<p><strong>ಅಥೆನ್ಸ್: </strong>ಕೊರೊನಾ ಸೋಂಕು ಎಬ್ಬಿಸಿರುವ ಬಿರುಗಾಳಿಯಿಂದಾಗಿ ಒಲಿಂಪಿಕ್ಸ್ ಮೇಲೆ ಅನಿಶ್ಚಿತತೆಯ ಕಾರ್ಮೋಡ ಆವರಿಸಿದೆ. ಇದರನಡುವೆಯೇ ಟೋಕಿಯೊ 2020 ಒಲಿಂಪಿಕ್ಸ್ ಸಂಘಟಕರು ಗುರುವಾರ ಇಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಒಲಿಂಪಿಕ್ ಕ್ರೀಡಾ ಜ್ಯೋತಿಯನ್ನು ಸ್ವೀಕರಿಸಿದರು.</p>.<p>ಮೊದಲ ಆಧುನಿಕ ಒಲಿಂಪಿಕ್ ಕ್ರೀಡೆಗಳು (1896) ನಡೆದಿದ್ದ ಅಥೆನ್ಸ್ನ ಪಾನಥೆನಯಿಕ್ ಕ್ರೀಡಾಂಗಣದಲ್ಲಿ ಸಂಪ್ರದಾಯದಂತೆ ಹಸ್ತಾಂತರ ಸಮಾರಂಭ ನಡೆಯಿತು. ಪ್ರೇಕ್ಷಕರಿಗೆ ನಿರ್ಬಂಧ ವಿಧಿಸಿದ ಪರಿಣಾಮ 50 ಸಾವಿರ ಆಸನ ಸಾಮರ್ಥ್ಯದ ಕ್ರೀಡಾಂಗಣ ಖಾಲಿಯಾಗಿತ್ತು.</p>.<p>ಟೋಕಿಯೊ ಕ್ರೀಡೆಗಳ ಪ್ರತಿನಿಧಿ ನವೊಕೊ ಇಮೊಟೊ ಅವರು ಗ್ರೀಸ್ ಒಲಿಂಪಿಕ್ ಸಮಿತಿ ಮುಖ್ಯಸ್ಥ ಸ್ಪಿರೋಸ್ ಕ್ಯಾಪ್ರಲೊಸ್ ಅವರಿಂದ ಜ್ಯೋತಿ ಯನ್ನು ಸ್ವೀಕರಿಸಿದರು. ಈ ವೇಳೆ ಕೆಲವೇ ಅಧಿಕಾರಿಗಳು ಹಾಜರಿದ್ದರು. ಈಜು ಗಾರ್ತಿ ಇಮೊಟೊ ಈ ಹಿಂದೆ ಒಲಿಂ<br />ಪಿಕ್ಸ್ನಲ್ಲಿ ದೇಶವನ್ನು ಪ್ರತಿನಿಧಿಸಿದ್ದರು.</p>.<p>‘ಟೋಕಿಯೊ 2020 ಗೊ’ ಎಂಬ ಆಕರ್ಷಕ ಬರಹವುಳ್ಳ ವಿಶೇಷ ವಿಮಾನದಲ್ಲಿ ಒಲಿಂಪಿಕ್ ಜ್ಯೋತಿ ಶುಕ್ರವಾರ ಜಪಾನ್ನ ಮಾಟ್ಸುಶಿಮಾ ವಾಯನೆಲೆಯಲ್ಲಿ ಇಳಿಯಲಿದೆ.</p>.<p>ಜಪಾನ್ನಲ್ಲಿ ಜ್ಯೋತಿಯಾತ್ರೆ ಫುಕೊಶಿಮಾದಿಂದ ಆರಂಭವಾಗಲಿದೆ. 121 ದಿನಗಳ ಕಾಲ ಜ್ಯೋತಿಯಾತ್ರೆ ನಡೆಯಲಿದೆ. ಫುಕೊಶಿಮಾ, 2011ರ ಸುನಾಮಿ ಮತ್ತು ಭೂಕಂಪದ ತಾಣ.</p>.