ಬೀಜಿಂಗ್‌: ಚೀನಾದ ಹೊಸ ವರ್ಷಾಚರಣೆ ಸಂದರ್ಭದಲ್ಲಿ ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ ಏರಿಕೆಯಾಗುವ ಸಾಧ್ಯತೆ ಇದ್ದು, ಆ ಸೋಂಕಿತರಿಗೆ ಚಿಕಿತ್ಸೆ ನೀಡುವುದಕ್ಕಾಗಿ ಉತ್ತರ ಚೀನಾದ ನಗರದಲ್ಲಿ ಕ್ಯಾರಂಟೈನ್ ಸೌಲಭ್ಯವಿರುವ 3ಸಾವಿರ ಘಟಕಗಳನ್ನು ನಿರ್ಮಿಸಲಾಗುತ್ತಿದೆ.
ಹೆಬೈ ಪ್ರಾಂತ್ಯದ ರಾಜಧಾನಿ ಶಿಜಿಯಾಝುವಾಂಗ್‌ ನಗರದ ಹೊರವಲಯದ ಕೃಷಿಭೂಮಿಯಲ್ಲಿ ಹೊಸ ಕ್ವಾರಂಟೈನ್ ಕೇಂದ್ರಗಳ ನಿರ್ಮಾಣ ಚಟುವಟಿಕೆಯನ್ನು ರಾಜ್ಯದ ಮಾಧ್ಯಮಗಳು ಶುಕ್ರವಾರ ವರದಿ ಮಾಡಿವೆ. ಈ ಪ್ರಕಾರ, ರಾಜಧಾನಿಯ ಹೊರವಲಯದಲ್ಲಿ ಕೃಷಿ ಭೂಮಿಯನ್ನು ನೆಲಸಮ ಮಾಡುತ್ತಾ, ಕಾಂಕ್ರೀಟ್ ಸುರಿಯುವುದು ಹಾಗೂ ರೆಡಿಮೇಡ್‌ ಕೊಠಡಿಗಳನ್ನು ಜೋಡಿಸುವ ಕೆಲಸ ನಡೆಯುತ್ತಿದೆ.
ಕಳೆದ ವರ್ಷ ವುಹಾನ್‌ ನಗರದಲ್ಲಿ ಕೊರೊನಾ ಸೋಂಕು ಉಲ್ಬಣವಾದಾಗ, ಚೀನಾ, ನಗರದ ಹೊರ ವಲಯದಲ್ಲಿ ರಾತ್ರೊ ರಾತ್ರಿ ಆಸ್ಪತ್ರೆಗಳನ್ನು ನಿರ್ಮಿಸಿತ್ತು. ಜಿಮ್ನಾಷಿಯಂಗಳನ್ನೇ ಐಸೊಲೇಷನ್ / ಕ್ವಾರಂಟೈನ್ ಕೇಂದ್ರಗಳನ್ನಾಗಿ ಪರಿವರ್ತಿಸಿದ್ದನ್ನು ಸ್ಮರಿಸಬಹುದು.
