ವಿಶ್ವ ಜೂನಿಯರ್ ಚಾಂಪಿಯನ್:ಅರ್ಜುನ್‌, ಪ್ರಜ್ಞಾನಂದ, ಹರಿಕೃಷ್ಣ- 4ನೇ ಸುತ್ತು ಆರಂಭ

ಪಣಜಿ (ಪಿಟಿಐ): ಭಾರತದ ಅಗ್ರ ಆಟಗಾರರಾದ ಅರ್ಜುನ್ ಇರಿಗೇಶಿ, ಆರ್.ಪ್ರಜ್ಞಾನಂದ ಮತ್ತು ಪಿ.ಹರಿಕೃಷ್ಣ ಅವರು ವಿಶ್ವಕಪ್ನಲ್ಲಿ ಸ್ಫೂರ್ತಿಯುತ ಓಟ ಮುಂದುವರಿಸಲು ಕಾತರರಾಗಿದ್ದಾರೆ. ಸೋಮವಾರ ಮೊದಲ ವಿಶ್ರಾಂತಿ ದಿನವಾಗಿದ್ದು, ಮಂಗಳವಾರ ನಾಲ್ಕನೇ ಸುತ್ತಿನೊಡನೆ ಟೂರ್ನಿ ಮುಂದುವರಿಯಲಿದೆ.

. ಭಾರತದ ಐವರಷ್ಟೇ 32ರ ಸುತ್ತಿಗೆ ತಲುಪಿದ್ದಾರೆ. ಅಗ್ರ ರ್ಯಾಂಕಿನ ಆಟಗಾರರಾದ ಅರ್ಜುನ್, 32ರ ಸುತ್ತಿನಲ್ಲಿ ಹಂಗೆರಿಯ ಅನುಭವಿ ಆಟಗಾರ ಪೀಟರ್ ಲೆಕೊ ಎದುರು ಆಡಲಿದ್ದು, ಗೆಲ್ಲುವ ನೆಚ್ಚಿನ ಆಟಗಾರ ಎನಿಸಿದ್ದಾರೆ.

. ಪ್ರಜ್ಞಾನಂದ ಅವರು ಫಿಡೆಯನ್ನು ಪ್ರತಿನಿಧಿಸುತ್ತಿರುವ ರಷ್ಯಾದ ಆಟಗಾರ ಡೇನಿಯಲ್ ದುಬೋವ್ ಅವರನ್ನು ಎದುರಿಸಲಿದ್ದಾರೆ. ಇವರೆಲ್ಲರಿಗಿಂತ ಅನುಭವಿ ಪೆಂಟಾಲ ಹರಿಕೃಷ್ಣ ಅವರು ಸ್ವೀಡನ್ನ ನಿಲ್ಸ್ ಗ್ರಂಡೆಲಿಯಸ್ ಅವರಿಗೆ ಮುಖಾಮುಖಿಯಾಗಿದ್ದಾರೆ. ಭಾರತದ ಈ ಮೂವರು ಮೊದಲ ಸುತ್ತಿನಲ್ಲಿ ಬೈ ಪಡೆದಿದ್ದರು.

. ಮೇಲಿನ ಮೂವರ ಜೊತೆ ವಿಶ್ವ ಜೂನಿಯರ್ ಚಾಂಪಿಯನ್ ವಿ.ಪ್ರಣವ್ ಮತ್ತು 109ನೇ ಶ್ರೇಯಾಂಕದ ಕಾರ್ತಿಕ್ ವೆಂಕಟರಾಮನ್ ಸಹ ನಾಲ್ಕನೇ ಸುತ್ತು ಆಡಲಿದ್ದಾರೆ.

