ಸ್ಪರ್ಧೆಯ ಆದಾಯದ ಪಾಲನ್ನು, ಕ್ಲಬ್ಗಳ ಹಿತ ರಕ್ಷಣಾ ಕಾರ್ಯಕ್ರಮದ ಮೂಲಕ ನೀಡಲಾಗುತ್ತದೆ. ಜೊತೆಗೆ ಅಂತರರಾಷ್ಟ್ರೀಯ ಪಂದ್ಯಾವಳಿ ವೇಳೆ ಆಟಗಾರರು ಗಾಯಗೊಂಡರೆ ಕ್ಲಬ್ಗಳಿಗೆ ರಕ್ಷಣೆ ನೀಡಲಾಗುತ್ತದೆ.</p>.<p>2018 ಹಾಗೂ 2022ರ ವಿಶ್ವಕಪ್ ಪಂದ್ಯಾವಳಿಗಳ ಸಂದರ್ಭ ಕ್ಲಬ್ಗಳಿಗೆ ಅಂದಾಜು ₹ 1,700 ಕೋಟಿ (209 ಮಿಲಿಯನ್ ಡಾಲರ್) ಪರಿಹಾರ ನೀಡಲಾಗಿತ್ತು.</p>.<p>ಹಂಗೇರಿಯ ಬಡಾಪೆಸ್ಟ್ನಲ್ಲಿರುವ ಇಸಿಎ ಪ್ರಧಾನ ಕಚೇರಿಯಲ್ಲಿ ನವೀಕೃತ ಒಪ್ಪಂದಕ್ಕೆ ಸೋಮವಾರ ಸಹಿ ಹಾಕಲಾಯಿತು. 'ಮಹತ್ವದ ಈ ಒಪ್ಪಂದಕ್ಕೆ ಸಹಿ ಹಾಕಿದ್ದಕ್ಕೆ ಸಂತಸವಾಗಿದೆ' ಎಂದು ಇಸಿಎ ಅಧ್ಯಕ್ಷ ನಾಸರ್ ಅಲ್-ಖೇಲೈಫಿ ಹೇಳಿದ್ದಾರೆ.</p>.<p>ನಾಲ್ಕು ವರ್ಷಕ್ಕೊಮ್ಮೆ ನಡೆಯುವ ವಿಶ್ವಕಪ್ ಟೂರ್ನಿಯು 2026ರ ಜೂನ್ನಲ್ಲಿ ಆರಂಭವಾಗಲಿದೆ. 32 ತಂಡಗಳು ಪಾಲ್ಗೊಳ್ಳಲಿವೆ ಎಂದು ಫಿಫಾ ಈ ತಿಂಗಳ ಆರಂಭದಲ್ಲಿ ಘೋಷಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>