<p><strong>ಲಂಡನ್ </strong>(ರಾಯಿಟರ್ಸ್/ ಎಎಫ್ಪಿ): ಸತತ ನಾಲ್ಕನೇ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿರುವ ಸರ್ಬಿಯದ ನೊವಾಕ್ ಜೊಕೊವಿಚ್ ವಿಂಬಲ್ಡನ್ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p>.<p>ಭಾನುವಾರ ರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಪ್ರೀಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಅವರು 6-2, 4-6, 6-1, 6-2 ರಲ್ಲಿ ನೆದರ್ಲೆಂಡ್ಸ್ನ ಟಿಮ್ ವ್ಯಾನ್ ರಿಜ್ಥೊವೆನ್ ಅವರನ್ನು ಮಣಿಸಿದರು.</p>.<p>ಇಲ್ಲಿ ಅಗ್ರಶ್ರೇಯಾಂಕ ಪಡೆದಿರುವ ಜೊಕೊವಿಚ್, ಆಲ್ ಇಂಗ್ಲೆಂಡ್ ಕ್ಲಬ್ನಲ್ಲಿ 13ನೇ ಬಾರಿ ಕ್ವಾರ್ಟರ್ಫೈನಲ್ ಪ್ರವೇಶಿಸಿದ ಸಾಧನೆ ಮಾಡಿದರು.</p>.<p>2017 ರ ಟೂರ್ನಿಯ ಕ್ವಾರ್ಟರ್ ಫೈನಲ್ನಲ್ಲಿ ಥಾಮಸ್ ಬೆರ್ಡಿಚ್ ಎದುರು ಆಡುತ್ತಿದ್ದಾಗ ಗಾಯಗೊಂಡು ಹಿಂದೆ ಸರಿದಿದ್ದ ಸರ್ಬಿಯದ ಆಟಗಾರ, ಆ ಬಳಿಕ ಇಲ್ಲಿ ಅಜೇಯ ಓಟ ಮುಂದುವರಿಸಿದ್ದಾರೆ.</p>.<p>ಮೊದಲ ಸೆಟ್ನಲ್ಲಿ ಎರಡು ಸಲ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿದ ಜೊಕೊವಿಚ್, 6–2 ರಲ್ಲಿ ಗೆದ್ದು ಮುನ್ನಡೆ ಸಾಧಿಸಿದರು.</p>.<p>ವಿಂಬಲ್ಡನ್ ಟೂರ್ನಿಗೆ ವೈಲ್ಡ್ಕಾರ್ಡ್ ಪ್ರವೇಶ ಪಡೆದಿದ್ದ ರಿಜ್ಥೊವೆನ್ ಎರಡನೇ ಸೆಟ್ನಲ್ಲಿ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿ ಅಚ್ಚರಿ ಉಂಟುಮಾಡಿದರು. ತಮ್ಮ ಎಲ್ಲ ಸರ್ವ್ಗಳಲ್ಲಿ ಪಾಯಿಂಟ್ ಗಿಟ್ಟಿಸಿ ಸೆಟ್ ಗೆದ್ದರಲ್ಲದೆ 1–1 ರಲ್ಲಿ ಸಮಬಲ ಸಾಧಿಸಿದರು.</p>.<p>ಆದರೆ ಮುಂದಿನ ಎರಡೂ ಸೆಟ್ಗಳಲ್ಲಿ ಜೊಕೊವಿಚ್ ಪೂರ್ಣ ಪ್ರಭುತ್ವ ಸಾಧಿಸಿದರು. ಕೇವಲ ಮೂರು ಗೇಮ್ಗಳನ್ನು ಎದುರಾಳಿಗೆ ಬಿಟ್ಟುಕೊಟ್ಟು 2 ಗಂಟೆ 39 ನಿಮಿಷಗಳಲ್ಲಿ ಗೆಲುವಿನ ನಗು ಬೀರಿದರು.</p>.<p>ಜೊಕೊವಿಚ್ ಅವರು ಶುಕ್ರವಾರ ನಡೆಯಲಿರುವ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಇಟಲಿಯ ಯಾನಿಕ್ ಸಿನೆರ್ ವಿರುದ್ಧ ಪೈಪೋಟಿ ನಡೆಸುವರು.</p>.