<p>ಕೊರೊನಾ ಸೋಂಕು ಭೀತಿಯಿಂದ ಅಥೆನ್ಸ್ನಲ್ಲಿ ಆರು ದಿನಗಳ ಜ್ಯೋತಿಯಾತ್ರೆಯನ್ನು ಕಳೆದ ವಾರ ರದ್ದುಗೊಳಿಸಲಾಗಿತ್ತು. ಗ್ರೀಸ್ನಲ್ಲಿ ಕೋವಿಡ್–19ಕ್ಕೆ ಐವರು ಬಲಿಯಾಗಿದ್ದಾರೆ. 418 ಮಂದಿ ಸೋಂಕುಪೀಡಿತರಾಗಿದ್ದಾರೆ.</p>.<p>ಕೊರೊನಾ ಆತಂಕದ ನಡುವೆಯೂ ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಮತ್ತು ಜಪಾನ್ ಸರ್ಕಾರ, ಸರಿಯಾದ ಸಮಯದಲ್ಲೇ ಕ್ರೀಡೆಗಳು ನಡೆಯಲಿವೆ ಎಂದು ಹೇಳುತ್ತಾ ಬಂದಿದೆ.</p>.<p>‘ಜ್ಯೋತಿಯ ಆಗಮನವು ಜಪಾನ್ ನಲ್ಲಿ ಸ್ಫೂರ್ತಿಯ ಮಟ್ಟವನ್ನು ಹೆಚ್ಚಿಸುವ ವಿಶ್ವಾಸವಿದೆ’ ಎಂದು ಟೋಕಿಯೊ ಕ್ರೀಡೆಗಳ ಮುಖ್ಯಸ್ಥ ಯೊಶಿರೊ ಮೊರಿ ತಿಳಿಸಿದ್ದಾರೆ.</p>.<p><strong>ಒಲಿಂಪಿಕ್ಸ್ ಮುಂದೂಡಬಹುದು: ಕೊ<br />ಲಂಡನ್ (ಎಎಫ್ಪಿ):</strong> ‘ಕೊರೊನಾ ಪಿಡುಗು ವಿಶ್ವದ ಬಹುತೇಕ ಭಾಗಗಳಲ್ಲಿ ವ್ಯಾಪಿಸಿರುವ ಕಾರಣ ಟೋಕಿಯೊ ಕ್ರೀಡೆಗಳನ್ನು ಈ ವರ್ಷದ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ಗೆ ಮುಂದೂಡಲು ಅವಕಾಶಗಳಿವೆ. ಆದರೆ ಕ್ರೀಡೆಗಳನ್ನು ರದ್ದುಮಾಡುವ ವಿಷಯದಲ್ಲಿ ನಿರ್ಧಾರವನ್ನು ತಕ್ಷಣಕ್ಕೆ ಕೈಗೊಳ್ಳುವುದು ಕಷ್ಟ’ ಎಂದುವಿಶ್ವ ಅಥ್ಲೆಟಿಕ್ಸ್ ಮುಖ್ಯಸ್ಥ ಸೆಬಾಸ್ಟಿಯನ್ ಕೊ ಹೇಳಿದ್ದಾರೆ.</p>.<p>ಕೋವಿಡ್–19 ಪಿಡುಗಿನಿಂದಾಗಿ ವಿಶ್ವದ ಕ್ರೀಡಾ ಕಾರ್ಯಕ್ರಮಗಳೆಲ್ಲವೂ ಏರುಪೇರಾಗಿವೆ. ಯೂರೊ 2020 ಫುಟ್ಬಾಲ್ ಟೂರ್ನಿ, ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಗಳನ್ನು ಮುಂದೂಡಲಾಗಿದೆ. ವಿವಿಧ ಕ್ರೀಡೆಗಳಲ್ಲಿ ಒಲಿಂಪಿಕ್ಸ್ ಅರ್ಹತಾ ಟೂರ್ನಿಗಳನ್ನೂ ಮುಂದೂಡಲಾಗಿದೆ. ಕೆಲವನ್ನು ರದ್ದು ಮಾಡಲಾಗಿದೆ.