US Open 2025: ಯುಕಿ ಭಾಂಬ್ರಿ ಜೀವನಶ್ರೇಷ್ಠ ಸಾಧನೆ; ಸೆಮೀಸ್‌ಗೆ ಲಗ್ಗೆ

ನ್ಯೂಯಾರ್ಕ್ : ಭಾರತದ ಯುಕಿ ಭಾಂಬ್ರಿ ಮೊದಲ ಬಾರಿ ಗ್ರ್ಯಾನ್ಸ್ಲಾಮ್ ಟೂರ್ನಿಯೊಂದರ ಸೆಮಿಫೈನಲ್ಗೆ ಮುನ್ನಡೆದರು. ಅಮೆರಿಕ ಓಪನ್ ಪುರುಷರ ಡಬಲ್ಸ್ನಲ್ಲಿ ನ್ಯೂಜಿಲೆಂಡ್ನ ಮೈಕೆಲ್ ವೀನಸ್ ಜೊತೆಗೂಡಿದ ಅವರು ಬುಧವಾರ ರಾತ್ರಿ 11ನೇ ಶ್ರೇಯಾಂಕದ ಎದುರಾಳಿಗಳ ಮೇಲೆ ಜಯಗಳಿಸಿದರು.

ಕೋರ್ಟ್ ನಂಬರ್ 17ರಲ್ಲಿ ಭಾಂಬ್ರಿ– ಮೈಕೆಲ್ ಜೋಡಿ 6–3, 6–7 (8), 6–3 ರಿಂದ ಕ್ರೊವೇಷ್ಯಾದ ಮೆಟ್ಕಿಕ್– ಅಮೆರಿಕದ ರಾಜೀವ್ ರಾಮ್ ಜೋಡಿಯನ್ನು ಸೋಲಿಸಿತು. ಇದಕ್ಕೆ ಮೊದಲು ಇಂಡೊ–ನ್ಯೂಜಿಲೆಂಡ್ ಜೋಡಿ 16ರ ಸುತ್ತಿನಲ್ಲಿ ನಾಲ್ಕನೇ ಶ್ರೇಯಾಂಕದ ಕೆವಿನ್ ಕ್ರಾವಿಟ್ಝ್–ಟಿಮ್ ಪುಯೆಟ್ಝ್ ಜೋಡಿಯನ್ನು ಮಣಿಸಿತ್ತು.

ಸೆಮಿಫೈನಲ್ನಲ್ಲಿ ಭಾಂಬ್ರಿ– ಮೈಕೆಲ್ ಜೋಡಿ ಆರನೇ ಶ್ರೇಯಾಂಕದ ಜೋ ಸ್ಯಾಲಿಸ್ಬರಿ– ನೀಲ್ ಸ್ಕುಪ್ಸ್ಕಿ (ಬ್ರಿಟನ್) ಜೋಡಿಯನ್ನು ಎದುರಿಸಲಿದೆ.

33 ವರ್ಷದ ಭಾಂಬ್ರಿ ಅವರಿಗೆ ಈ ಯಶಸ್ಸು ವೃತ್ತಿಜೀವನದ ಮಹತ್ವದ ಮೈಲಿಗಲ್ಲು ಆಯಿತು. ಗಾಯದ ಸಮಸ್ಯೆ ಎದುರಿಸಿದ್ದ ಮತ್ತು ಸಿಂಗಲ್ಸ್ನಿಂದ ಡಬಲ್ಸ್ ಆಟಗಾರನಾಗಿ ಪರಿವರ್ತನೆಗೊಂಡ ನಂತರ ಈ ವರ್ಷ ಅವರು ಸುಧಾರಿತ ಪ್ರದರ್ಶನ ನೀಡಿದ್ದಾರೆ.

ಜೂನಿಯರ್ ವಿಭಾಗದಲ್ಲಿ ವಿಶ್ವದ ಮಾಜಿ ಅಗ್ರ ಕ್ರಮಾಂಕದ ಆಟಗಾರ ಮತ್ತು 2009ರ ಆಸ್ಟ್ರೇಲಿಯನ್ ಓಪನ್ ಬಾಲಕರ ಚಾಂಪಿಯನ್ ಆಗಿದ್ದ ಭಾಂಬ್ರಿ ಮೊದಲ ಬಾರಿ ಸೀನಿಯರ್ ಗ್ರ್ಯಾನ್ಸ್ಲಾಮ್ ಟೂರ್ನಿಯಲ್ಲಿ ಅತ್ಯುತ್ತಮ ಫಲಿತಾಂಶ ಗಳಿಸಿದ್ದಾರೆ.

‘ಇಂಥ ಕಠಿಣ ಪಂದ್ಯ ದೊರಕಿದ್ದಕ್ಕೆ ಕೃತಜ್ಞತೆ ಹೇಳುವೆ. ಹಲವು ಗ್ರ್ಯಾಂಡ್ಸ್ಲಾಮ್ ಟೂರ್ನಿಗಳ ಚಾಂಪಿಯನ್ ಆಗಿ ಅಪಾರ ಅನುಭವ ಹೊಂದಿದ್ದ ಎದುರಾಳಿಗಳು ನಮಗೆ ತುಂಬಾ ಕಠಿಣ ಪೈಪೋಟಿ ಒಡ್ಡಿದರು’ ಎಂದು ಅವರು ಜಿಯೊ ಹಾಟ್ಸ್ಟಾರ್ಗೆ ನೀಡಿದ ಸಂದರ್ಶನದಲ್ಲಿ ಅವರು ತಿಳಿಸಿದ್ದಾರೆ.

