ವೈದ್ಯರು, ಲೆಕ್ಕಪರಿಶೋಧಕರ ಶ್ರಮಕ್ಕೆ ಪ್ರಧಾನಿ ಮೋದಿ ಶ್ಲಾಘನೆ

ಡಾ.ಬಿ.ಸಿ.ರಾಯ್‌ ಅವರ ಜನ್ಮದಿನವಾದ ಜುಲೈ 1 ಅನ್ನು ವೈದ್ಯರ ದಿನವಾಗಿ ಆಚರಿಸಲಾಗುತ್ತಿದ್ದು, ಈ ಸಂದರ್ಭದಲ್ಲಿ ಮೋದಿ ಅವರು ವೈದ್ಯರ ಸೇವೆಯನ್ನು ಶ್ಲಾಘಿಸುವ ಕಿರು ವಿಡಿಯೊ ಸಂದೇಶ ಬಿಡುಗಡೆ ಮಾಡಿದ್ದಾರೆ.

ಬುಧವಾರ (ಜುಲೈ 1) ಲೆಕ್ಕ ಪರಿಶೋಧಕರ ದಿನವೂ ಆಗಿರುವುದರಿಂದ ಪ್ರಧಾನಿಯವರು ತಮ್ಮ ವಿಡಿಯೊದಲ್ಲಿ ಈ ಸಮುದಾಯದವರಿಗೂ ಅಭಿನಂದನೆ ಸಲ್ಲಿಸಿದ್ದಾರೆ.

‘ಆರೋಗ್ಯಕರ ಮತ್ತು ಪಾರದರ್ಶಕ ಆರ್ಥಿಕತೆಯನ್ನು ಖಾತರಿಪಡಿಸುವಲ್ಲಿ ಶ್ರಮಜೀವಿಗಳಾದ ಲೆಕ್ಕ ಪರಿಶೋಧಕರು ಮಹತ್ವದ ಪಾತ್ರ ವಹಿಸುತ್ತಾರೆ. ಸಮಾಜದ ಆರ್ಥಿಕ ಆರೋಗ್ಯ ಸರಿಯಾಗಿರುವಂತೆ ನೋಡಿಕೊಳ್ಳುವ ಹೊಣೆ ಈ ಸಮುದಾಯದ ಮೇಲಿದೆ’ ಎಂದಿದ್ದಾರೆ.