</p>.<p>ನಿಗದಿತ ಸಮಯದಲ್ಲೇ ಕ್ರೀಡೆಗಳನ್ನು ನಡೆಸಿದರೆ ಆರೋಗ್ಯವನ್ನು ಪಣಕ್ಕೆ ಒಡ್ಡಬೇಕಾದೀತು ಎಂದು ಕೆಲವು ಅಥ್ಲೀಟುಗಳು ಕಳವಳ ವ್ಯಕ್ತಪಡಿಸಿದ್ದಾರೆ.</p>.<p>ಇದರ ಮಧ್ಯೆ ಕ್ರೀಡೆಗಳನ್ನು ನಿಗದಿತ ಸಮಯದಲ್ಲೇ (ಜುಲೈ 24ರಿಂದ ಆಗಸ್ಟ್ 9) ನಡೆಸಬೇಕೆನ್ನುವುದು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಗುರಿ ಎಂದು ಐಒಸಿ ಮುಖ್ಯಸ್ಥ ಥಾಮಸ್ ಬ್ಯಾಕ್ ಈ ವಾರದ ಆರಂಭದಲ್ಲಿ ತಿಳಿಸಿದ್ದರು.</p>.<p>ಆದರೆ, ಟೋಕಿಯೊ ಒಲಿಂಪಿಕ್ಸ್ ಸಮನ್ವಯ ಸಮಿತಿಯ ಸದಸ್ಯರೂ ಆಗಿರುವ, ಮಾಜಿ ಒಲಿಂಪಿಯನ್ ಕೊ ಅವರು ಬಿಬಿಸಿಗೆ ನೀಡಿರುವ ಸಂದರ್ಶನದಲ್ಲಿ ಕ್ರೀಡೆಗಳು ವಿಳಂಬವಾಗುವ ಸಾಧ್ಯತೆಯಿದೆ ಎಂದು ಒಪ್ಪಿಕೊಂಡಿದ್ದಾರೆ.2012ರ ಒಲಿಂಪಿಕ್ಸ್ ಕ್ರೀಡೆಗಳನ್ನು ಲಂಡನ್ನಲ್ಲಿ ನಡೆಯಲು ಕೊ ಪ್ರಮುಖ ಪಾತ್ರ ವಹಿಸಿದ್ದರು.</p>.<p>‘ಕ್ರೀಡೆಗಳನ್ನು ಮುಂದಿನ ವರ್ಷಕ್ಕೆ ಮುಂದೂಡಿದರೆ ಬೇರೆ ಕೆಲವು ಸಮಸ್ಯೆಗಳು ಎದುರಾಗಬಹುದು. ಕೆಲವು ಸದಸ್ಯ ಫೆಡರೇಷನ್ಗಳು ಒಲಿಂಪಿಕ್ಸ್ ಇಲ್ಲದ ವರ್ಷಗಳಲ್ಲಿ ವಿಶ್ವ ಚಾಂಪಿಯನ್ಷಿಪ್ಗಳನ್ನು ನಿಗದಿ ಮಾಡಿರುತ್ತವೆ’ ಎಂದರು.</p>.<p>‘ಒಲಿಂಪಿಕ್ಸ್ಗೆ ಸಂಬಂಧಿಸಿ ಈಗಲೇ ನಿರ್ಣಾಯಕ ನಿರ್ಧಾರಕ್ಕೆ ಬರುವುದು ಉತ್ತಮ’ ಎಂದು ನಾಲ್ಕು ಒಲಿಂಪಿಕ್ಸ್ಗಳಲ್ಲಿ ರೋಯಿಂಗ್ ಸ್ವರ್ಣ ಗೆದ್ದಿರುವ ಬ್ರಿಟನ್ನ ಹಿರಿಯ ಕ್ರೀಡಾಪಟು ಮ್ಯಾಥ್ಯೂ ಪಿನ್ಸೆಂಟ್ ಹೇಳಿದ್ದಾರೆ. ಮುಂದೂಡದೇ ಬೇರೆ ಆಯ್ಕೆಗಳಿರುವಂತೆ ಕಾಣುತ್ತಿಲ್ಲ ಎಂದಿದ್ದಾರೆ.