<p><strong>ಪ್ಯಾರಿಸ್:</strong> ಶುಕ್ರವಾರ ಸಂಜೆ ಮತ್ತು ಶನಿವಾರ ಬೆಳಿಗ್ಗೆ ಸುರಿದ ಮಳೆಯ ಕಾರಣ ಒಲಿಂಪಿಕ್ಸ್ನಲ್ಲಿ ಹಲವು ಸ್ಪರ್ಧೆಗಳಿಗೆ ಅಡಚಣೆಯಾಗಿದೆ.</p>.<p>ಶನಿವಾರ ನಡೆಯಬೇಕಿದ್ದ ಸ್ಕೇಟ್ಬೋರ್ಡಿಂಗ್ ವಿಭಾಗದ ಮೊದಲ ಸ್ಪರ್ಧೆಯನ್ನು ಮುಂದಕ್ಕೆ ಹಾಕಲಾಗಿದೆ. ಟೆನಿಸ್ ಸ್ಪರ್ಧೆಗಳಿಗೂ ಸಮಸ್ಯೆಯಾಗಿದ್ದು, ಸ್ಪರ್ಧೆಗಳು ವಿಳಂಬವಾಗಿವೆ.</p>.<p>ಉದ್ಘಾಟನೆ ಸಮಾರಂಭಕ್ಕೆ ಮೊದಲು ಸುರಿದ ಮಳೆಯಿಂದ ಆಯೋಜಕರ ಉತ್ಸಾಹ ಸ್ವಲ್ಪ ಮಟ್ಟಿಗೆ ಕುಂದಿತ್ತು. ರಾತ್ರಿ 1.30ರ (ಭಾರತೀಯ ಕಾಲಮಾನ) ನಂತರ ಮಳೆಯ ಅಬ್ಬರ ತಗ್ಗಿದರೂ, ಹಲವು ದೇಶಗಳ ಕ್ರೀಡಾಪಟುಗಳು ದೋಣಿಯಲ್ಲಿ ನಡೆದ ಮೆರವಣಿಗೆಯಿಂದ ದೂರ ಉಳಿಸಿದ್ದರು.</p>.<p>‘ದುರದೃಷ್ಟವಶಾತ್ ಮಳೆಯಿಂದಾಗಿ ಉದ್ಘಾಟನೆ ವೇಳೆ ಹಾಜರಾಗಲು ಸಾಧ್ಯವಾಗಲಿಲ್ಲ. ಆ ವೇಳೆ ಮೊಬೈಲ್ನಲ್ಲಿ ವೀಕ್ಷಿಸುತ್ತಾ, ವಿಶ್ರಾಂತಿ ಪಡೆದೆ’ ಎಂದು ಚೀನಾದ ಬ್ಯಾಡ್ಮಿಂಟನ್ ಆಟಗಾರ್ತಿ ಹೀ ಬಿಂಗ್ಜಿಯಾವೊ ಪ್ರತಿಕ್ರಿಯಿಸಿದ್ದಾರೆ.</p>.<p>ಸ್ಕೇಟ್ಬೋರ್ಡಿಂಗ್ ಸ್ಪರ್ಧೆಯನ್ನು ಹೊರಾಂಗಣ ತಾಣ ಡೆಲಾ ಕಂಕೋರ್ಡ್ ಅರ್ಬನ್ ಪಾರ್ಕ್ನಲ್ಲಿ ನಡೆಸಲಾಗುತ್ತದೆ. ಅಂಗಣ ತೇವವಾಗಿದ್ದ ಕಾರಣ ಪುರುಷರ ವಿಭಾಗದ ಸ್ಪರ್ಧೆಯನ್ನು ಸೋಮವಾರಕ್ಕೆ ಮುಂದೂಡಲಾಗಿದೆ ಎಂದು ಕ್ರೀಡೆಯ ಆಡಳಿತ ನಿರ್ವಹಿಸುವ ‘ವಿಶ್ವ ಸ್ಕೇಟ್’ ತಿಳಿಸಿದೆ.</p>.