<p>20ರ ಹರೆಯದ ಸಿನೆರ್ ಅವರು ಇನ್ನೊಂದು ಪ್ರೀಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ 6-1, 6-4, 6-7(8), 6-3 ರಲ್ಲಿ ಐದನೇ ಶ್ರೇಯಾಂಕದ ಆಟಗಾರ ಸ್ಪೇನ್ನ ಕಾರ್ಲೊಸ್ ಅಲ್ಕಾರಜ್ ಅವರನ್ನು ಮಣಿಸಿದರು.</p>.<p>ನೋರಿ, ಗೊಫಿನ್ಗೆ ಗೆಲುವು: ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಆತಿಥೇಯ ದೇಶದ ಭರವಸೆ ಎನಿಸಿರುವ ಕ್ಯಾಮರನ್ ನೋರಿ ಮತ್ತು ಬೆಲ್ಜಿಯಂನ ಡೇವಿಡ್ ಗೊಫಿನ್ ಎಂಟರಘಟ್ಟ ಪ್ರವೇಶಿಸಿದರು.</p>.<p>ಒಂಬತ್ತನೇ ಶ್ರೇಯಾಂಕದ ಆಟಗಾರ ನೋರಿ 6-4 7-5 6-4 ರಲ್ಲಿ ಅಮೆರಿಕದ ಟಾಮಿ ಪೌಲ್ ವಿರುದ್ಧ ಗೆದ್ದರು. ವಿಂಬಲ್ಡನ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಕ್ವಾರ್ಟರ್ಫೈನಲ್ ಪ್ರವೇಶಿಸಿದ ಬ್ರಿಟನ್ನ ಐದನೇ ಆಟಗಾರ ಎಂಬ ಗೌರವ ಅವರಿಗೆ ಒಲಿಯಿತು.</p>.<p>ರೋಚಕ ಹೋರಾಟ ನಡೆದ ಪಂದ್ಯದಲ್ಲಿ ಗೊಫಿನ್ ಅವರು 7-6(3), 5-7, 5-7, 6-4, 7-5 ರಲ್ಲಿ ಅಮೆರಿಕದ ಫ್ರಾನ್ಸೆಸ್ ಟಿಯಾಫೊ ಅವರನ್ನು ಸೋಲಿಸಿದರು.</p>.<p>ಎಂಟರಘಟ್ಟಕ್ಕೆ ಜಬೇರ್: ಟುನೀಷ್ಯದ ಆನ್ಸ್ ಜಬೇರ್ ಮಹಿಳೆಯರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು. ಅವರು 7–6, 6–4 ರಲ್ಲಿ ಬೆಲ್ಜಿಯಂನ ಎಲೈಸ್ ಮಾರ್ಟೆನ್ಸ್ ಎದುರು ಜಯ ಸಾಧಿಸಿದರು.</p>.<p>ಇನ್ನೊಂದು ಪಂದ್ಯದಲ್ಲಿ ಜರ್ಮನಿಯ ಯೂಲ್ ನೀಮಯೆರ್ 6–2, 6–4 ರಲ್ಲಿ ಬ್ರಿಟನ್ನ ಹೆದರ್ ವಾಟ್ಸನ್ ಅವರನ್ನು ಸೋಲಿಸಿದರು.</p>.<p><strong>ಸಿಸಿಪಸ್, ಕಿರ್ಗಿಯೊಸ್ಗೆ ದಂಡ</strong></p>.<p>ವಿಂಬಲ್ಡನ್ ಟೂರ್ನಿಯ ಪಂದ್ಯದ ವೇಳೆ ಕ್ರೀಡಾಸ್ಫೂರ್ತಿಗೆ ವಿರುದ್ಧವಾಗಿ ವರ್ತಿಸಿದ ಸ್ಟೆಫಾನೊಸ್ ಸಿಸಿಪಸ್ಗೆ ₹ 7.80 ಲಕ್ಷ ಹಾಗೂ ನಿಕ್ ಕಿರ್ಗಿಯೊಸ್ಗೆ ₹ 3.15 ಲಕ್ಷ ದಂಡ ವಿಧಿಸಲಾಗಿದೆ.</p>.<p>ಇವರಿಬ್ಬರ ನಡುವಿನ ಮೂರನೇ ಸುತ್ತಿನ ಪಂದ್ಯ ಕಾವೇರುವಂತೆ ಮಾಡಿತ್ತು. ಸಿಸಿಪಸ್ ಅವರು ಹತಾಶೆಯಿಂದ ಚೆಂಡನ್ನು ಪ್ರೇಕ್ಷಕರತ್ತ ಹೊಡೆದಿದ್ದರು. ಕಿರ್ಗಿಯೊಸ್ ಅಶ್ಲೀಲ ಪದಗಳನ್ನು ಬಳಸಿ ತೆಗಳಿದ್ದರು.</p>.