ವಿಶ್ವಕಪ್‌ ಚೆಸ್‌ ಟೂರ್ನಿ: ಡ್ರಾ ಪಂದ್ಯಗಳಲ್ಲಿ ಭಾರತದ ಆಟಗಾರರು

ಪಣಜಿ : ವಿಶ್ವಕಪ್ ಚೆಸ್ ಟೂರ್ನಿಯ ನಾಲ್ಕನೇ ಸುತ್ತಿನಲ್ಲಿ ಆಡುತ್ತಿರುವ ಭಾರತದ ಐದೂ ಆಟಗಾರರು ಮಂಗಳವಾರ ಎದುರಾಳಿಗಳ ವಿರುದ್ಧ ತಮ್ಮ ಮೊದಲ ಕ್ಲಾಸಿಕಲ್ ಆಟವನ್ನು ಡ್ರಾ ಮಾಡಿಕೊಂಡರು. ಆ ಮೂಲಕ ಮುಂದಿನ ಸುತ್ತಿಗೆ ಮುನ್ನಡೆಯುವ ಆಸೆಯನ್ನು ಜೀವಂತವಾಗಿರಿಸಿದ್ದಾರೆ.

. ನಾಲ್ಕನೇ ಸುತ್ತಿನ ಒಟ್ಟು 16 ಪಂದ್ಯಗಳಲ್ಲಿ ಎರಡರಲ್ಲಷ್ಟೇ ನಿರ್ಣಾಯಕ ಫಲಿತಾಂಶಗಳು ಬಂದವು. ಹೆಚ್ಚಿನ ಆಟಗಾರರು ಜಯಕ್ಕೆ ಯತ್ನಿಸಿ ಅಪಾಯ ಮೈಮೇಲೆ ಎಳೆದುಕೊಳ್ಳಲು ಹೋಗದೇ ಸುರಕ್ಷಿತ ಡ್ರಾಕ್ಕೆ ಒಲವು ತೋರಿದರು.

. ಎರಡನೇ ಶ್ರೇಯಾಂಕದ ಅರ್ಜುನ್ ಇರಿಗೇಶಿ, ಹಿರಿಯ ಆಟಗಾರ ಪೀಟರ್ ಲೆಕೊ (ಹಂಗೆರಿ) ಜೊತೆ ಕೇವಲ 19 ನಡೆಗಳಲ್ಲಿ ಡ್ರಾ ಸಾಧಿಸಿದರು. ಮೂರನೇ ಶ್ರೇಯಾಂಕದ ಪ್ರಜ್ಞಾನಂದ ಅವರು ಫಿಡೆ ಪ್ರತಿನಿಧಿಸಿರುವ ರಷ್ಯಾದ ಡೇನಿಯಲ್ ದುಬೋವ್ ಜೊತೆ ಪಾಯಿಂಟ್ ಹಂಚಿಕೊಂಡರು.

. ಅನುಭವಿ ಪಿ.ಹರಿಕೃಷ್ಣ ಅವರು ಸ್ವೀಡನ್ನ ನಿಲ್ಸ್ ಗ್ರಾಂಡೆಲಿಯಸ್ ಜೊತೆ ಡ್ರಾಕ್ಕೆ ಬೇಗ ಸಮ್ಮತಿಸಿದರು. ವಿಯೆಟ್ನಾಮಿನ ಪ್ರಬಲ ಆಟಗಾರ ಲೀ ಕ್ವಾಂಗ್ ಲೀಮ್ ಅವರು ಕಾರ್ತಿಕ್ ವೆಂಕಟರಾಮನ್ ಜೊತೆ ಡ್ರಾ ಮಾಡಿಕೊಂಡರು.

. ವಿ. ಪ್ರಣವ್ ಮತ್ತು ಉಜ್ಬೇಕಿಸ್ತಾನದ ನದಿರ್ಬೆಕ್ ಯಾಕುಬ್ಬೊಯೆವ್ ಕೂಡ ಪಾಯಿಂಟ್ ಹಂಚಿಕೊಂಡರು. ಜರ್ಮನಿಯ ಫ್ರೆಡರಿಕ್ ಸ್ವೇನ್ ಮತ್ತು ಅರ್ಮೇನಿಯಾದ ಶಾಂತ್ ಸರ್ಗಿಸ್ಯಾನ್ ನಡುವಣ ಆಟ ಡ್ರಾ ಆಯಿತು.

. ಅಮೆರಿಕದ ಲೆವೊನ್ ಅರೋನಿಯನ್, ಪೋಲೆಂಡ್ನ ವೊಜ್ತಾಝೆಕ್ ರಡೊಸ್ಲಾವ್ ಅವರನ್ನು ಸೋಲಿಸಿದರೆ, ಮೆಕ್ಸಿಕೊದ ಮಾರ್ಟಿನೆಜ್ ಅಲ್ಕಾಂತರ ಎಡ್ವರ್ಡೊ, ಸರ್ಬಿಯಾದ ಅಲೆಕ್ಸಿ ಸರನ ಅವರನ್ನು ಮಣಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವಕಪ್‌ ಚೆಸ್‌ ಟೂರ್ನಿ: ಡ್ರಾ ಪಂದ್ಯಗಳಲ್ಲಿ ಭಾರತದ ಆಟಗಾರರು

ಚಿನಕುರುಳಿ: ಮಂಗಳವಾರ, 11 ನವೆಂಬರ್ 2025

ಚುರುಮುರಿ: ನಾಯಿ ಪಾಡು

ದಿನ ಭವಿಷ್ಯ: ಕುಟುಂಬದಲ್ಲಿರುವ ಭಿನ್ನಾಭಿಪ್ರಾಯವನ್ನು ಹೋಗಲಾಡಿಸಲು ಸುದಿನ

ಚಿನಕುರುಳಿ: ಸೋಮವಾರ, 10 ನವೆಂಬರ್, 2025