<p>ಟೆನಿಸ್ ಸ್ಪರ್ಧೆಯ ಆರಂಭದ ದಿನವೇ ಅಭಿಮಾನಿಗಳನ್ನು ನಿರಾಸೆಗೊಳಿಸಿತು. ಚಾವಣಿಯ ಅಡಿಯಲ್ಲಿ ನಡೆಯುವ ಫಿಲಿಪ್ ಶಾಟಿಯೆ ಅಂಕಣ ಮತ್ತು ಸುಝೇನ್ ಲೆಂಗ್ಲೆನ್ ಅಂಕಣದಲ್ಲಿ ಸ್ಪರ್ಧೆಯು ಸಮಯಕ್ಕೆ ಪ್ರಾರಂಭವಾಯಿತು. ಆದರೆ, ಹೊರಾಂಗಣದಲ್ಲಿ ಸ್ಪರ್ಧೆಗಳು ವಿಳಂಬವಾದವು.</p>.<p>ಐಫೆಲ್ ಗೋಪುರದ ಸಮೀಪ ಶನಿವಾರ ನಡೆದ ಬೀಚ್ ವಾಲಿಬಾಲ್ ಸ್ಪರ್ಧೆಗೂ ಮಳೆ ಅಡಚಣೆ ಉಂಟು ಮಾಡಿತು. ಅಲ್ಲಿ ‘ಸನ್ಗ್ಲಾಸ್’ಗಳಿಗಿಂತ ಛತ್ರಿಗಳು ಮಳೆಗೆ ಸಾಕ್ಷಿಯಾಗಿದ್ದವು.</p>.<p>ನಿಗದಿಯಂತೆ ಟ್ರಯಥ್ಲಾನ್ ಸ್ಪರ್ಧೆಗಳು ಮಂಗಳವಾರ ನಡೆಯಬಹುದು ಎಂಬ ವಿಶ್ವಾಸವನ್ನು ಸಂಘಟಕರು ವ್ಯಕ್ತಪಡಿಸಿದ್ದಾರೆ. ಆದರೆ, ಭಾನುವಾರ ನಡೆಯಬೇಕಿದ್ದ ತರಬೇತಿಯನ್ನು ರದ್ದುಗೊಳಿಸುವ ಸಾಧ್ಯತೆಯಿದೆ ಎಂದಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಶುಕ್ರವಾರ ಸಂಜೆ ಮತ್ತು ಶನಿವಾರ ಬೆಳಿಗ್ಗೆ ಸುರಿದ ಮಳೆಯ ಕಾರಣ ಒಲಿಂಪಿಕ್ಸ್ನಲ್ಲಿ ಹಲವು ಸ್ಪರ್ಧೆಗಳಿಗೆ ಅಡಚಣೆಯಾಗಿದೆ.</p>.<p>ಶನಿವಾರ ನಡೆಯಬೇಕಿದ್ದ ಸ್ಕೇಟ್ಬೋರ್ಡಿಂಗ್ ವಿಭಾಗದ ಮೊದಲ ಸ್ಪರ್ಧೆಯನ್ನು ಮುಂದಕ್ಕೆ ಹಾಕಲಾಗಿದೆ. ಟೆನಿಸ್ ಸ್ಪರ್ಧೆಗಳಿಗೂ ಸಮಸ್ಯೆಯಾಗಿದ್ದು, ಸ್ಪರ್ಧೆಗಳು ವಿಳಂಬವಾಗಿವೆ.</p>.<p>ಉದ್ಘಾಟನೆ ಸಮಾರಂಭಕ್ಕೆ ಮೊದಲು ಸುರಿದ ಮಳೆಯಿಂದ ಆಯೋಜಕರ ಉತ್ಸಾಹ ಸ್ವಲ್ಪ ಮಟ್ಟಿಗೆ ಕುಂದಿತ್ತು. ರಾತ್ರಿ 1.30ರ (ಭಾರತೀಯ ಕಾಲಮಾನ) ನಂತರ ಮಳೆಯ ಅಬ್ಬರ ತಗ್ಗಿದರೂ, ಹಲವು ದೇಶಗಳ ಕ್ರೀಡಾಪಟುಗಳು ದೋಣಿಯಲ್ಲಿ ನಡೆದ ಮೆರವಣಿಗೆಯಿಂದ ದೂರ ಉಳಿಸಿದ್ದರು.</p>.