</p>.<p><strong>'ಮುಂದೂಡಬೇಕು':</strong> ‘ಕೊರೊನಾ ಸೋಂಕು ಭೀತಿಯಿಂದ ಅಥ್ಲೀಟುಗಳು ಸೂಕ್ತ ತಯಾರಿ ನಡೆಸಲು ಸಾಧ್ಯವಾಗದಿರುವ ಕಾರಣ ಟೋಕಿಯೊ ಒಲಿಂಪಿಕ್ ಕ್ರೀಡೆಗಳನ್ನು ಮುಂದೂಡಬೇಕು’ ಎಂದುಜಪಾನ್ ಒಲಿಂಪಿಕ್ ಸಮಿತಿ (ಜೆಒಸಿ) ಸದಸ್ಯೆ ಕವೊರಿ ಯಮಾಗುಚಿ ಹೇಳಿದ್ದಾರೆ.</p>.<p>‘ನಿಕ್ಕೀ’ ಪತ್ರಿಕೆ ಗುರುವಾರ ಅವರ ಹೇಳಿಕೆ ಪ್ರಕಟಿಸಿದ್ದು,ಐಒಸಿ ಸಕಾಲದಲ್ಲೇ ಕ್ರೀಡೆಗಳನ್ನು ನಡೆಸುವುದಾಗಿ ಪಟ್ಟುಹಿಡಿಯುತ್ತಿರುವ ಕಾರಣ ಅಥ್ಲೀಟುಗಳ ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮ ಬೀರುವ ಆತಂಕವಿದೆ ಎಂದಿದ್ದಾರೆ. ಯಮಾಗುಚಿ ಅವರು ಸೋಲ್ ಒಲಿಂಪಿಕ್ಸ್ನ(1988) ಜೂಡೊದಲ್ಲಿ ಕಂಚಿನ ಪದಕ ಗೆದ್ದುಕೊಂಡಿದ್ದರು.</p>.<p>ಮಾರ್ಚ್ 27ರಂದು ನಿಗದಿಯಾಗಿರುವ ಜೆಒಸಿ ಸಭೆಯಲ್ಲಿ ವಿಷಯ ಪ್ರಸ್ತಾಪಿಸುವುದಾಗಿಯೂ ಅವರು ತಿಳಿಸಿದ್ದಾರೆ.</p>.<p>‘ಅಮೆರಿಕ ಮತ್ತು ಯುರೋಪ್ನಿಂದ ಬಂದಿರುವ ವರದಿಗಳ ಪ್ರಕಾರ ಅಥ್ಲೀಟುಗಳು ತರಬೇತಿ ಮುಂದುವರಿಸುವ ಸ್ಥಿತಿಯಲ್ಲಿಲ್ಲ’ ಎಂದಿದ್ದಾರೆ.</p>.<p>ಈ ಬಗ್ಗೆ ತಕ್ಷಣದ ಪ್ರತಿಕ್ರಿಯೆಗೆ ಜೆಒಸಿ ಅಧಿಕಾರಿಗಳು ಲಭ್ಯರಿರಲಿಲ್ಲ. ಐಒಸಿಯ ಒಬ್ಬ ಸದಸ್ಯ ಕೂಡ ಒಲಿಂಪಿಕ್ಸ್ ಮುಂದೂಡಬೇಕೆಂಬ ನಿಲುವು ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಥೆನ್ಸ್: </strong>ಕೊರೊನಾ ಸೋಂಕು ಎಬ್ಬಿಸಿರುವ ಬಿರುಗಾಳಿಯಿಂದಾಗಿ ಒಲಿಂಪಿಕ್ಸ್ ಮೇಲೆ ಅನಿಶ್ಚಿತತೆಯ ಕಾರ್ಮೋಡ ಆವರಿಸಿದೆ. ಇದರನಡುವೆಯೇ ಟೋಕಿಯೊ 2020 ಒಲಿಂಪಿಕ್ಸ್ ಸಂಘಟಕರು ಗುರುವಾರ ಇಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಒಲಿಂಪಿಕ್ ಕ್ರೀಡಾ ಜ್ಯೋತಿಯನ್ನು ಸ್ವೀಕರಿಸಿದರು.</p>.<p>ಮೊದಲ ಆಧುನಿಕ ಒಲಿಂಪಿಕ್ ಕ್ರೀಡೆಗಳು (1896) ನಡೆದಿದ್ದ ಅಥೆನ್ಸ್ನ ಪಾನಥೆನಯಿಕ್ ಕ್ರೀಡಾಂಗಣದಲ್ಲಿ ಸಂಪ್ರದಾಯದಂತೆ ಹಸ್ತಾಂತರ ಸಮಾರಂಭ ನಡೆಯಿತು. ಪ್ರೇಕ್ಷಕರಿಗೆ ನಿರ್ಬಂಧ ವಿಧಿಸಿದ ಪರಿಣಾಮ 50 ಸಾವಿರ ಆಸನ ಸಾಮರ್ಥ್ಯದ ಕ್ರೀಡಾಂಗಣ ಖಾಲಿಯಾಗಿತ್ತು.</p>.<p>ಟೋಕಿಯೊ ಕ್ರೀಡೆಗಳ ಪ್ರತಿನಿಧಿ ನವೊಕೊ ಇಮೊಟೊ ಅವರು ಗ್ರೀಸ್ ಒಲಿಂಪಿಕ್ ಸಮಿತಿ ಮುಖ್ಯಸ್ಥ ಸ್ಪಿರೋಸ್ ಕ್ಯಾಪ್ರಲೊಸ್ ಅವರಿಂದ ಜ್ಯೋತಿ ಯನ್ನು ಸ್ವೀಕರಿಸಿದರು. ಈ ವೇಳೆ ಕೆಲವೇ ಅಧಿಕಾರಿಗಳು ಹಾಜರಿದ್ದರು. ಈಜು ಗಾರ್ತಿ ಇಮೊಟೊ ಈ ಹಿಂದೆ ಒಲಿಂ<br />ಪಿಕ್ಸ್ನಲ್ಲಿ ದೇಶವನ್ನು ಪ್ರತಿನಿಧಿಸಿದ್ದರು.</p>.<p>‘ಟೋಕಿಯೊ 2020 ಗೊ’ ಎಂಬ ಆಕರ್ಷಕ ಬರಹವುಳ್ಳ ವಿಶೇಷ ವಿಮಾನದಲ್ಲಿ ಒಲಿಂಪಿಕ್ ಜ್ಯೋತಿ ಶುಕ್ರವಾರ ಜಪಾನ್ನ ಮಾಟ್ಸುಶಿಮಾ ವಾಯನೆಲೆಯಲ್ಲಿ ಇಳಿಯಲಿದೆ.</p>.<p>ಜಪಾನ್ನಲ್ಲಿ ಜ್ಯೋತಿಯಾತ್ರೆ ಫುಕೊಶಿಮಾದಿಂದ ಆರಂಭವಾಗಲಿದೆ. 121 ದಿನಗಳ ಕಾಲ ಜ್ಯೋತಿಯಾತ್ರೆ ನಡೆಯಲಿದೆ. ಫುಕೊಶಿಮಾ, 2011ರ ಸುನಾಮಿ ಮತ್ತು ಭೂಕಂಪದ ತಾಣ.</p>.