‘ಮೈಕೆಲ್ ವೀನಸ್ ಅವರನ್ನು ಮರಳಿ ಜೊತೆಗಾರನನ್ನಾಗಿ ಮಾಡಿಕೊಂಡ ನಿರ್ಧಾರ ಸಕಾಲಿಕವಾಯಿತು. ಅವರ ವಿರುದ್ಧ ಸಿಂಗಲ್ಸ್ನಲ್ಲಿ ಆಡಿದ್ದೆ. ವಿರುದ್ಧ ಆಡುವ ಬದಲು ಜೊತೆಗಾರನಾಗಿ ಆಡಿದರೆ ಚೆನ್ನ ಎನಿಸಿತು’ ಎಂದಿದ್ದಾರೆ.

ಇದರೊಂದಿಗೆ ಡಬಲ್ಸ್ನಲ್ಲಿ ಭಾರತದ ಶ್ರೀಮಂತ ಪರಂಪರೆ ಮುಂದುವರಿಯಿತು. ಲಿಯಾಂಡರ್ ಪೇಸ್, ಮಹೇಶ್ ಭೂಪತಿ, ರೋಹನ್ ಬೋಪಣ್ಣ ಅವರು ಈ ಹಿಂದೆ ಗ್ರ್ಯಾನ್ಸ್ಲಾಮ್ ಟೂರ್ನಿಗಳಲ್ಲಿ ವಿಜೇತರಾಗಿದ್ದರು.

.US Open: ಯೂಕಿ ಮೊದಲ ಬಾರಿ ಗ್ರ್ಯಾನ್ಸ್ಲಾಮ್ ಟೂರ್ನಿಯ ಕ್ವಾರ್ಟರ್ಗೆ ಲಗ್ಗೆ.US Open 2025: ಸೆಮಿಫೈನಲ್ನಲ್ಲಿ ಜೊಕೊವಿಕ್-ಅಲ್ಕರಾಜ್ ಸೆಣಸು. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

US Open 2025: ಯುಕಿ ಭಾಂಬ್ರಿ ಜೀವನಶ್ರೇಷ್ಠ ಸಾಧನೆ; ಸೆಮೀಸ್‌ಗೆ ಲಗ್ಗೆ

ಚಿನಕುರುಳಿ | ಶನಿವಾರ, 25 ಅಕ್ಟೋಬರ್‌ ‌2025

ಚುರುಮುರಿ: ಸಿದ್ಧಾಂತದ ಫಲ!

ಪೋಷಕರು ಮಾಡಿದ ಆಸ್ತಿ ಪರಭಾರೆಯನ್ನು ವಯಸ್ಕರಾದ ಬಳಿಕ ನಿರಾಕರಿಸಬಹುದು:’ಸುಪ್ರೀಂ’

ಚಿನಕುರುಳಿ | ಶುಕ್ರವಾರ, 24 ಅಕ್ಟೋಬರ್‌ ‌2025

IND vs AUS | ಆಸೀಸ್ ವಿರುದ್ಧ ಆಕರ್ಷಕ ಅರ್ಧಶತಕ: ಸಚಿನ್ ದಾಖಲೆ ಮುರಿದ ವಿರಾಟ್

ಆಸೀಸ್ ವಿರುದ್ಧ ಮೂರನೇ ಏಕದಿನ ಪಂದ್ಯದಲ್ಲಿ ರೋಹಿತ್‌, ವಿರಾಟ್ ಬರೆದ ದಾಖಲೆಗಳಿವು..

ಏಕದಿನ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ಸ್: ಸಂಗಕ್ಕರ ದಾಖಲೆ ಮುರಿದ ಕೊಹ್ಲಿ

Ind vs AUS | ರೋ–ಕೊ ಜೋಡಿ ಕಮಾಲ್: ಕೊನೆಯ ಪಂದ್ಯದಲ್ಲಿ ಭಾರತಕ್ಕೆ ಭರ್ಜರಿ ಗೆಲುವು

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

Firecracker Scam | ಹೆಸರಿಗೆ ಹಸಿರು: ಒಳಗೆ ‘ವಿಷ’

ಒಳನೋಟ | ಭೂಮಾಫಿಯಾದ ಮಾಯಾಜಾಲ: ನಿಮ್ಮ ಮನೆಯನ್ನೂ ಕಸಿದಾರು ಹುಷಾರು

ಒಳನೋಟ | ಉದ್ಯೋಗಕ್ಕೆ ನಿತ್ಯ ವಲಸೆ

ಚಿನಕುರುಳಿ | ಶನಿವಾರ, 25 ಅಕ್ಟೋಬರ್‌ ‌2025

ಚುರುಮುರಿ: ಸಿದ್ಧಾಂತದ ಫಲ!

ಪೋಷಕರು ಮಾಡಿದ ಆಸ್ತಿ ಪರಭಾರೆಯನ್ನು ವಯಸ್ಕರಾದ ಬಳಿಕ ನಿರಾಕರಿಸಬಹುದು:’ಸುಪ್ರೀಂ’

ಚಿನಕುರುಳಿ | ಶುಕ್ರವಾರ, 24 ಅಕ್ಟೋಬರ್‌ ‌2025