<p>‘ದುರದೃಷ್ಟವಶಾತ್ ಮಳೆಯಿಂದಾಗಿ ಉದ್ಘಾಟನೆ ವೇಳೆ ಹಾಜರಾಗಲು ಸಾಧ್ಯವಾಗಲಿಲ್ಲ. ಆ ವೇಳೆ ಮೊಬೈಲ್ನಲ್ಲಿ ವೀಕ್ಷಿಸುತ್ತಾ, ವಿಶ್ರಾಂತಿ ಪಡೆದೆ’ ಎಂದು ಚೀನಾದ ಬ್ಯಾಡ್ಮಿಂಟನ್ ಆಟಗಾರ್ತಿ ಹೀ ಬಿಂಗ್ಜಿಯಾವೊ ಪ್ರತಿಕ್ರಿಯಿಸಿದ್ದಾರೆ.</p>.<p>ಸ್ಕೇಟ್ಬೋರ್ಡಿಂಗ್ ಸ್ಪರ್ಧೆಯನ್ನು ಹೊರಾಂಗಣ ತಾಣ ಡೆಲಾ ಕಂಕೋರ್ಡ್ ಅರ್ಬನ್ ಪಾರ್ಕ್ನಲ್ಲಿ ನಡೆಸಲಾಗುತ್ತದೆ. ಅಂಗಣ ತೇವವಾಗಿದ್ದ ಕಾರಣ ಪುರುಷರ ವಿಭಾಗದ ಸ್ಪರ್ಧೆಯನ್ನು ಸೋಮವಾರಕ್ಕೆ ಮುಂದೂಡಲಾಗಿದೆ ಎಂದು ಕ್ರೀಡೆಯ ಆಡಳಿತ ನಿರ್ವಹಿಸುವ ‘ವಿಶ್ವ ಸ್ಕೇಟ್’ ತಿಳಿಸಿದೆ.</p>.<p>ಟೆನಿಸ್ ಸ್ಪರ್ಧೆಯ ಆರಂಭದ ದಿನವೇ ಅಭಿಮಾನಿಗಳನ್ನು ನಿರಾಸೆಗೊಳಿಸಿತು. ಚಾವಣಿಯ ಅಡಿಯಲ್ಲಿ ನಡೆಯುವ ಫಿಲಿಪ್ ಶಾಟಿಯೆ ಅಂಕಣ ಮತ್ತು ಸುಝೇನ್ ಲೆಂಗ್ಲೆನ್ ಅಂಕಣದಲ್ಲಿ ಸ್ಪರ್ಧೆಯು ಸಮಯಕ್ಕೆ ಪ್ರಾರಂಭವಾಯಿತು. ಆದರೆ, ಹೊರಾಂಗಣದಲ್ಲಿ ಸ್ಪರ್ಧೆಗಳು ವಿಳಂಬವಾದವು.</p>.<p>ಐಫೆಲ್ ಗೋಪುರದ ಸಮೀಪ ಶನಿವಾರ ನಡೆದ ಬೀಚ್ ವಾಲಿಬಾಲ್ ಸ್ಪರ್ಧೆಗೂ ಮಳೆ ಅಡಚಣೆ ಉಂಟು ಮಾಡಿತು. ಅಲ್ಲಿ ‘ಸನ್ಗ್ಲಾಸ್’ಗಳಿಗಿಂತ ಛತ್ರಿಗಳು ಮಳೆಗೆ ಸಾಕ್ಷಿಯಾಗಿದ್ದವು.</p>.<p>ನಿಗದಿಯಂತೆ ಟ್ರಯಥ್ಲಾನ್ ಸ್ಪರ್ಧೆಗಳು ಮಂಗಳವಾರ ನಡೆಯಬಹುದು ಎಂಬ ವಿಶ್ವಾಸವನ್ನು ಸಂಘಟಕರು ವ್ಯಕ್ತಪಡಿಸಿದ್ದಾರೆ. ಆದರೆ, ಭಾನುವಾರ ನಡೆಯಬೇಕಿದ್ದ ತರಬೇತಿಯನ್ನು ರದ್ದುಗೊಳಿಸುವ ಸಾಧ್ಯತೆಯಿದೆ ಎಂದಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
