<p><strong>ಚೆನ್ನೈ:</strong> ಭಾರತದ ಗ್ರ್ಯಾಂಡ್ಮಾಸ್ಟರ್ ವಿದಿತ್ ಗುಜರಾತಿ ಜೊತೆ ಡ್ರಾ ಮಾಡಿಕೊಂಡ ಜರ್ಮನಿಯ ವಿನ್ಸೆಂಟ್ ಕೀಮರ್ ಅವರು ಚೆನ್ನೈ ಗ್ರ್ಯಾಂಡ್ಮಾಸ್ಟರ್ಸ್ ಚೆಸ್ ಟೂರ್ನಿಯ ಐದನೇ ಸುತ್ತಿನ ನಂತರವೂ ಅಗ್ರಸ್ಥಾನ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಒಂಬತ್ತು ಸುತ್ತುಗಳ ಈ ಟೂರ್ನಿಯ ಅರ್ಧಭಾಗ ಮುಗಿದಿದ್ದು ಕೀಮರ್ ನಾಲ್ಕು ಪಾಯಿಂಟ್ಸ್ ಸಂಗ್ರಹಿಸಿದ್ದಾರೆ.</p>.<p>ಅಗ್ರ ಶ್ರೇಯಾಂಕದ ಅರ್ಜುನ್ ಇರಿಗೇಶಿ ಕೂಡ ಸೋಮವಾರ ನಡೆದ ಐದನೇ ಸುತ್ತಿನ ಪಂದ್ಯ ಡ್ರಾ ಮಾಡಿಕೊಂಡಿದ್ದು ಮೂರು ಪಾಯಿಂಟ್ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಅವರು ಸ್ವದೇಶದ ವಿ.ಪ್ರಣವ್ (2) ಜೊತೆ ಪಾಯಿಂಟ್ ಹಂಚಿಕೊಂಡರು. ಆರನೇ ಸುತ್ತಿನಲ್ಲಿ ಅರ್ಜುನ್ ಮತ್ತು ಕೀಮರ್ ಮುಖಾಮುಖಿಯಾಗಲಿದ್ದಾರೆ. ಈ ಮಹತ್ವದ ಪಂದ್ಯದಲ್ಲಿ ಜರ್ಮನಿಯ ಆಟಗಾರ ಬಿಳಿ ಕಾಯಿಗಳಲ್ಲಿ ಆಡಲಿದ್ದಾರೆ.</p>.<p>ಎಂಜಿಡಿ1 ಆಶ್ರಯದಲ್ಲಿ ನಡೆಯುತ್ತಿರುವ ಮೂರನೇ ವರ್ಷದ ಈ ಟೂರ್ನಿಯು ಮಾಸ್ಟರ್ಸ್ ಮತ್ತು ಚಾಲೆಂಜರ್ಸ್ ವಿಭಾಗಗಳಲ್ಲಿ ನಡೆಯುತ್ತಿದ್ದು, ತಲಾ 10 ಆಟಗಾರರು ಭಾಗವಹಿಸುತ್ತಿದ್ದಾರೆ. ಮಾಸ್ಟರ್ಸ್ ವಿಭಾಗದ ವಿಜೇತ ಆಟಗಾರ ₹25 ಲಕ್ಷ ಹಾಗೂ ಚಾಲೆಂಜರ್ ವಿಭಾಗದ ವಿಜೇತ ಆಟಗಾರ ₹7 ಲಕ್ಷ ನಗದು ಬಹುಮಾನ ಪಡೆಯಲಿದ್ದಾರೆ.</p>.<p>ನೆದರ್ಲೆಂಡ್ಸ್ನ ಜೋರ್ಡನ್ ವಾನ್ ಫೊರೀಸ್ಟ್ (2), ಅಮೆರಿಕದ ರೇ ರಾಬ್ಸನ್ (2) ಅವರನ್ನು ಸೋಲಿಸಿದ್ದು ಮಾತ್ರ ದಿನದ ನಿರ್ಣಾಯಕ ಫಲಿತಾಂಶ ಎನಿಸಿತು. ಉಳಿದ ನಾಲ್ಕು ಪಂದ್ಯಗಳು ಡ್ರಾ ಆದವು. ಲಿಯಾಂಗ್ ಅವೊಂಡರ್ (2.5), ಭಾರತದ ನಿಹಾಲ್ ಸರಿನ್(2) ಜೊತೆ; ಅನಿಶ್ ಗಿರಿ (2.5), ಭಾರತದ ಮುರಳಿ ಕಾರ್ತಿಕೇಯನ್ (2.5) ಜೊತೆ ಡ್ರಾ ಮಾಡಿಕೊಂಡರು. ವಿದಿತ್ ಖಾತೆಯಲ್ಲೂ 2.5 ಪಾಯಿಂಟ್ಸ್ ಇದೆ.</p>.