ಆಕ್ಲಾಂಡ್‌: ಮೃಗಾಲಯದ ಪ್ರಾಣಿಗಳಿಗೆ ಕೋವಿಡ್‌ ಲಸಿಕೆ
ಅಕ್ಷರ ಗಾತ್ರ :ಆ |ಆ |ಆ
ಆಕ್ಲಾಂಡ್‌: ಪ್ರಾಣಿಗಳನ್ನು ಕೊರೊನಾ ಸೋಂಕಿನಿಂದ ರಕ್ಷಿಸಲು ಸ್ಯಾನ್‌ಫ್ರಾನ್ಸಿಸ್ಕೊದ ಬೇ ಏರಿಯಾದ ಮೃಗಾಲಯದಲ್ಲಿರುವ ಕರಡಿ, ಸಿಂಹ, ಚಿರತೆ ಮತ್ತಿತರ ಪ್ರಾಣಿಗಳಿಗೆ ಪ್ರಾಯೋಗಿಕವಾಗಿ ಲಸಿಕೆ ನೀಡಲು ಆರಂಭಿಸಲಾಗಿದೆ.
ಈ ವಾರ ಮೊದಲಿಗೆ ಹೆಣ್ಣು ಹುಲಿ ಮತ್ತು ಮೊಲ್ಲಿ ಪ್ರಾಣಿಗಳಿಗೆ ಲಸಿಕೆ ನೀಡಲಾಗಿದೆ ಎಂದು ಸ್ಯಾನ್‌ಫ್ರಾನ್ಸಿಸ್ಕೊ ಕ್ರಾನಿಕಲ್ ಪತ್ರಿಕೆ ಶನಿವಾರ ವರದಿ ಮಾಡಿದೆ.
ವಿವಿಧ ಪ್ರಾಣಿ ಪ್ರಭೇದಗಳನ್ನು ರಕ್ಷಿಸುವ ರಾಷ್ಟ್ರೀಯ ಅಭಿಯಾನದ ಭಾಗವಾಗಿ ಕೈಗೊಂಡಿರುವ ಅಭಿಯಾನಕ್ಕೆ ನ್ಯೂಜೆರ್ಸಿಯ ಪಶುವೈದ್ಯಕೀಯ ಔಷಧ ಕಂಪನಿ ಜೊಯಿಟಿಸ್‌, ಲಸಿಕೆಯನ್ನು ಅಭಿವೃದ್ಧಿಪಡಿಸಿ ದೇಣಿಗೆಯಾಗಿ ನೀಡಿದೆ.
ಮೃಗಾಲಯದ ಪಶುವೈದ್ಯಕೀಯ ಸೇವೆಗಳ ಉಪಾಧ್ಯಕ್ಷ ಅಲೆಕ್ಸ್ ಹರ್ಮನ್, ‘ಮೃಗಾಲಯದಲ್ಲಿರುವ ಯಾವುದೇ ಪ್ರಾಣಿಗಳಿಗೆ ವೈರಾಣು ಸೋಂಕು ತಗುಲಿಲ್ಲ. ಅವುಗಳನ್ನು ಸೋಂಕಿನಿಂದ ರಕ್ಷಿಸುವ ಹಿನ್ನೆಲೆಯಲ್ಲಿ ಮುನ್ನೆಚ್ಚರಿಕೆ ಕ್ರಮವಾಗಿ ಲಸಿಕೆಗಳನ್ನು ನೀಡಲಾಗುತ್ತಿದೆ. ಈಗ ಹುಲಿಗಳು, ಕಪ್ಪು, ಕರಡಿಗಳು, ಸಿಂಹಗಳು ಮತ್ತು ಫೆರೆಟ್‌ಗಳಿಗೆ ಒಂದು ಡೋಸ್‌ ಲಸಿಕೆಯನ್ನು ನೀಡಲಾಗಿದೆ. ಮುಂದೆ ಸಸ್ತನಿಗಳಿಗೆ ನೀಡಲಾಗುತ್ತದೆ‘ ಎಂದು ಹೇಳಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
