ಬೆಂಗಳೂರು: ಕ್ಯುಪರ್ಟಿನೊ ಮೂಲದ ಟೆಕ್ ದೈತ್ಯ ಸಂಸ್ಥೆ ಆ್ಯಪಲ್, ಮುಂದಿನ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಹೊಸ ಐಫೋನ್ ಪರಿಚಯಿಸಲಿದೆ ಎಂದು ವರದಿಗಳು ಹೇಳಿವೆ.
ಆ್ಯಪಲ್ ಐಫೋನ್ ಸರಣಿಯಲ್ಲಿ ಎಸ್ಇ 3 ಮಾದರಿ ಬಿಡುಗಡೆಯಾಗುವ ನಿರೀಕ್ಷೆಯಿದ್ದು, ಐಫೋನ್ ಎಕ್ಸ್ಆರ್ ವಿನ್ಯಾಸದಲ್ಲೇ ಹೊಸ ಐಫೋನ್ ಬಿಡುಗಡೆಯಾಗಲಿದೆ ಎನ್ನಲಾಗಿದೆ.
ಮಾರ್ಚ್ ತಿಂಗಳಿನಲ್ಲಿ ವಿಶೇಷ ಈವೆಂಟ್ ಆಯೋಜಿಸುವ ಮೂಲಕ ಆ್ಯಪಲ್, ಹೊಸ ಐಫೋನ್ ಬಿಡುಗಡೆ ಮಾಡಲಿದೆ.
ಹೊಸ ಐಫೋನ್ ಎಸ್ಇ 3 ಮಾದರಿಯಲ್ಲಿ ಆ್ಯಪಲ್ 5G ತಂತ್ರಜ್ಞಾನ ಪರಿಚಯಿಸಲಿದೆ. ಜತೆಗೆ ಬ್ಯಾಟರಿ ಮತ್ತು ಕ್ಯಾಮೆರಾದಲ್ಲೂ ಕೆಲವೊಂದು ಬದಲಾವಣೆಗಳನ್ನು ನಿರೀಕ್ಷಿಸಬಹುದು ಎಂದು ವರದಿಗಳು ಹೇಳಿವೆ.