ಬೆಂಗಳೂರು: ಮಂಗಳವಾರ ನಡೆದ ಆ್ಯಪಲ್ ಇವೆಂಟ್ನಲ್ಲಿ ನೂತನ ಐಪೋನ್ 13 ಸರಣಿಯನ್ನು ಪರಿಚಯಿಸಲಾಗಿದೆ. ಅದರ ಬೆನ್ನಲ್ಲೇ ಹಳೆಯ ಐಫೋನ್ ಮಾದರಿಗಳ ಬೆಲೆಯನ್ನು ಆ್ಯಪಲ್ ಇಳಿಕೆ ಮಾಡಿದೆ.
ಆ್ಯಪಲ್ ಐಫೋನ್ 12 ಮತ್ತು ಐಫೋನ್ 11 ವಿವಿಧ ಆವೃತ್ತಿಗಳ ದರ ಇಳಿಕೆಯನ್ನು ಆ್ಯಪಲ್ ಇಂಡಿಯಾ ಆನ್ಲೈನ್ ಸ್ಟೋರ್ನಲ್ಲಿ ಪ್ರಕಟಿಸಿದೆ.
ಪ್ರತಿ ಬಾರಿ ಹೊಸ ಐಫೋನ್ ಬಿಡುಗಡೆ ಮಾಡಿದ ಬಳಿಕ ಆ್ಯಪಲ್, ಹಳೆಯ ಮಾದರಿಗಳ ಬೆಲೆ ಪರಿಷ್ಕರಿಸುತ್ತದೆ.
ಆ್ಯಪಲ್ ಐಫೋನ್ 12, 64 GB ಮಾದರಿ ಆರಂಭಿಕ ಆವೃತ್ತಿಗೆ ಬಿಡುಗಡೆ ಸಂದರ್ಭದಲ್ಲಿ ₹79,900 ದರ ಇತ್ತು. ಆದರೆ ₹14,000 ಬೆಲೆ ಇಳಿಕೆ ಬಳಿಕ ₹65,900 ದರಕ್ಕೆ ದೊರೆಯುತ್ತಿದೆ.
ಅಲ್ಲದೆ, 2019ರಲ್ಲಿ ಆ್ಯಪಲ್ ಬಿಡುಗಡೆ ಮಾಡಿದ್ದ ಐಪೋನ್ 11, ಕಳೆದ ವರ್ಷ ಬೆಲೆ ಇಳಿಕೆ ಬಳಿಕ 64GB ಮಾದರಿಗೆ ₹54,900 ದರ ಹೊಂದಿತ್ತು. ಈ ಬಾರಿ ಮತ್ತೆ ಬೆಲೆ ಇಳಿಕೆ ಮಾಡಲಾಗಿದ್ದು, ಪ್ರಸ್ತುತ ₹49,900 ದರಕ್ಕೆ ದೊರೆಯುತ್ತಿದೆ.
ಐಫೋನ್ 12 ವಿವಿಧ ಆವೃತ್ತಿಗಳ ಪರಿಷ್ಕೃತ ದರ ವಿವರ ಇಲ್ಲಿದೆ.