. ಸುಮಾರು 20 ವರ್ಷ ಹಿಂದೆ ಪ್ರಬಲ ಆಟಗಾರನಾಗಿ ಗುರುತಿಸಿಕೊಂಡಿದ್ದ ಲೆಕೊ ಈ ಟೂರ್ನಿಯಲ್ಲಿ ತಮ್ಮ ಉತ್ತುಂಗದ ದಿನಗಳನ್ನು ನೆನಪಿಸುವಂತೆ ಆಡಿದ್ದಾರೆ. ಆದರೆ ಆಟವನ್ನು ಸಂಕೀರ್ಣ ಸ್ಥಿತಿಗೆ ಒಯ್ಯಬಲ್ಲ ಅರ್ಜುನ್ ಎದುರು 46 ವರ್ಷದ ಆಟಗಾರನಿಗೆ ಗೆಲುವು ಸುಲಭವಲ್ಲ.

. ಅರೆನಿವೃತ್ತಿಯಲ್ಲಿರುವ ಲೆಕೊ ಅವರ ಶಿಷ್ಯ ವಿನ್ಸೆಂಟ್ ಕೀಮರ್ (ಜರ್ಮನಿ) ಅವರೂ ಇಲ್ಲಿ ನಾಲ್ಕನೇ ಸುತ್ತಿಗೆ ತಲುಪಿರುವುದು ವಿಶೇಷ.

. ಅರ್ಜುನ್ ಸಹ ತಮ್ಮೆರಡೂ ಪಂದ್ಯಗಳನ್ನು ಟೈಬ್ರೇಕರ್ ನೆರವಿಲ್ಲದೇ ಜಯಿಸಿದ್ದಾರೆ. ಇದುವರೆಗೆ ಆಡಿರುವ ನಾಲ್ಕು ಪಂದ್ಯಗಳಲ್ಲಿ ಮೂರರಲ್ಲಿ ಜಯಿಸಿರುವುದು ಲಯವನ್ನು ಸೂಚಿಸಿದೆ.

. ಪ್ರೇಕ್ಷಕರ ನೆಚ್ಚಿನ ಆಟಗಾರ ಪ್ರಜ್ಞಾನಂದ ಅವರ ಎದುರಾಳಿ ದುಬೋವ್ ಅವರು ಸಿದ್ಧಾಂತಕ್ಕೆ ತಕ್ಕಂತೆ ಆಡುವುದಕ್ಕೆ ಹೆಸರುವಾಸಿ. ವೇಗ ಮತ್ತು ಕರಾರುವಾಕ್ ಆಟದಿಂದಾಗಿ ಅವರು ಈ ಹಿಂದಿನ ಸುತ್ತಿನ ದೀರ್ಘ ಟೈಬ್ರೇಕರ್ ಪಂದ್ಯಗಳಲ್ಲಿ ಬೈ ಜಿನ್ಶಿ (ಚೀನಾ) ಮತ್ತು ಉರುಗ್ವೆಯ ಜಾರ್ಜ್ ಮಿಯರ್ ಅವರನ್ನು ಸೋಲಿಸಿದ್ದಾರೆ.

. ಪ್ರಜ್ಞಾನಂದ ಎರಡನೇ ಸುತ್ತಿನಲ್ಲಿ ಗೆಲ್ಲುವ ಮೊದಲ ಉಜ್ಬೇಕ್ ಮೂಲದ ಆಸ್ಟ್ರೇಲಿಯನ್ ಆಟಗಾರ ತೆಮೂರ್ ಕುಯ್ಬಕೋವ್ ಎದುರು ಆತಂಕದ ಕ್ಷಣಗಳನ್ನು ಎದುರಿಸಿದ್ದರು.

. ಇದುವರೆಗೆ ಹರಿಕೃಷ್ಣ ಮಾತ್ರ 32ರ ಸುತ್ತಿಗೆ ಸಲೀಸಾಗಿ ಮುನ್ನಡೆದಿದ್ದಾರೆ. ಅವರು ರಷ್ಯಾದ ಅರ್ಸೆನಿ ನೆಸ್ಟೆರೋವ್ ಮತ್ತು ಬೆಲ್ಜಿಯಂನ ಡೇನಿಯ್ ದರ್ಧಾ ಅವರನ್ನು ಅಧಿಕಾರಯುತವಾಗಿ ಸೋಲಿಸಿದ್ದಾರೆ.