<p>ಕೊರೊನಾ ಸೋಂಕು ಭೀತಿಯಿಂದ ಅಥೆನ್ಸ್ನಲ್ಲಿ ಆರು ದಿನಗಳ ಜ್ಯೋತಿಯಾತ್ರೆಯನ್ನು ಕಳೆದ ವಾರ ರದ್ದುಗೊಳಿಸಲಾಗಿತ್ತು. ಗ್ರೀಸ್ನಲ್ಲಿ ಕೋವಿಡ್–19ಕ್ಕೆ ಐವರು ಬಲಿಯಾಗಿದ್ದಾರೆ. 418 ಮಂದಿ ಸೋಂಕುಪೀಡಿತರಾಗಿದ್ದಾರೆ.</p>.<p>ಕೊರೊನಾ ಆತಂಕದ ನಡುವೆಯೂ ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಮತ್ತು ಜಪಾನ್ ಸರ್ಕಾರ, ಸರಿಯಾದ ಸಮಯದಲ್ಲೇ ಕ್ರೀಡೆಗಳು ನಡೆಯಲಿವೆ ಎಂದು ಹೇಳುತ್ತಾ ಬಂದಿದೆ.</p>.<p>‘ಜ್ಯೋತಿಯ ಆಗಮನವು ಜಪಾನ್ ನಲ್ಲಿ ಸ್ಫೂರ್ತಿಯ ಮಟ್ಟವನ್ನು ಹೆಚ್ಚಿಸುವ ವಿಶ್ವಾಸವಿದೆ’ ಎಂದು ಟೋಕಿಯೊ ಕ್ರೀಡೆಗಳ ಮುಖ್ಯಸ್ಥ ಯೊಶಿರೊ ಮೊರಿ ತಿಳಿಸಿದ್ದಾರೆ.</p>.<p><strong>ಒಲಿಂಪಿಕ್ಸ್ ಮುಂದೂಡಬಹುದು: ಕೊ<br />ಲಂಡನ್ (ಎಎಫ್ಪಿ):</strong> ‘ಕೊರೊನಾ ಪಿಡುಗು ವಿಶ್ವದ ಬಹುತೇಕ ಭಾಗಗಳಲ್ಲಿ ವ್ಯಾಪಿಸಿರುವ ಕಾರಣ ಟೋಕಿಯೊ ಕ್ರೀಡೆಗಳನ್ನು ಈ ವರ್ಷದ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ಗೆ ಮುಂದೂಡಲು ಅವಕಾಶಗಳಿವೆ. ಆದರೆ ಕ್ರೀಡೆಗಳನ್ನು ರದ್ದುಮಾಡುವ ವಿಷಯದಲ್ಲಿ ನಿರ್ಧಾರವನ್ನು ತಕ್ಷಣಕ್ಕೆ ಕೈಗೊಳ್ಳುವುದು ಕಷ್ಟ’ ಎಂದುವಿಶ್ವ ಅಥ್ಲೆಟಿಕ್ಸ್ ಮುಖ್ಯಸ್ಥ ಸೆಬಾಸ್ಟಿಯನ್ ಕೊ ಹೇಳಿದ್ದಾರೆ.</p>.<p>ಕೋವಿಡ್–19 ಪಿಡುಗಿನಿಂದಾಗಿ ವಿಶ್ವದ ಕ್ರೀಡಾ ಕಾರ್ಯಕ್ರಮಗಳೆಲ್ಲವೂ ಏರುಪೇರಾಗಿವೆ. ಯೂರೊ 2020 ಫುಟ್ಬಾಲ್ ಟೂರ್ನಿ, ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಗಳನ್ನು ಮುಂದೂಡಲಾಗಿದೆ. ವಿವಿಧ ಕ್ರೀಡೆಗಳಲ್ಲಿ ಒಲಿಂಪಿಕ್ಸ್ ಅರ್ಹತಾ ಟೂರ್ನಿಗಳನ್ನೂ ಮುಂದೂಡಲಾಗಿದೆ. ಕೆಲವನ್ನು ರದ್ದು ಮಾಡಲಾಗಿದೆ.