<p><strong>ಪ್ಯಾರಿಸ್ (ಎಎಫ್ಪಿ):</strong> ಒಲಿಂಪಿಕ್ಸ್ನಲ್ಲಿ ಮೊದಲ ಸ್ವರ್ಣ ಗೆಲ್ಲುವ ಯತ್ನದಲ್ಲಿರುವ ನೊವಾಕ್ ಜೊಕೊವಿಚ್ ಶನಿವಾರ ಆಸ್ಟ್ರೇಲಿಯಾದ ಮ್ಯಾಥ್ಯೂ ಎಬ್ಡೆನ್ ಅವರನ್ನು 6–0, 6–1 ರಿಂದ ಸೋಲಿಸಿ ಶುಭಾರಂಭ ಮಾಡಿದರು. ಆ ಮೂಲಕ ಎರಡನೇ ಸುತ್ತಿನಲ್ಲಿ ರಫೆಲ್ ನಡಾಲ್ ಜೊತೆ ಸಂಭವನೀಯ ಹೋರಾಟಕ್ಕೆ ಸಜ್ಜಾದರು.</p><p>ಮಳೆಯಿಂದ ರೋಲಂಡ್ ಗ್ಯಾರೋಸ್ನಲ್ಲಿ ಕೆಲವು ಪಂದ್ಯಗಳು ಸಕಾಲಕ್ಕೆ ಆರಂಭವಾಗಲಿಲ್ಲ. ಆದರೆ ಫಿಲಿಪ್ ಶಾಟಿಯೆ ಕೋರ್ಟ್ನಲ್ಲಿ ಛಾವಣಿಯಡಿ ಆಡಿದ ಜೊಕೊವಿಚ್ ಕೇವಲ 54 ನಿಮಿಷಗಳಲ್ಲಿ ಪಂದ್ಯ ಗೆದ್ದರು.</p><p>ಕೆಲವು ಪಂದ್ಯಗಳು ಆರು ಗಂಟೆ ತಡವಾದವು. ಎರಡು ವಾರಗಳ ಹಿಂದೆ ವಿಂಬಲ್ಡನ್ ಫೈನಲ್ನಲ್ಲಿ ಜೊಕೊವಿಚ್ ಅವರನ್ನು ಸೋಲಿಸಿದ್ದ ಕಾರ್ಲೊಸ್ ಅಲ್ಕಾರೆಜ್ ಅವರು ಲೆಬನಾನ್ನ ಹದಿ ಹಬೀಬ್ ಅವರನ್ನು ಸುಲಭವಾಗಿ ಸೋಲಿಸಿದರು.</p><p>ಮಹಿಳೆಯರ ವಿಭಾಗದಲ್ಲಿ ಅಗ್ರ ಕ್ರಮಾಂಕದ ಇಗಾ ಶ್ವಾಂಟೆಕ್, ಐರಿನಾ ಕ್ಯಾಮಿಲಿಯಾ–ಬೇಗು ಅವರನ್ನು ಸುಲಭವಾಗಿ ಸೋಲಿಸಿದರು.</p><p>ತೊಡೆಯ ನೋವಿನಿಂದ ಬಳಲುತ್ತಿರುವ ನಡಾಲ್, ಭಾನುವಾರ ಮೊದಲ ಸುತ್ತಿನ ಪಂದ್ಯದಲ್ಲಿ ಮಾರ್ಟನ್ ಫುಸ್ಕೊವಿಕ್ಸ್ ಅವರನ್ನು ಎದುರಿಸಲಿದ್ದು, ಗೆದ್ದಲ್ಲಿ ಜೊಕೊವಿಚ್ ಅವರ ಮುಂದಿನ ಎದುರಾಳಿ ಆಗಲಿದ್ದಾರೆ.</p><p>‘ರೋಲಂಡ್ ಗ್ಯಾರೋಸ್ನಲ್ಲಿ ನಡಾಲ್ ದಾಖಲೆಗಳೇ ಎಲ್ಲವನ್ನೂ ಹೇಳುತ್ತವೆ’ ಎಂದು ಜೊಕೊವಿಚ್ ಅವರು ಸಂಭವನೀಯ ಎದುರಾಳಿಯ ಬಗ್ಗೆ ಮೆಚ್ಚುಗೆಯ ಮಾತು ಆಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್ (ಎಎಫ್ಪಿ):</strong> ಒಲಿಂಪಿಕ್ಸ್ನಲ್ಲಿ ಮೊದಲ ಸ್ವರ್ಣ ಗೆಲ್ಲುವ ಯತ್ನದಲ್ಲಿರುವ ನೊವಾಕ್ ಜೊಕೊವಿಚ್ ಶನಿವಾರ ಆಸ್ಟ್ರೇಲಿಯಾದ ಮ್ಯಾಥ್ಯೂ ಎಬ್ಡೆನ್ ಅವರನ್ನು 6–0, 6–1 ರಿಂದ ಸೋಲಿಸಿ ಶುಭಾರಂಭ ಮಾಡಿದರು. ಆ ಮೂಲಕ ಎರಡನೇ ಸುತ್ತಿನಲ್ಲಿ ರಫೆಲ್ ನಡಾಲ್ ಜೊತೆ ಸಂಭವನೀಯ ಹೋರಾಟಕ್ಕೆ ಸಜ್ಜಾದರು.</p><p>ಮಳೆಯಿಂದ ರೋಲಂಡ್ ಗ್ಯಾರೋಸ್ನಲ್ಲಿ ಕೆಲವು ಪಂದ್ಯಗಳು ಸಕಾಲಕ್ಕೆ ಆರಂಭವಾಗಲಿಲ್ಲ. ಆದರೆ ಫಿಲಿಪ್ ಶಾಟಿಯೆ ಕೋರ್ಟ್ನಲ್ಲಿ ಛಾವಣಿಯಡಿ ಆಡಿದ ಜೊಕೊವಿಚ್ ಕೇವಲ 54 ನಿಮಿಷಗಳಲ್ಲಿ ಪಂದ್ಯ ಗೆದ್ದರು.</p><p>ಕೆಲವು ಪಂದ್ಯಗಳು ಆರು ಗಂಟೆ ತಡವಾದವು. ಎರಡು ವಾರಗಳ ಹಿಂದೆ ವಿಂಬಲ್ಡನ್ ಫೈನಲ್ನಲ್ಲಿ ಜೊಕೊವಿಚ್ ಅವರನ್ನು ಸೋಲಿಸಿದ್ದ ಕಾರ್ಲೊಸ್ ಅಲ್ಕಾರೆಜ್ ಅವರು ಲೆಬನಾನ್ನ ಹದಿ ಹಬೀಬ್ ಅವರನ್ನು ಸುಲಭವಾಗಿ ಸೋಲಿಸಿದರು.</p><p>ಮಹಿಳೆಯರ ವಿಭಾಗದಲ್ಲಿ ಅಗ್ರ ಕ್ರಮಾಂಕದ ಇಗಾ ಶ್ವಾಂಟೆಕ್, ಐರಿನಾ ಕ್ಯಾಮಿಲಿಯಾ–ಬೇಗು ಅವರನ್ನು ಸುಲಭವಾಗಿ ಸೋಲಿಸಿದರು.</p><p>ತೊಡೆಯ ನೋವಿನಿಂದ ಬಳಲುತ್ತಿರುವ ನಡಾಲ್, ಭಾನುವಾರ ಮೊದಲ ಸುತ್ತಿನ ಪಂದ್ಯದಲ್ಲಿ ಮಾರ್ಟನ್ ಫುಸ್ಕೊವಿಕ್ಸ್ ಅವರನ್ನು ಎದುರಿಸಲಿದ್ದು, ಗೆದ್ದಲ್ಲಿ ಜೊಕೊವಿಚ್ ಅವರ ಮುಂದಿನ ಎದುರಾಳಿ ಆಗಲಿದ್ದಾರೆ.</p><p>‘ರೋಲಂಡ್ ಗ್ಯಾರೋಸ್ನಲ್ಲಿ ನಡಾಲ್ ದಾಖಲೆಗಳೇ ಎಲ್ಲವನ್ನೂ ಹೇಳುತ್ತವೆ’ ಎಂದು ಜೊಕೊವಿಚ್ ಅವರು ಸಂಭವನೀಯ ಎದುರಾಳಿಯ ಬಗ್ಗೆ ಮೆಚ್ಚುಗೆಯ ಮಾತು ಆಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