<p>ಮೊದಲ ಸುತ್ತಿನ ಪಂದ್ಯದ ವೇಳೆ ಪ್ರೇಕ್ಷಕನತ್ತ ಉಗುಳಿದ್ದಕ್ಕೆ ಕಿರ್ಗಿಯೊಸ್ಗೆ ₹ 7.80 ಲಕ್ಷ ದಂಡ ವಿಧಿಸಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ </strong>(ರಾಯಿಟರ್ಸ್/ ಎಎಫ್ಪಿ): ಸತತ ನಾಲ್ಕನೇ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿರುವ ಸರ್ಬಿಯದ ನೊವಾಕ್ ಜೊಕೊವಿಚ್ ವಿಂಬಲ್ಡನ್ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p>.<p>ಭಾನುವಾರ ರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಪ್ರೀಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಅವರು 6-2, 4-6, 6-1, 6-2 ರಲ್ಲಿ ನೆದರ್ಲೆಂಡ್ಸ್ನ ಟಿಮ್ ವ್ಯಾನ್ ರಿಜ್ಥೊವೆನ್ ಅವರನ್ನು ಮಣಿಸಿದರು.</p>.<p>ಇಲ್ಲಿ ಅಗ್ರಶ್ರೇಯಾಂಕ ಪಡೆದಿರುವ ಜೊಕೊವಿಚ್, ಆಲ್ ಇಂಗ್ಲೆಂಡ್ ಕ್ಲಬ್ನಲ್ಲಿ 13ನೇ ಬಾರಿ ಕ್ವಾರ್ಟರ್ಫೈನಲ್ ಪ್ರವೇಶಿಸಿದ ಸಾಧನೆ ಮಾಡಿದರು.</p>.<p>2017 ರ ಟೂರ್ನಿಯ ಕ್ವಾರ್ಟರ್ ಫೈನಲ್ನಲ್ಲಿ ಥಾಮಸ್ ಬೆರ್ಡಿಚ್ ಎದುರು ಆಡುತ್ತಿದ್ದಾಗ ಗಾಯಗೊಂಡು ಹಿಂದೆ ಸರಿದಿದ್ದ ಸರ್ಬಿಯದ ಆಟಗಾರ, ಆ ಬಳಿಕ ಇಲ್ಲಿ ಅಜೇಯ ಓಟ ಮುಂದುವರಿಸಿದ್ದಾರೆ.</p>.<p>ಮೊದಲ ಸೆಟ್ನಲ್ಲಿ ಎರಡು ಸಲ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿದ ಜೊಕೊವಿಚ್, 6–2 ರಲ್ಲಿ ಗೆದ್ದು ಮುನ್ನಡೆ ಸಾಧಿಸಿದರು.</p>.<p>ವಿಂಬಲ್ಡನ್ ಟೂರ್ನಿಗೆ ವೈಲ್ಡ್ಕಾರ್ಡ್ ಪ್ರವೇಶ ಪಡೆದಿದ್ದ ರಿಜ್ಥೊವೆನ್ ಎರಡನೇ ಸೆಟ್ನಲ್ಲಿ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿ ಅಚ್ಚರಿ ಉಂಟುಮಾಡಿದರು. ತಮ್ಮ ಎಲ್ಲ ಸರ್ವ್ಗಳಲ್ಲಿ ಪಾಯಿಂಟ್ ಗಿಟ್ಟಿಸಿ ಸೆಟ್ ಗೆದ್ದರಲ್ಲದೆ 1–1 ರಲ್ಲಿ ಸಮಬಲ ಸಾಧಿಸಿದರು.</p>.<p>ಆದರೆ ಮುಂದಿನ ಎರಡೂ ಸೆಟ್ಗಳಲ್ಲಿ ಜೊಕೊವಿಚ್ ಪೂರ್ಣ ಪ್ರಭುತ್ವ ಸಾಧಿಸಿದರು. ಕೇವಲ ಮೂರು ಗೇಮ್ಗಳನ್ನು ಎದುರಾಳಿಗೆ ಬಿಟ್ಟುಕೊಟ್ಟು 2 ಗಂಟೆ 39 ನಿಮಿಷಗಳಲ್ಲಿ ಗೆಲುವಿನ ನಗು ಬೀರಿದರು.</p>.<p>ಜೊಕೊವಿಚ್ ಅವರು ಶುಕ್ರವಾರ ನಡೆಯಲಿರುವ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಇಟಲಿಯ ಯಾನಿಕ್ ಸಿನೆರ್ ವಿರುದ್ಧ ಪೈಪೋಟಿ ನಡೆಸುವರು.</p>.