</p>.<p>ನಿಗದಿತ ಸಮಯದಲ್ಲೇ ಕ್ರೀಡೆಗಳನ್ನು ನಡೆಸಿದರೆ ಆರೋಗ್ಯವನ್ನು ಪಣಕ್ಕೆ ಒಡ್ಡಬೇಕಾದೀತು ಎಂದು ಕೆಲವು ಅಥ್ಲೀಟುಗಳು ಕಳವಳ ವ್ಯಕ್ತಪಡಿಸಿದ್ದಾರೆ.</p>.<p>ಇದರ ಮಧ್ಯೆ ಕ್ರೀಡೆಗಳನ್ನು ನಿಗದಿತ ಸಮಯದಲ್ಲೇ (ಜುಲೈ 24ರಿಂದ ಆಗಸ್ಟ್ 9) ನಡೆಸಬೇಕೆನ್ನುವುದು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಗುರಿ ಎಂದು ಐಒಸಿ ಮುಖ್ಯಸ್ಥ ಥಾಮಸ್ ಬ್ಯಾಕ್ ಈ ವಾರದ ಆರಂಭದಲ್ಲಿ ತಿಳಿಸಿದ್ದರು.</p>.<p>ಆದರೆ, ಟೋಕಿಯೊ ಒಲಿಂಪಿಕ್ಸ್ ಸಮನ್ವಯ ಸಮಿತಿಯ ಸದಸ್ಯರೂ ಆಗಿರುವ, ಮಾಜಿ ಒಲಿಂಪಿಯನ್ ಕೊ ಅವರು ಬಿಬಿಸಿಗೆ ನೀಡಿರುವ ಸಂದರ್ಶನದಲ್ಲಿ ಕ್ರೀಡೆಗಳು ವಿಳಂಬವಾಗುವ ಸಾಧ್ಯತೆಯಿದೆ ಎಂದು ಒಪ್ಪಿಕೊಂಡಿದ್ದಾರೆ.2012ರ ಒಲಿಂಪಿಕ್ಸ್ ಕ್ರೀಡೆಗಳನ್ನು ಲಂಡನ್ನಲ್ಲಿ ನಡೆಯಲು ಕೊ ಪ್ರಮುಖ ಪಾತ್ರ ವಹಿಸಿದ್ದರು.</p>.<p>‘ಕ್ರೀಡೆಗಳನ್ನು ಮುಂದಿನ ವರ್ಷಕ್ಕೆ ಮುಂದೂಡಿದರೆ ಬೇರೆ ಕೆಲವು ಸಮಸ್ಯೆಗಳು ಎದುರಾಗಬಹುದು. ಕೆಲವು ಸದಸ್ಯ ಫೆಡರೇಷನ್ಗಳು ಒಲಿಂಪಿಕ್ಸ್ ಇಲ್ಲದ ವರ್ಷಗಳಲ್ಲಿ ವಿಶ್ವ ಚಾಂಪಿಯನ್ಷಿಪ್ಗಳನ್ನು ನಿಗದಿ ಮಾಡಿರುತ್ತವೆ’ ಎಂದರು.</p>.<p>‘ಒಲಿಂಪಿಕ್ಸ್ಗೆ ಸಂಬಂಧಿಸಿ ಈಗಲೇ ನಿರ್ಣಾಯಕ ನಿರ್ಧಾರಕ್ಕೆ ಬರುವುದು ಉತ್ತಮ’ ಎಂದು ನಾಲ್ಕು ಒಲಿಂಪಿಕ್ಸ್ಗಳಲ್ಲಿ ರೋಯಿಂಗ್ ಸ್ವರ್ಣ ಗೆದ್ದಿರುವ ಬ್ರಿಟನ್ನ ಹಿರಿಯ ಕ್ರೀಡಾಪಟು ಮ್ಯಾಥ್ಯೂ ಪಿನ್ಸೆಂಟ್ ಹೇಳಿದ್ದಾರೆ. ಮುಂದೂಡದೇ ಬೇರೆ ಆಯ್ಕೆಗಳಿರುವಂತೆ ಕಾಣುತ್ತಿಲ್ಲ ಎಂದಿದ್ದಾರೆ.