. ಆಯ್ದ ಮುಖಾಮುಖಿಗಳು:

. ಮಥಾಯಸ್ ಬ್ಲೂಬಾಮ್ (ಜರ್ಮನಿ)– ಅಲೆಕ್ಸಾಂಡರ್ ಡೊಮ್ಚೆಂಕೊ (ಜರ್ಮನಿ); ಫ್ರೆಡೆರಿಕ್ ಸ್ವೇನ್ (ಜರ್ಮನಿ)– ಶಾಂತ್ ಸೆರ್ಗಸಿಯನ್ (ಅರ್ಮೇನಿಯ); ಆ್ಯಂಡ್ರಿ ಇಸಿಪೆಂಕೊ (ಫಿಡೆ)– ವಿನ್ಸೆಂಟ್ ಕೀಮರ್ (ಜರ್ಮನಿ); ವಿ. ಪ್ರಣವ್– ನದಿರ್ಬಕ್ ಯಾಕುಬೊಯೆವ್ (ಉಜ್ಬೇಕಿಸ್ತಾನ), ವೀ ಯಿ (ಚೀನಾ– ಪರ್ಹಾಮ್ ಮಘಸೂಡ್ಲೂ (ಇರಾನ್); ಲಿ ಕ್ವಾಂಗ್ ಲೀಮ್ (ವಿಯೆಟ್ನಾಂ)– ಕಾರ್ತಿಕ್ ವೆಂಕಟರಾಮನ್; ಸ್ಯಾಮ್ ಶಂಕ್ಲಾಂಡ್ (ಅಮೆರಿಕ)– ರಿಚರ್ಡ್ ರ್ಯಾಪೋರ್ಟ್ (ಹಂಗೆರಿ); ಲೆವೋನ್ ಅರೋನಿಯನ್ (ಅಮೆರಿಕ)– ರಾಡೊಸ್ಲಾವ್ ವೊಜ್ತಸ್ಝೆಕ್ (ಪೋಲೆಂಡ್).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ಜೂನಿಯರ್ ಚಾಂಪಿಯನ್:ಅರ್ಜುನ್‌, ಪ್ರಜ್ಞಾನಂದ, ಹರಿಕೃಷ್ಣ- 4ನೇ ಸುತ್ತು ಆರಂಭ

ಚಿನಕುರುಳಿ: ಸೋಮವಾರ, 10 ನವೆಂಬರ್, 2025

ಚುರುಮುರಿ: ನಗುವುದೋ ಅಳುವುದೋ…

ದಿನ ಭವಿಷ್ಯ: ಉದ್ಯೋಗದಲ್ಲಿದ್ದ ಅನಿಶ್ಚಿತತೆ ದೂರಾಗಲಿದೆ; ಆದರೆ...

ಐರನ್ ಮ್ಯಾನ್ ಆದ ಮಾಜಿ ಐಪಿಎಸ್, ಬಿಜೆಪಿ ನಾಯಕ ಅಣ್ಣಾಮಲೈ

ರಿಚಾ ಘೋಷ್‌ ಹೆಸರಲ್ಲಿ ಕ್ರಿಕೆಟ್‌ ಕ್ರೀಡಾಂಗಣ ನಿರ್ಮಾಣ: ಮಮತಾ ಬ್ಯಾನರ್ಜಿ

ಪಂದ್ಯದಲ್ಲಿ ಹಿನ್ನಡೆಯಾದಾಗ ವೈಯಕ್ತಿಕ ಆಟ ಸಂಭ್ರಮಿಸಬಾರದು: ಕೋಚ್‌ ಗೌತಮ್ ಗಂಭೀರ್