<p>20ರ ಹರೆಯದ ಸಿನೆರ್ ಅವರು ಇನ್ನೊಂದು ಪ್ರೀಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ 6-1, 6-4, 6-7(8), 6-3 ರಲ್ಲಿ ಐದನೇ ಶ್ರೇಯಾಂಕದ ಆಟಗಾರ ಸ್ಪೇನ್ನ ಕಾರ್ಲೊಸ್ ಅಲ್ಕಾರಜ್ ಅವರನ್ನು ಮಣಿಸಿದರು.</p>.<p>ನೋರಿ, ಗೊಫಿನ್ಗೆ ಗೆಲುವು: ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಆತಿಥೇಯ ದೇಶದ ಭರವಸೆ ಎನಿಸಿರುವ ಕ್ಯಾಮರನ್ ನೋರಿ ಮತ್ತು ಬೆಲ್ಜಿಯಂನ ಡೇವಿಡ್ ಗೊಫಿನ್ ಎಂಟರಘಟ್ಟ ಪ್ರವೇಶಿಸಿದರು.</p>.<p>ಒಂಬತ್ತನೇ ಶ್ರೇಯಾಂಕದ ಆಟಗಾರ ನೋರಿ 6-4 7-5 6-4 ರಲ್ಲಿ ಅಮೆರಿಕದ ಟಾಮಿ ಪೌಲ್ ವಿರುದ್ಧ ಗೆದ್ದರು. ವಿಂಬಲ್ಡನ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಕ್ವಾರ್ಟರ್ಫೈನಲ್ ಪ್ರವೇಶಿಸಿದ ಬ್ರಿಟನ್ನ ಐದನೇ ಆಟಗಾರ ಎಂಬ ಗೌರವ ಅವರಿಗೆ ಒಲಿಯಿತು.</p>.<p>ರೋಚಕ ಹೋರಾಟ ನಡೆದ ಪಂದ್ಯದಲ್ಲಿ ಗೊಫಿನ್ ಅವರು 7-6(3), 5-7, 5-7, 6-4, 7-5 ರಲ್ಲಿ ಅಮೆರಿಕದ ಫ್ರಾನ್ಸೆಸ್ ಟಿಯಾಫೊ ಅವರನ್ನು ಸೋಲಿಸಿದರು.</p>.<p>ಎಂಟರಘಟ್ಟಕ್ಕೆ ಜಬೇರ್: ಟುನೀಷ್ಯದ ಆನ್ಸ್ ಜಬೇರ್ ಮಹಿಳೆಯರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು. ಅವರು 7–6, 6–4 ರಲ್ಲಿ ಬೆಲ್ಜಿಯಂನ ಎಲೈಸ್ ಮಾರ್ಟೆನ್ಸ್ ಎದುರು ಜಯ ಸಾಧಿಸಿದರು.</p>.<p>ಇನ್ನೊಂದು ಪಂದ್ಯದಲ್ಲಿ ಜರ್ಮನಿಯ ಯೂಲ್ ನೀಮಯೆರ್ 6–2, 6–4 ರಲ್ಲಿ ಬ್ರಿಟನ್ನ ಹೆದರ್ ವಾಟ್ಸನ್ ಅವರನ್ನು ಸೋಲಿಸಿದರು.</p>.<p><strong>ಸಿಸಿಪಸ್, ಕಿರ್ಗಿಯೊಸ್ಗೆ ದಂಡ</strong></p>.<p>ವಿಂಬಲ್ಡನ್ ಟೂರ್ನಿಯ ಪಂದ್ಯದ ವೇಳೆ ಕ್ರೀಡಾಸ್ಫೂರ್ತಿಗೆ ವಿರುದ್ಧವಾಗಿ ವರ್ತಿಸಿದ ಸ್ಟೆಫಾನೊಸ್ ಸಿಸಿಪಸ್ಗೆ ₹ 7.80 ಲಕ್ಷ ಹಾಗೂ ನಿಕ್ ಕಿರ್ಗಿಯೊಸ್ಗೆ ₹ 3.15 ಲಕ್ಷ ದಂಡ ವಿಧಿಸಲಾಗಿದೆ.</p>.<p>ಇವರಿಬ್ಬರ ನಡುವಿನ ಮೂರನೇ ಸುತ್ತಿನ ಪಂದ್ಯ ಕಾವೇರುವಂತೆ ಮಾಡಿತ್ತು. ಸಿಸಿಪಸ್ ಅವರು ಹತಾಶೆಯಿಂದ ಚೆಂಡನ್ನು ಪ್ರೇಕ್ಷಕರತ್ತ ಹೊಡೆದಿದ್ದರು. ಕಿರ್ಗಿಯೊಸ್ ಅಶ್ಲೀಲ ಪದಗಳನ್ನು ಬಳಸಿ ತೆಗಳಿದ್ದರು.</p>.<p>ಮೊದಲ ಸುತ್ತಿನ ಪಂದ್ಯದ ವೇಳೆ ಪ್ರೇಕ್ಷಕನತ್ತ ಉಗುಳಿದ್ದಕ್ಕೆ ಕಿರ್ಗಿಯೊಸ್ಗೆ ₹ 7.80 ಲಕ್ಷ ದಂಡ ವಿಧಿಸಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
