ಅದರ ನಂತರ, ವಂಚಕರು ಕಂಪ್ಯೂಟರ್ ಪರಿಭಾಷೆಯಲ್ಲಿ ಸುಳ್ಳಿನ ಕತೆಯೊಂದನ್ನು ಸೃಷ್ಟಿ ಮಾಡುತ್ತಾರೆ. ಆ ಕತೆ ಹೀಗಿದೆ... ‘ಅಶ್ಲೀಲ ವೆಬ್ಸೈಟ್ನಲ್ಲಿ ನಾವು ವೈರಸ್ಗಳನ್ನು ಹರಿಬಿಟ್ಟಿದ್ದೇವೆ. ನೀವು ಅಶ್ಲೀಲ ಸೈಟ್ಗಳನ್ನು ವೀಕ್ಷಿಸುತ್ತಿರುವಾಗ, ನಿಮ್ಮ ವೆಬ್ಕ್ಯಾಮ್ ಮತ್ತು ಕಂಪ್ಯೂಟರ್ ಪರದೆಯನ್ನು ನಾವು ಹ್ಯಾಕ್ ಮಾಡಿದ್ದೇವೆ. ನಿಮ್ಮ ಮೆಸೆಂಜರ್, ಫೇಸ್ಬುಕ್ ಮತ್ತು ಇ–ಮೇಲ್ನಿಂದ ನಿಮ್ಮೆಲ್ಲ ಸಂಪರ್ಕಗಳನ್ನೂ ಕದ್ದಿದ್ದೇವೆ,’ ಎಂದು ಆ ಕತೆಯಲ್ಲಿ ಹೇಳಲಾಗುತ್ತದೆ. ಇದು ಸುಲಿಗೆಯ ಅಂತಿಮ ಹಂತ ಎಂದು ಸಿಇಆರ್ಟಿ ಹೇಳಿದ್ದು, ಕತೆ ನಂಬಿದರೆ ಆನ್ಲೈನ್ ಬಳಕೆದಾರರು ಹಣ ಕಳೆದುಕೊಳ್ಳುವುದು ಖಚಿತ ಎಂದು ತಿಳಿಸಿದೆ.