</p>.<p><strong>'ಮುಂದೂಡಬೇಕು':</strong> ‘ಕೊರೊನಾ ಸೋಂಕು ಭೀತಿಯಿಂದ ಅಥ್ಲೀಟುಗಳು ಸೂಕ್ತ ತಯಾರಿ ನಡೆಸಲು ಸಾಧ್ಯವಾಗದಿರುವ ಕಾರಣ ಟೋಕಿಯೊ ಒಲಿಂಪಿಕ್ ಕ್ರೀಡೆಗಳನ್ನು ಮುಂದೂಡಬೇಕು’ ಎಂದುಜಪಾನ್ ಒಲಿಂಪಿಕ್ ಸಮಿತಿ (ಜೆಒಸಿ) ಸದಸ್ಯೆ ಕವೊರಿ ಯಮಾಗುಚಿ ಹೇಳಿದ್ದಾರೆ.</p>.<p>‘ನಿಕ್ಕೀ’ ಪತ್ರಿಕೆ ಗುರುವಾರ ಅವರ ಹೇಳಿಕೆ ಪ್ರಕಟಿಸಿದ್ದು,ಐಒಸಿ ಸಕಾಲದಲ್ಲೇ ಕ್ರೀಡೆಗಳನ್ನು ನಡೆಸುವುದಾಗಿ ಪಟ್ಟುಹಿಡಿಯುತ್ತಿರುವ ಕಾರಣ ಅಥ್ಲೀಟುಗಳ ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮ ಬೀರುವ ಆತಂಕವಿದೆ ಎಂದಿದ್ದಾರೆ. ಯಮಾಗುಚಿ ಅವರು ಸೋಲ್ ಒಲಿಂಪಿಕ್ಸ್ನ(1988) ಜೂಡೊದಲ್ಲಿ ಕಂಚಿನ ಪದಕ ಗೆದ್ದುಕೊಂಡಿದ್ದರು.</p>.<p>ಮಾರ್ಚ್ 27ರಂದು ನಿಗದಿಯಾಗಿರುವ ಜೆಒಸಿ ಸಭೆಯಲ್ಲಿ ವಿಷಯ ಪ್ರಸ್ತಾಪಿಸುವುದಾಗಿಯೂ ಅವರು ತಿಳಿಸಿದ್ದಾರೆ.</p>.<p>‘ಅಮೆರಿಕ ಮತ್ತು ಯುರೋಪ್ನಿಂದ ಬಂದಿರುವ ವರದಿಗಳ ಪ್ರಕಾರ ಅಥ್ಲೀಟುಗಳು ತರಬೇತಿ ಮುಂದುವರಿಸುವ ಸ್ಥಿತಿಯಲ್ಲಿಲ್ಲ’ ಎಂದಿದ್ದಾರೆ.</p>.<p>ಈ ಬಗ್ಗೆ ತಕ್ಷಣದ ಪ್ರತಿಕ್ರಿಯೆಗೆ ಜೆಒಸಿ ಅಧಿಕಾರಿಗಳು ಲಭ್ಯರಿರಲಿಲ್ಲ. ಐಒಸಿಯ ಒಬ್ಬ ಸದಸ್ಯ ಕೂಡ ಒಲಿಂಪಿಕ್ಸ್ ಮುಂದೂಡಬೇಕೆಂಬ ನಿಲುವು ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>