<p><strong>ಚಾಲೆಂಜರ್ಸ್ ವಿಭಾಗ:</strong></p>.<p>ಅಭಿಮನ್ಯು ಪುರಾಣಿಕ್ (4.5) ಅವರು ಐದನೇ ಸುತ್ತಿನಲ್ಲಿ ದ್ರೋಣವಲ್ಲಿ ಹಾರಿಕಾ (0.5) ಅವರನ್ನು ಸೋಲಿಸಿ ಅಗ್ರಸ್ಥಾನವನ್ನು ಬಲಪಡಿಸಿಕೊಂಡರು. ವೈಶಾಲಿ ಆರ್ (1), ಇನ್ನೊಂದು ಪಂದ್ಯದಲ್ಲಿ ಜಿ.ಬಿ. ಹರ್ಷವರ್ಧನ್ (1.5) ಅವರಿಗೆ ಮಣಿಸಿದರು. ಈ ವಿಭಾಗದ ಇತರ ಮೂರು ಪಂದ್ಯಗಳು ಡ್ರಾ ಆದವು. ಪ್ರಾಣೇಶ್ ಮತ್ತು ಲಿಯಾನ್ ಮೆಂಡೋನ್ಸಾ ನಡುವಣ ಪಂದ್ಯ ಡ್ರಾ ಆದರೆ, ಆರ್ಯನ್ ಚೋಪ್ರಾ ಮತ್ತು ಅಧಿಬನ್ ನಡುವಣ ಪಂದ್ಯವೂ ಇದೇ ಹಾದಿ ಹಿಡಿಯಿತು. ದೀಪ್ತಾಯನ ಘೋಸಷ್ ಮತ್ತು ಪಾ.ಇನಿಯನ್ ಸಹ ಪಾಯಿಂಟ್ ಹಂಚಿಕೊಂಡರು.</p>.<p>ಪ್ರಾಣೇಶ್, ದೀಪ್ತಾಯನ್, ಲಿಯಾನ್ ಮೆಂಡೋನ್ಸಾ ತಲಾ 3.5 ಪಾಯಿಂಟ್ಸ್ ಸಂಗ್ರಹಿಸಿ ಎರಡನೇ ಸ್ಥಾನದಲ್ಲಿದ್ದಾರೆ. ಇನಿಯನ್ (3), ಅಧಿಬನ್ (2.5) ನಂತರದ ಸ್ಥಾನಗಳಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ:</strong> ಭಾರತದ ಗ್ರ್ಯಾಂಡ್ಮಾಸ್ಟರ್ ವಿದಿತ್ ಗುಜರಾತಿ ಜೊತೆ ಡ್ರಾ ಮಾಡಿಕೊಂಡ ಜರ್ಮನಿಯ ವಿನ್ಸೆಂಟ್ ಕೀಮರ್ ಅವರು ಚೆನ್ನೈ ಗ್ರ್ಯಾಂಡ್ಮಾಸ್ಟರ್ಸ್ ಚೆಸ್ ಟೂರ್ನಿಯ ಐದನೇ ಸುತ್ತಿನ ನಂತರವೂ ಅಗ್ರಸ್ಥಾನ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಒಂಬತ್ತು ಸುತ್ತುಗಳ ಈ ಟೂರ್ನಿಯ ಅರ್ಧಭಾಗ ಮುಗಿದಿದ್ದು ಕೀಮರ್ ನಾಲ್ಕು ಪಾಯಿಂಟ್ಸ್ ಸಂಗ್ರಹಿಸಿದ್ದಾರೆ.</p>.<p>ಅಗ್ರ ಶ್ರೇಯಾಂಕದ ಅರ್ಜುನ್ ಇರಿಗೇಶಿ ಕೂಡ ಸೋಮವಾರ ನಡೆದ ಐದನೇ ಸುತ್ತಿನ ಪಂದ್ಯ ಡ್ರಾ ಮಾಡಿಕೊಂಡಿದ್ದು ಮೂರು ಪಾಯಿಂಟ್ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಅವರು ಸ್ವದೇಶದ ವಿ.ಪ್ರಣವ್ (2) ಜೊತೆ ಪಾಯಿಂಟ್ ಹಂಚಿಕೊಂಡರು. ಆರನೇ ಸುತ್ತಿನಲ್ಲಿ ಅರ್ಜುನ್ ಮತ್ತು ಕೀಮರ್ ಮುಖಾಮುಖಿಯಾಗಲಿದ್ದಾರೆ. ಈ ಮಹತ್ವದ ಪಂದ್ಯದಲ್ಲಿ ಜರ್ಮನಿಯ ಆಟಗಾರ ಬಿಳಿ ಕಾಯಿಗಳಲ್ಲಿ ಆಡಲಿದ್ದಾರೆ.</p>.<p>ಎಂಜಿಡಿ1 ಆಶ್ರಯದಲ್ಲಿ ನಡೆಯುತ್ತಿರುವ ಮೂರನೇ ವರ್ಷದ ಈ ಟೂರ್ನಿಯು ಮಾಸ್ಟರ್ಸ್ ಮತ್ತು ಚಾಲೆಂಜರ್ಸ್ ವಿಭಾಗಗಳಲ್ಲಿ ನಡೆಯುತ್ತಿದ್ದು, ತಲಾ 10 ಆಟಗಾರರು ಭಾಗವಹಿಸುತ್ತಿದ್ದಾರೆ. ಮಾಸ್ಟರ್ಸ್ ವಿಭಾಗದ ವಿಜೇತ ಆಟಗಾರ ₹25 ಲಕ್ಷ ಹಾಗೂ ಚಾಲೆಂಜರ್ ವಿಭಾಗದ ವಿಜೇತ ಆಟಗಾರ ₹7 ಲಕ್ಷ ನಗದು ಬಹುಮಾನ ಪಡೆಯಲಿದ್ದಾರೆ.</p>.<p>ನೆದರ್ಲೆಂಡ್ಸ್ನ ಜೋರ್ಡನ್ ವಾನ್ ಫೊರೀಸ್ಟ್ (2), ಅಮೆರಿಕದ ರೇ ರಾಬ್ಸನ್ (2) ಅವರನ್ನು ಸೋಲಿಸಿದ್ದು ಮಾತ್ರ ದಿನದ ನಿರ್ಣಾಯಕ ಫಲಿತಾಂಶ ಎನಿಸಿತು. ಉಳಿದ ನಾಲ್ಕು ಪಂದ್ಯಗಳು ಡ್ರಾ ಆದವು. ಲಿಯಾಂಗ್ ಅವೊಂಡರ್ (2.5), ಭಾರತದ ನಿಹಾಲ್ ಸರಿನ್(2) ಜೊತೆ; ಅನಿಶ್ ಗಿರಿ (2.5), ಭಾರತದ ಮುರಳಿ ಕಾರ್ತಿಕೇಯನ್ (2.5) ಜೊತೆ ಡ್ರಾ ಮಾಡಿಕೊಂಡರು. ವಿದಿತ್ ಖಾತೆಯಲ್ಲೂ 2.5 ಪಾಯಿಂಟ್ಸ್ ಇದೆ.</p>.<p><strong>ಚಾಲೆಂಜರ್ಸ್ ವಿಭಾಗ:</strong></p>.<p>ಅಭಿಮನ್ಯು ಪುರಾಣಿಕ್ (4.5) ಅವರು ಐದನೇ ಸುತ್ತಿನಲ್ಲಿ ದ್ರೋಣವಲ್ಲಿ ಹಾರಿಕಾ (0.5) ಅವರನ್ನು ಸೋಲಿಸಿ ಅಗ್ರಸ್ಥಾನವನ್ನು ಬಲಪಡಿಸಿಕೊಂಡರು. ವೈಶಾಲಿ ಆರ್ (1), ಇನ್ನೊಂದು ಪಂದ್ಯದಲ್ಲಿ ಜಿ.ಬಿ. ಹರ್ಷವರ್ಧನ್ (1.5) ಅವರಿಗೆ ಮಣಿಸಿದರು. ಈ ವಿಭಾಗದ ಇತರ ಮೂರು ಪಂದ್ಯಗಳು ಡ್ರಾ ಆದವು. ಪ್ರಾಣೇಶ್ ಮತ್ತು ಲಿಯಾನ್ ಮೆಂಡೋನ್ಸಾ ನಡುವಣ ಪಂದ್ಯ ಡ್ರಾ ಆದರೆ, ಆರ್ಯನ್ ಚೋಪ್ರಾ ಮತ್ತು ಅಧಿಬನ್ ನಡುವಣ ಪಂದ್ಯವೂ ಇದೇ ಹಾದಿ ಹಿಡಿಯಿತು. ದೀಪ್ತಾಯನ ಘೋಸಷ್ ಮತ್ತು ಪಾ.ಇನಿಯನ್ ಸಹ ಪಾಯಿಂಟ್ ಹಂಚಿಕೊಂಡರು.</p>.<p>ಪ್ರಾಣೇಶ್, ದೀಪ್ತಾಯನ್, ಲಿಯಾನ್ ಮೆಂಡೋನ್ಸಾ ತಲಾ 3.5 ಪಾಯಿಂಟ್ಸ್ ಸಂಗ್ರಹಿಸಿ ಎರಡನೇ ಸ್ಥಾನದಲ್ಲಿದ್ದಾರೆ. ಇನಿಯನ್ (3), ಅಧಿಬನ್ (2.5) ನಂತರದ ಸ್ಥಾನಗಳಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
